Home

Synodal Documents

Gonvllik Porixodeche Dakhle

CP-Dec/44/2002

 

XASON POTR

 

Dhormprantik Porixodechem nivedon (ani xifarosi)

Dhorm'prantik Goy ani Damanvche Gonvillik Porixoden foll koso kel'lea nivedonacho xevtta-utaro aple votin amkam dil'lo tacher bariksannin nodor ghaltoch;

Vatikani Dusre Vixv Sobhe uprantli amchi Povitr Sobha somudaiancho ekchar koxi zavn ticher novsornne khatir ani boreponna ani thambonasle vaddi ani udorgoti pasot Dhorm'prantik Porixodem aplea nivedonant asloleo vevharik, bhov korun gonvllik xifarosi (recommendations) keleat teo barkaien topastoch;

Amche Dhorm'prantik Porixodeche toiare panvddear astana sthanik Povitr Sobhechea sogllea vibhaganchi urba pollevn ani uprant sumanbhor zal'le Porixodeche somarombhnnent vantto ghetlolea protinidhim-bhagidaramni kallzantsun sohokar dilolo pollevn;

Soglleam von-Devak odik vakhannun ani dhin'vasun, karonn ami Porixodent vantto ghetlolim borobor jieleanv, borobor magnnem kelam ani Povitr Atmeacho eksarko sangat-bhorvanxeacheo ani jivsannicheo khunna zavn-ami onnbhovla ani he vorvim Tisre Hozare Umbrear Gonvllik Husko ho Porixodecho vixoi ek avhan zavn tem vevharant ghalunk;

Ami hea xason-potra udexim:

1. Goy ani Damanv Dhorm'prantik Porixodechem nivedon ani xifarosi amchea hatant ghatleat-ani hea xason-potrak teo zoddleat-teo ami khuxalkaien mandun ghetanv.

2. Tech borabor ul'lekh kelam tem xifarosi aslolem nivedon uzvaddak haddunk, vanttunk, tharavunk ani hea Mhadhorm'prantant dhorm'prantik ani firgoje thorancher toxenche amche Dhormsobhechea sonsthamni vevharant ghalpak tharaitanv.

3.  Dhorm'prantik Porixodechea nivedonantleo xifarosi sompeponnim vevharant ghalpa khatir gorjechem pavlam marunk ek Porixodecho vaur Fuddem Vhorteli Somiti (Diocesan Synod Follow-up Committee) sthapun odhikaran nemlea mhonn kollit kortanv.

"Jivont zal'lea Jezu sangata ami Goyche zatrekan'n Povitr Sobheche vangddi sangatim kel'le amche zatrent. Atmeachea fuddarponna khal sogllea amcheam bhoinnim ani bhavam borabor ekvottan ani nettan vavurpak utor ditanv ani khoreponnim bhorvanso dhortanv ani magtanv.

Dhorm'prantik Gonvllik Ievzonn 2002 (Diocesan Pastoral Plan 2002 - DPP 2002) hika ami soglim bandun asunk hem Nivedon ani Xifarosi amkam soglleank dhir ani sfurt dium.  Devachi vixex stuti korun ani Taka argam divn hi Ievzonn mandun gheunk ani ti amchea Bhavarteank bhettounk amkam sontos bhogta. 

"Khol udkant vochat oxem Jezu mhonntta.  Tacher patievn ani Povitr Atmeachem boll ghevn Tache Goyche Povitr Soche vixim amchea ABBAchem sopon asa tem sakar korunk ami fuddem sortanv" (DPP 2002 vixim xason-potr); vo Durso Juanv Paul Pap Saib mhonntta te porim: "Ami bhorvanxean fuddem sorum-ia! Povitr Sobhe mukhar eka vixall mhasagra porim Novi Hozari ugti zata ti par korunk ami Kristachea adaracher patievn fuddem sortoleanv (NMI 58)

Bhagevont Ankvar Mari - "Nove Dhorm'porgottnnechem Noketr' ani St. Fransisk Xavier (Udentecho ani Dhorm'porgottnnecho Askari) ani Bhoktivont Juze Vaz (amchea Dhorm'porgottnnecho Askari) hanche mozotin Devan amkam axirvad dium ami Devachea Rajachi purnntai mello porian amkam, hea sonvsarantle zatrekar koxe zal'leank, amche he zatrent sangat dium.

Goyam, Ponnje " Paco Patriarcal" ant 2002 vorsache Maiache 19ver (Povitr Atmeache Porbe Disa) amche soie ani Patriarkache Kocherechea xik'kea khala hem dilam

 

                                                                                     +Raul Gonsalves

                                                                               Goy ani Damanvche Arsebisp

                                                                                              ani

                                                                                  Udente Indiancho Patriark

 

Prostavna

 

1. Amchea Deva Bapachea ani amchea Soddvonnar Jezu Kristachea Atmean Gõy- Damanvchea Dhormprantik Porixôdek, S. Pius X Gonvllik Vidhia Mondirant, Adleam Gõyam Febrerache 17 tem 23, 2002 apoilolim, ami, 360 vantto gheupi amchea Arsebisp-Patriark ani Adhari Bispa borobor urbevont bhorvonxean ani amcheam soglleam  bhoinnicho ani bhavancho khoro husko amchea kallzamnim gheun, ami provas kelo.

 

 

 

2. Ami, Kristachim xis, Gõy ani Damanvchea Dhormprantachea  protinidhi  Diu-chea   poixilea zunvear thaun, Damanvchea doria-kinarechea vattaramnim thaun, Dadra Nagar Havelichea   thaun ieun, hea Porixôdechea Senaklant somudaiancho Somudai koxim jieleanv. Ak’khea satolleant ami borabor jieleanv, borabor magnnem kelam, borobor vavurleanv ani Povitr Atmeanchem ek-sarkem asnnem onbhovlem.      Porixôdechea “Tisrea Hozarveachea humbrear Gonvllik Husko” hea vixoiachea avhanak fuddo korchea khatir bhorvonxeachim ani bollachi khunna zaunk amkam sfurti mell’li.

3. Halinchea vorsamnim Gõyche Povitr Sobhen aplea vavrachea sogllea vattaramninn apli novsornni korunk proitn kela. Soglleam vantto ghevpachea bandavollim vorvim, dekhik Lhan Kristi Somudai (LKS), Govllik Firgoz Sobha (GFS),  Padrinchi Diosezan Sobha (PDS) ani Diosezan Gonvllik Sobha (DGS), Kristi Bhavartache Akarnnecheo  Kariavolli ani, kheritponnim Diosezan Govllik Ievzonnen ( 1983 ani 1990), Gõyche Kristi Porjen     ani rosnnaiechi Povitr Sobha zaunk panvlam marleant.

4. He Dhormprantik Porixôdechi toiari    koxi amche otmeachi xodh korpacho poves Povitr Atmeanchea Ienneache porbent 1999 suru zal’li. Bhavarteancheo gorzo , anvdde ani suchovnneom zanno zaunk tin pavtti sol’lo    ghetlea uprant, Vaura Potr ani vinchar volleri heam don hetum  khatir      keli: (a) Vavra Potrachi mollavnni korun anikui zabab mellunk, (b) Diosezan Gonvllik Ievzonn 1990 hantunt bodlop korunk vo novi Ievzonn toiar korunk. Porixôden sarko obheas ani chorchea    korunk, Vavra Potrant aslole aspavun anikui zabab ani suchovnneo Vavra Potrak melleat tei hispant gheun, amche Arkdiosezik sodea gorzo ani avhanam asat tim pollelim ani Porixôden xikunk ani cheocha korunk, prostav ani suchovnneo keleo.

He Povitr Sobheche itiahasik ghoddnent vantto ghetoleanchea barkaien thav ghetloleacho, hem nivedan ek   porinam   zaun asa. AMCHEA BHAVARTACHO ONNBHOV ANI BHORVONXEACHI NODOR

5. Sorv pritvecho ani soglleam monxancho mog korta to Dev, amcho, amchea zomnicho ani amchea lokacho mog korta mhonn ami Gõychim Kristi Bhavarti sotmantat mhunn khuzalkaien dakhol kortat. Tacho ogonnit sodanch togta toslea mogak xim’-mer ani oti nant.

Ami vattsuram, ami sogllim, ak’khea sonvsarantleo ostorio ani dadle ek somudai zaum asat. Karann, amkam soglleank Devachea sarkeachim rochleant ani amcho soglleancho Dev zaun asa xevott (Polle NA-1). Oxem astana, amchi zat ani dhorm, raxttr ani sonskruti kitem-i asum, xevottak ami ekttaim zatolim mhonn bhorvanxean ami sangatan    poinn kortat.

6. Devan, Jezuchea, Bapan aplea vhodda molachem dennem, aplo ekloch Put, amche modem dhaddun, apli sonvsara khatir taronnik ievzonn puri keli.(Polle Jn. 3.16, EA – 14). Amchi mon’xaponnachi soimbik osoktai ani patok Jezu-Krsitan apnnacher ghetlem. Zori to ek Judev zolmolo, soglleam mon’xam thaim ekvottunk to hea sonvsarant ailo punn teach borobor aplea Bapa lagim aple thir sombhodh samballun to jielo: Dev amche modem, amche thaim ani amche khatir .

7. Vosnnukponna khal aslolea eka desantle surpurle vilaten Jezu durbollkaien zolmolo, tacher khup zulum kelo punn tea kallar vostali te porsthitek tannen tokli bagaili nam mhonn amkam amchi attvon sangta.  Jezu Krista, mon’xa kullachea ekach Soddvonnara  vorvim, koxttanchea ani mornachea umanneacher Uzvadd poddta, Tachea Xubhovtonman,   he bhavnen ami akull-pikull zatat (GS-22). Aplea Jivita, Vavra ani odik korun morma ani Punorjivontponna vorvim Jezu amche modem Devachem raj suru kelem ani  mon’xachem khorem   mol dakhoilem. Ami sogllim uzvaddachim bhurgim, bhoinnim ani bhav, Devak amcho Abba Bapui mhonnunk amkam favo kelem.

8. Jezucho sondex fokot fuddarachea bhorvanxeacho nhoi. Bapan eka Dhaddlolean porgott’lem: “ Sorvesporacho Otmo mhojer asa, goribank Bori khobor diunk, Koideank suttka porgottunk……. Hem    jem tumi aikolam,  aiz tem khorem zalam, (Lk. 4: 18-25). To soglleam lagim sombondh korit aslo, soglleank pavtalo mhunn Tacheo soglleo kornneo  dakhol kortat. Tachem Raj soglleank  borem   korpachem. Veta thoim tannem borem ximpddailem   ( D.I : 10: 38) ki soglleank jivit mellunk ani tem subhamponnim mellunk ( Jn 10: 10) ani sogott mogacho ani eka- mekacho usko aslolo ek somudai zaunk (DI 2: 42)

9. Jezu jietalo tea lokan Devachem Raj purtem onbhovlem. Tache bhonvtim ek somudai nirmann zalo, tannem vinchun kaddlolo Kiteak soglleam ostoreank ani dadleank veakti  nhoi punn ek somudai koso povitr korunk ani taronn diunk tachi khoxi asli . Taronnachea novea ortha pormannem,    Kristak sotmantat ani Atmean novo zolm ghelto tim DEVACHI NOVI PORZA, jicho Adlea Korarant ullekh asa.

Hi Devachi novi porza. Jezu Kristachi Povitr Sobha Devachea Rajeachi khunna ani hatiar. Devachea Rajeache seve khatir asa, ho sonvsar novsorun ogllo promannik ani bhavponnacho,  mogacho ani xanticho somaz – “EK NOVO SOMAZ” korpachem amttem.

10.Hea Novea Somazant zantunt Povitr Sobha soimbanuch misionari hajir ani jivall asa, Jezuche, ani Devachea Rajeache nodre pormannem soglleank monxaponnachem mullavik eksarkeponn bhogunk mellta. Dekhun hea Rajeant soglle torenche somajik ani sanskrutik  vegllochar Devache ievzonnek sobhonant mhonn tachea khal dovrunk ani sompounk zai. ( GS-29)

Xevott ie pasun ami hem sonvsantleam poinn kortana, amkam Kristi bhavarteank, mon’xanchea thir ekvottant ravun, dusream dhormachea bhoinnim ani bhavam sangata jieunk apoileant. Dekhun Novea Somaza vatten nettan fuddem vochunk, Povitr Sobhecho ek soimbacho bhag sogllem  mon’xakull Povitr Sobhechea vauracho vattar ani Novo Somaz-achi      kariavoll.

11. Koreponnim amchea voir-sokol aslolea addkollinchea ani   huskeanchea poinnant amkam Devache vattsur porjek, bogorbogor novsornnechi goroz. Povitr Sobha jitli Kristachea uzvaddan bhorta, title chodd monxakull uzvaddant bhortoli. Amchea otmik jivitache novsornnechem khoreponn, sogllea ostoreank ani dadleank ek somudai ani ek    kuttumb koxem jieunk ami fuddakar ditanv tacher kollun ietolem.

12. Dor ek Povitr Sobha mhonnge Diosez ekvottachi govai zaunk zai, hem zaun asa Povitr Sobhechem  khorelem  Soimb. Govllia bhonvtim, ekttvottolea somudaiacho ekvott mhollear diosez,   iadnik Devak jivit bhettoilole ani Krsiti bhavarti Povitr Atmeache kurpechea adharan Jivitacho ani kallzacho son’vad kortat. Diosezint, Somajik, rajkornni, dhormik, sonskrutik ani aithik porsthitent (Polle EA-25) somudaiancho ekvottvevharant ghalunk zata. Povitr Sobha ekvottachem ghor ani xalla korunk: Tisrea Hozarveant amchea mukhar hem ek vhodd avhan zaun asa, ami Devache ievzonnek visvaxi zatoleanv ani sonvsarache khol axek zobab ditoleanv zalear. ( polle NMI –43)

13. Mha-utsov 2000 hache somorombhnnent, Tisrea Hozarveant bhitor sorunk,  jivont Jezun amkam sangat kelo. Hi Porixôd amkam Vatikan II Sobha  uprantle novsornnent ek mhotvacho panvddo  “ eka Novea Sorg ani ek Nove Prithum” Vatten  Gõychi Povitr Sobha poinn kortana.

Somudaiancho jivall ekvott somudai zaupachea novea avhanak fuddo korunk niall kortana, he Porixôdent amkam Gõyche projek amchi zomin, amchi sonskrutai, ancho sotos ani bhorvanso, amche proxnn ani huske amchi patt bhuim (buniad) zalea.

 

 

  56    GOY HISPANT GHEUN

 

 

 

 14. Itiasa pormannem Gõychea samazant zaitoch bodol zala. Purtugezanchea       vosnnukponnantli mekllik 1961 vorsa, uprant 1967 lokmot,   1987, Ghottok Rajeacho dorzo, ghottneche 8ve vollerent konknnicho aspav ani 1987 konknnik raj bhasecho dorzo Gõyche  hanvkek ani amchea xanneponnak maniotai.

 

SOMAJIK –ARTHIK – RAJKARONNI HUSKO

 

 

 

15 Indiechea dusream prantank sor kelear, loksonk-ia, xikxonn ani arthik

 

 

poristhiteche nodren Gõycho panvddo boro asa. Gõychea monxa-

 

 

kerinkonne ienavoll ani Jivitacho    dorzo desantleam unchleam borobor

 

 

asa Gõyche somajik sudharopachi mandavoll dolleamnim bhorpa sarki

 

 

asa. Gõyant Xikxonnik lok 82.32% ( Provisional census 2001) asa,

 

 

vorsavollik vadd 6% asa ani mortoleam bhurgeancho ankddo khup sokol

 

 

asa, roste, telefon,    adi hacher nodor dakhol korta ki Indieche arthik

 

 

udargotin, Gõy mukhar asa. Gõychi soimbik sobitai poriotton-a 

 

 

vatten Gõyak mukhi zago korta.

 

 

 

16.     Gõyant monxa-konnkonne iennavoll Indientleam dusream prantam

 

 

poros voir mhonntat torui sthanik Gõykarank Gõyant favo tosleam

 

 

songanchi poristhiti    na. Gõychea tornatteank modem bekarponn,

 

 

Gõychea somazak ek vhoddlo proxnn zaun asa. Dekhun tornatteam

 

 

porki desamnim ghor-sonvsar korunk poddla ani Gõyant Gõykarancho

 

 

ank vegan denvot vela.

 

 

  17.     Gõychi rajkornni poristhiti anikui huskeachi zaun asa.  Edem chodd rajkornni rongbodlop  ani asthir sorkar, karbharant bezababdarponn, khub broxttachar hache vorvim adim lokxaiechea karbhara vixim survatachi hurba asli ti kobar zait veta.

 

 

  18.     Jogantlea ghoddnukancho Gõycher porinnam zainastana urunkna. Kuttumbik     Somajik jivitak hacho mar bhosla. Apunn apnnak dev somestank, veg-vegleam vostum vixim  bul  ani axea vaddlea ani somazache tirpatte zaunk pavleat Gõyant hinsa ani oprad vaddleat.Gõychem xantikaiechem sugurponn luhu luhu nopoit zait veta. Somajik –arthik-rajkaronn poristhiten, ani sonvsarantlea ghoddneanchea porinnaman, Gõychea sonskrutik veoktiponnak    ghombir akhant nirmannn zala.

 

 

 

  SONVSKRUTI ANI XIKXONN

19.     Gõychi sonvskruti rong-ronginn-tantunt poromporik mull lokanchi, Bharoti ani Ostomteche poromporichi oxeo sonskrutaieo misoll asat. Purtugezanchea probhavak lagun, Gõychea sonskrutik viaktiponnacho ek mukhi gunn mhonnlear Udentecho ani Ostomtecho ekvott. Gõychi kherit sonskruiti sahitia, kola,      jevonn khannantlean dakhol zata. Kheritponnim Konknni amchi avoi-bhas amchea viaktiponnecho ek mukhel vantto zaun asa. Tech porim Moratti bhas ani sahitiai “ New Conquests”vattarant Gõyche sonskrutaiecho vantto zaum asa.

 

 20.     Gõychea sonskrutik veglleponnacho poramos ani ukhol xalla vorvim kela. Gõyant mullaveo ani unchleo xalla ani veg-veglleam bhagank unchlea xikxonnacheo bandavolli khup asat. Xikxonn molar Povitr Sobhen xikxonna vixim sodanch fuddakar ghetla ani xikxonna molar kel’lea proitnacho, Povitr Sobha  buneadicho fator mhonn        obhimanan mhonnnom ieta.

 

 

  21.     Gõyche sonskrutaiecher, bhitorlean ani bhailean  ek tabo nirman zal’lo asa. Indiechea arthikponnachem meklleponn ani “ globalisation” hacho survat hea chearui ghoddneachem aichea somazacher odhik korun Gõychea tonatteancher  nisonttonacho porinnam zal’lo asa. Xiklolea bhurgeanche poile  pillgechea bhurgeam ani tanchea avoi-bapaiam modlem  khavttem  anik ek husko korpacho vattar zaun asa.

 

 

  22.     Gõy ek bonvddekarache avddicho ani faido zago mhonn fuddem vhortat tache vorvim Gõychea poriavoronnacher  ani sobhavacher mavo poddleat ani aninkui ghai poddtat. Vikhallim okdam, xindulki, lingi bhog bhurgeam vorvim, bebdikai adi amchea kuttumbank zaitench vaitt korit asa, ani odik korun kinarechea ganvamnim amchea tornatteancho ibadd korta.

 

 

  23.     Vegim duddu korpache axe vorvim, otmik, sonskrutik ani dhormik mulleank zoxem mon’xank man, kheritponnim pai-maink ani zantteank, xil, kuttumbachea vangddeancho ani sezareancho husko, hacher chodd-xi bada ailea. Khospaiechea jivitachi chal, khup khorch    korun somorombhnneo chodd korun somajik dobhavak lagum heo thoddeo akant nirman kortat tosleo aiche sonkoxttacheo goxtti.

 

  24.     Amche xikxonnache mandavolli vorvim nitichem, promannikponnachem raxttrik kaideank man divpachem vo raxttr bandun haddpa khatir goroz ti kola divpant amakm ies mellunk nam. Boro xikxonnik nikall mellovpacher lokx ghalun, dusrea poilitaiancho amchea xallanim teag kela ani xikpeanchi chearui vattanim udargot korpant, upai rochunk xokunk nant. Amchea xallamnim, kolejinim  ani dusream xikxonnik  bandavollimnim    borem-i nhoi ani vaittui nhoi tosli sonskrutai bhitor sorlea ani hea vorvim xikxonnacho panvddo, huxarkaiechi nodor ani xodh korpachi kopxi heam sogllem khala poddlam.

 

DHORMIK PORISTHITI

 

 25.     Gõychea porjek aplea modem Hindu, Musolman ani obhiman Kristanv hacheam ekvottit ani sonvostkaiechem jivit vosta tea dhormik  daizacho obhiman asa. 1991 Lok-gonnte promannem Gõyche porje modem 64.68% Hindu, 29.86% Kristanv ani Sumar 5.25 % Musolman asat. Hea xivai dusream-i dhormache lok lhan amkam Gõyant asat. Adhunikponnacho ani dhormatikponnacho probhav astana-i Gõyant soglle dhorm aplem boll ani novsornni korunk xokti dakhol kortat, zoxem veg-veglleam dhormik zomeam modem novsornnechea chollvollim vorvim pollounk mellta.

 

 

  26.     Punn halinchea kallant poromporavadi pongoddanchi ani dhormvadi. Bollanchi, raxttrik mollar vadd ani koddu uchambollai,   fodd moddichim kizilam, Indiechea somajik dhormatit xil moddtat ani dhormik sosnnikai ibaddtat  ani hacho Goychea dhormik poromporechea ekvottacher vaitt porinnam zal’lo asa. Soglleanche udorgoti vixim marlolim panvlam ani chollvolli jim Gõychea lokachea boreponna khatir astat, tankam legun dubavtat ani dhormvadi mhonn lekhtat, Gõychea zaiteam ganvanim ani sezarea modem dispottea jivitant veg-vegleam dhormachea lokachea sombhondan ani vagunukent thoddo bodol dista. Anik ek husko korpachi goxtt ti mukhi Kristi Igorjechea vangddeam modem je kuxin zaleat, torekvar pogodd upzotat.

 

 

  27.     Oso Gõyant xekdde vorsancho veg-vegleam dhormachea lokam modem ekvott ek sopon zait veta ani sod’dea hi ek khup husko korpachi goxtt zaun asa.

 

 

 

 

 

 

 

 

 

LOK SOMPORK UPAI  ANI TOTV VIDHNYANACHI MAHITI

 

 28.     Somachar prosar sadhon ani Totv Vidhnyanachi Mahiti amchea somazak atam bhaile probhav kortat. Khoim-sorui tancho probhav chodd disunk ienam punn xikxonnik ani sonskrutaiechea mollar dista.

 

 

 

 

 

 

 

 

 

  29.     Dusre vatten madheomak ugtte zaunk amcheam bhurgeank ani avoi bapaiank xikxonnan totv vidnyanant bore marg ugtte korun dileat. Totv vidnyan ek vahan koxem vegim ani bore toren bhasa-bhas korun tornnateank borim kamachim daram ugoddleant.

 

 

  30.     Dusre vattent vostu ekttavpachi sonskrutai amchea prochar madheomant dolleamnim polleunk zatat tosli jahirat ani kariakromamnim amche poramporik mud’de dovorleat. Door-darshanant amche familint chodd vait te probhav haddun amcho kuttumbik sombond tuttoun dovorla.

 

 

 

 

 

 

 

PORIAVORONNACHO  HUSKO

 

 31.     Bhugolik rupkar ani soimbik griestkai diun Gõycher, Devan axirvad ghala ki tem khup sobit ani teach borobor mon bulgoita ani boro poramus mellta tosli ravunk suat zalea.    Indiechea dusream svatancher zata tea porim soimbik ghoddne vorvim amche zomnik toxem lokak azun vhoddlem luskann zaunk na.

 

 

  32.     Patt-fuddo pollenastana amche girest sombik girestkaiecho durupeog korun, sobhovtonchi poristhiti haloitat ti ek amchea kallachi bhov sonkoxttachi ghoddi zaun asa. Aploch faido polletelancher tabo naslolea udeog –dondeak ami favo tea porim mandavoll nasloleam bandavollink    lagun oxem ghoddta. Nodinche dodder minachi khol nasloli bandavollik mati uddoun nodi purovtat, udok mellpache upai komi kortat, ranam katrun, mati vhanvun vochunk  sompem kortat, kochro vaddoitat odik korun plasttik ani varem bhoxttaitat heo zaun asat sobhovtonchea vatavoronna vixim husko korpacheo vostu.

 

 

  33.     Sorbhonvtichi soimbik poristhiti ibadd zait veta tea vorvim soimbik vatavorannak mar bhostach  nhoi punn Gõyant mon’xachea jivitachea dorjeak ani sugurponnak gombhir bhirant mirman zata mhonn amkam odhik ani odhik thavem zata.

 

 

 

   KUTTUMB SOMAZACHEAM ADHUNIK PROSNAMNIM

 

 34.     Kuttumb mhollear somazacho mukhel ani poilo bhag. Kuttumbant monis mullavem xikxonn gheta. Mullache sombond, bhitorli tognni ani ghorabeachem bore bhxen manddlolem jivit somazant khore suttkechi, surokxechi ani ekvottachi buniad. Amcheam poromporik kuttumbachea jivitant ekameka sovem man, boro ievkar ani sodanch togtoli surokxa mon’xank adinch thaun sodam mell’lea.

 

 

  35.     Punn aiz amche ghorabe ekdom oskot doxer ani bhoimkar chintnamnim cheplole asat. Tankam, toxench mon’xachem jivit mudd’dun kobar korunk sodtat tosleam xokteancho aichea kallant ghorabe mar khatat.

 

 

  36.     Jedna dor ek monis kuttumbantlean sonvsarant ieta ani dadleam-bailanchea vhoddlea somazant veta “ Gõy aspant    gheun” hea mathollea khal aslole proxnn je eke na dusre vatten, nitt vo nitt nhoi, kuttumbak lagu zatat tancher ami amchem lokx ghalunk goroz. Dekhun amche novsornnent ani Novo Somaz bandunk fuddem vetanam, Kuttumb amchea mullacho mukhi mud’do ani bunead zaun asa.

 

 

 

 

   GÕYCHE POVITR SOBHEK – NOVEA SOMAZACHO KHOMIR ZAUNK AVHAN

 

 

 

 

 

 

 37.     Gõychi Poristhiti asun  Tika lagpi soglle vixoi ani proxnn zantunt dusream Goenkaram borobor Kristi porjek vantto asa, hea sonvsarak Devachea kuttumbachem novem rup diunk ek khomir zavpachea amchea vavrant amkam Kristachea pattlavdarank ek avhan. Dekhun hea khatir vaurunk mhonnlear, mon’xakullachea itiasant bhitor sorun to bodlunk, Devacho vavr fuddem vhorunk, Devachem Raj bandun haddunk mhonnlear, sogllea vaittantli suttka mellounche khatir  - Khasgi, eka meka modem ani mandavollik – Devachi ievzonn xat’ti pavounk vaurunk. (Polle RM –15)

 38.     Patkanchi dukh dhorun, Devacho mog ami svikartat tednam ami khasgi ani somazik mekllikechi vhoddli chollvolll suru zata. Hi chollvoll “ Suttka” haddta, jitli ek-eka  veakteak bhandpas ghalun aslolea unnavantli ani vadantli mekllik melloita. Ixttagotiche sombhondh fuddem vhorta karann khorea somudaiant meklle zal’leam viakteank eka-mekacho husko korunk boll dita ani nit nirmann korta kiteak dev eka khorea somudaiak nitivont somajik manddavoll, ji meklleponn ani bhav-bhoinnponn nirmann korta, apnnavunk hurba dita. Devachea Rajacheo heo tin mukhi vostu Novo somaz bandunk amkam sfurti ani utejon ditoleo.

 

 39.     Somazache dodder asat tankam pavun, Devachem Raj soglleam khatir mhonn Jezu amkam dakhoita Tanchea gavanim jieun, tankam eksarkeponnan ani ixttagotin vagoun, tamkam To lagim sorta. Dev tancho mog korta mhonn tankam kollonk mon’xam  korta. Jezuchim don khunna hachem khaxelponn dakhoitat: pekounni ani bhogsonnem, khunna ki devachem Raj amche modem ailam (Polle Mt 12: 28). To amkam ek novo mandament dita,  “ Hanvem tumcho mog kela tuso tumi eka- mekacho korat.” ( Jn: 13.34) – aplo jiv diun ho mog Tannem vhoddle toren dakhoila (Jn. 10: 17) Ho mog konnakuch soddinam   punn tantunt goribank ani tallo ubarunk mellona, zanche  thaim Somian aplo kherit bhaxen sombhond dakhoila, dublleanchi seva asa.(Polle Mt. 25: 40 RM 14, EA 34)

 

 

  40.     Aplo dor disacho gonvlliki vaur korunk boll ani sfurti mellta tea aplea “ Abba” (Bapa) lagim Jezu sodanch ekvottan jietalo, amcheo-i Devachea Rajea vixim soglleo kornneo magnneachea ani Dev-sombonddachea adharan zaunk zai mhonn ami mandun ghetat. Asiecho lok ogeponnacho  ani dhean korpacho mogi  ani hea lokacho  ami ek bhag zal’lean ami niall topasia ani magnnem amchim porompara asun, ami amchea vaurant dhean korpi zaunk zai, karann, amchea bhoinni-bhavachi mekliponnache tozvitenk tankam tenko diun tanchi seva magnneantlean upzota ani Devachea kallza sovem pavta.

 

 

  41.     Jezuchem atmik povitrponn, jem Devachea Rajachem povitrponn zaun asa, tem taka Devacho ani Mon’xakullacho onnbhov  aslo tantlean upzota. Tem meklleponnak ani mogak pavoita ani taka ani amkam, tachea pattlavdarank durbollam ani bhairaloleam borobor, tankam tenko diun jieunk (Incarnation) podvedarank ani girestank fuddo korta (Cross) ani oxem jivit diunk (Resurrection) boll dita.

 

 

  42.     Devacho, Bapacho Putacho ani Povitr Atmeancho khorelo tosoch Somudaiek onnbhov asa tacher amchi novsornni adharloli asa mhunn ami zanno zaunk goroz. Amche modem Devachea rajeachim ami folladik hatiaram zaunk , amche khud novsornne khatir Povitr Atmean Gõyche Povitr Sobhek ulo marla. Hi novsornni Jezu Krsita amchea Somia ani Soddvonnara thaim ami rigun asunk magta.

 

 

 

 AMCHEM MUKHEL MON

 

 

 

   43.     Vatikan II Vixv Sobhen Devache Rajea modem loukikancho kherit ani gorjecho vaur novean sodun kaddun dakhoilea uprant ami 1988 Christifideles Laici hantunt taka hoikar diun nigut spoxtt kelea uprant, Gõyant Novo Somaz nirmann korunk Gõyche loukik bhavarti mhotvacho ani taronnik vaur kortole.

 

 

  44.     Hea loukikanchea xekddeant, ami loukikanchi puraien akarnni ani tankam sot’tea diunk polletat odik korun firgozant karann, Firgoz akarnne khatir mullavo pongodd zaun asa, zorui khoreponnim Krsiti jivit jietat ani aplea putam-dhuvachea ghoramnim   Povitr Sobha jieta (Polle Cl, 26) Firgojent soglleam mon’xam modem apunn khomir mhonn Gõyant amchea Kristi Somudaiachea monant rigounk zai. Atam pasun novsornnecho vaur chodd so Diosezichea panvddear zata. Ho vaur firgozamin vhorunk zai ani hi ek vhoddli chollvoll koxi zaunk mullak thaun soglle Devache Porjecher tacho porinnam zaunk zai. Dioseziechea sogllea kendranim ani Sonvsteanim apleo Kariavolli gheun Firgozanim ani Vibhaganim (Deanery) vochunk zai. Hea xivai firgojent loukik bhavarteanchi akarnni zaunk Lhan Kristi Somudaiank hannim ekvottan khand marunk zai.

 

 

 45.     Lhan Krsiti Somudai hankam sobhonvotim soglleam lokan modem vochun, zanv te dhormik pongodd (sects) dusreo Igorzo vo dusream dhormacho lok hanche modem Devachem Raj ghoddun haddunk mukhi bhag asa. Oso Lhan mon’xall Somudai rochpachi vatt toiar korunk novea somudaiaeche mhunnge ekach mon’xall Katolliki vangddeam modem nitiche ani mogache lhan pongodd. Heo soglleo banddavolli Dusream Dhormachea bhoinni ani bhavam modem ekvott, sombhond ani eka-mekak borabor ravunk amkam adhar zatoleo. Dekhun, Dioseziechea ani Firgojechea panvddeancher Krsiti ani Dusream Dhormachea lokam borobor sogleanchea ani ganvank ani somazak lagu zatoleam proxnna, havesank ani hetu khatir vavurpachea bandavollim vixim ami chintunk zai.

 

 

 

 SOMUDAIANCHO SUDDSUDDIT SOMUDAI ZAUNK KRISTAN KHOMIR KELEANT.

 

  46.     Dhormdutam sanglolea pormonnem Devache Porjechea soglleam vagddeank povitr zaunk apoileant: “ Devak zaitem hench; tumi povitr zalolim.” (1 Th. 4: 3). Kristachea soglleam pattlavdarank kitem-i tancho dorzo vo zutti zanv, Krsiti jivitache purnataiek ani mogache supurnnaiek apoileant (Polle  LG. 32,39,40). Ho supurnnaicho nomunno eke torechem o-sadaronn jivit, fokot thoddeam bhov povitrataiechea ‘virank’ mhonn somzunk favona. Povitraiek sobar vatto asat dor eka viaktichea apounnea pormonnem---- Ho unchlea pavddeachea sadaronn Krsiti Jivitacho darzo sogllea kallza monan dor ekleak novean suchunk vell pavla. Krsiti Somazachem ani Kristi Kuttumbachem sogllem jivit he dixent fuddem vochunk zai. (NMI 31)

 

 

 47.     Devache Porjechea soglleam vangddeank tannim Krista thaim novean zolm ghetloleam somestanche osmitaient (vhoddponant) vantto asa. Tankam soglleanche zababdarentui vantto asa, ji zababdari Povitr Snana ani Thiraunne vorvim tamkam dilea (Polle LG-32) Bapa koddlean apnnem ghetlolo vaur, Jezu Krsitan sota sogllea pattlavdarank kolloila, sogllea bhavarteank Kristachea tea gunnachea vaurant vantto asa. Provadi, Iadniki ani raiponni ani tankam somudaiancho suddsuddit somudai ghoddunk apoileant.

 

 

48.     Dekhun Devache Porje modem vegllochar na. Krsitachi kudd ghoddchea soglleam bhavarteanchea vaurant ani vhoddponnant sogott eksarkeponnan vantto ghetat.

 

 

  49.     Sonskarloleam munniaream ani urlole Devache porje modem Somian ontor kelea tantunt ekvottacho hetu asa jedna gonvlleank ani dusream bhavarteank eka-mekachi goroz poddta ani adhar zai asta. Gonvlli ani vhoddil, tache porjeche sevok ani bhavarteak tanche pallien manan, khalteponnan ani mogan apleam gonvlleank hurbent sohokarak apoileat.

 

 

 50.     Vatikan Dusre Sobhecho Povitr Sobhe vixim niallant ekvott zaun asa mukhi ani mullacho vinchar (Polle LG1; CL 19) Ekvottachem kalliz zaun asa soirigoth. Dev eka Diosezichea/ Firgojechea Somudaiak khoreponnim Somudaiancho Somudai mhonnunk zata zorui Povitr Sobhe/ Diosezi/Firgozent aslolea somudaianachem veglleponn ami mandun ghetat, je Somudai eka-mekache mogache ani seveche sorrigotin aplea bharavttenchea vhoddlea somaza vo somudaia thaim aiteponn dakhoun jietat.

 

 

  51.     Povitr Sobhecho ekvott mhonnlear Dev ek sthanik Povitr Sobha sogott ap-aplo vantto jietat tosli Povitr Sobha –ek- Povitr Sobha  zantunt sogott aplem apounnem jeitat ani aplo sarko vaur kortat. “ Vauracho Ekvott” ani “ Ekvottacho vaur” ghoddunk dor eka vangddeacho kherit gunn mandun gheunk tachi udorgoth korunk ani folladikponnim vapddunk zai. Kheritponnim Gonvllik manddavall toiar korunk ani tharave gheunk soglleank vantto gheunk mellta tosleam bandavollim vorvim loukik bhavarteank samil korunk zai (Polle EA 25)

 

 

 

 

 LOUKIK  BHAVARTI

 

 

  52.     Povitr Snana ani Thiravnne vorvim loukik bhavarteank Kristant ekvottaileat ani muniarponnant, provadiponnant ani raiponnant tanchea vanttea vorvim gonvlliki vaurachea veg-veglle vattarant vavrunk tankam apoileat. Povitr Sobhechea kuttumbanim fuddem vhel’lea gonvlliki vaurant zata tea promannem girsoti bhavarteanim hat-bott ghalunk zai.

 

 

  53.     Devache ievzonne pormonnem Jezu Kristache sfurten, loukik ghoddnunkantlean Devachem Raj sthapunk girosteachem tharavik apounnem. (LG 31, Polle EN 70; EA45). Loukik bhavarti somajik mandavoll bodlunk apli kherit Kristi mozot kortat.” Tanchea vauracho vattar vhodd asa ani rajkarnni, arthik, udhiogi, xikxonnik, sompork kola ani khellachea kottin  vattaramnim (EA 45). Tannim apnnak bhavartachi kheritponnim Povitr Sobheche somajik xikovnnechi akarnni gheunk zai.

 

 

  54.     Hea fuddariponna khatir tankam zannvai ani kola asunk, sonvsarache Poristhitechea totvidneanachi tankam ghott buniad asunk zai – nagriki rajkornni, arthik, somajik, poriavoronnik ani sonskrutik – Povitr Pustok, Sevadhorm ani dhormik kaide hache somzonnentlean hi buniad ghott zaunk zai. Nisorgachea povitrponnacher kherit lokx asunk zai, hem zanno zaun ki sonvsarachem iezmanponn amkam dilam mhonn

 

 

  55.     Loukik bhavarteanchi akarnni poili Firgojechea panvddeacher zaunk zai, chodd korun Lhan Kristi Somudaiam vorvim ki somajik bodolnnent choddant-chodd lokacho aspav asunk.

 

 

  56.     SUCHOVNNEO *

 

 56.1         Loukikanchi akarnni – hem amchea Dhormprantachem mukhel kam’ mhonn monant dhorun, Loukikanchea Seve Kendran, Loukikanche mon’xall ani kristi akarnne vixim ek ievzonn manddun haddunk favo. Loukikanchem Kendr, heo sokoileo suchovnneo vevharant ghalunk vavurtolem.

56.2              Hea desachim nagrik koxim, apnnem konn bhaxen nagrik ani somajik jivitant misoll zaunk zai, hache vixim odik somjikai ani zannvikai mellunk, Loukikanchea Kendran kariavolli manddun haddunk zai. He porim loukik bhavbhoinnam hea amchea somazant novsornnechim hatiaram zaunk pavtolim.

56.3              Dor eke firgojent ani varadant, kursam vorvim, xibiram udexim ani ier kariavollim vorvim; loukikank kristi jivita ani karia vixim, proxikxonn diunk favo. Jednam kuttumb zaun asa buniad eke firgojechi, tednam kuttumba vixim, odik korun kuttumbik totvam, muleam, huske ani prosn monant dhorun kurs ani xibiram addaun haddunk favo. Akhea kuttumbanchea vangddeamnim, heam osleam xibiramnim vantto ghetlear, amchim kuttumbam odhik ghott buneadir bostolim.

56.4              Lhan Kristi Somudaienchea fuddareamnim, aplea xezarea vo vaddeant ravtoleam kuttumbank neaimit bhett korun, aplem loukik fuddariponn dakhounk favo. Tech porim, Kristi Jivit fuloun haddunk, Firgoz Sobhechea vangddeank ap-aplea vibhagant zobabdar korunk favo. Firgojent veg-veglleo sonstha asat tanche modem somjikai asunk ani sogllo vavr bore bhaxen nittaien manddun haddunk, Firgoz Sobhechea vangddeamnim vavrunk chodd goroz asa.

56.5              Huxear ani mon laun kam’ korpi loukik fuddareank, Fuddariponna vixim ani Devxastra vixim, kherit proxikxonn diunk goroz. Hem xikop tankam ek podvi mello-sor porian chalu dovrum ieta. Heam osleam fuddareamnim, fuddarak, aplem xikop Firgoz Somudai bandun haddunk vaprunk goroz asa.

56.6              Dor eke firgojent ek pustoklai asunk favo. Kristi dhorma vixim pustokam, kristi sorospot ani Povitr Sobheche Dakle, heam osleam pustoklaiamnim mellunk favo. Povitr Sobhechea gorjecheam dakleanchi prokasnni zatoch, thoddea kalla bhitor, te amche maibhas Konknnint mellunk favo. Gonvlli-Bapachim Kollovnni-Potram ani Gonvllik Chitti borabor Konknni ani Inglez bhaxen bhair sorunk  favo. Amchea Dhormprantachem odhikrut masik RENOVACAO, hacher loukikank faideak poddtolim borovpam asunk goroz. Zata titleam lokank hem odhikrut masik pavunk favo.

56.7              Dor eke firgojent, gonvllik kamant, loukikanche veg-veglle gunn ani vorgunn ollkhunk favo ani tancho faido kaddunk favo. Veg-vegllim muniarponnam asunk gorjechem dekhik bondkhonnint asul’leank, piddestank, HIV/AIDS zal’leank, zannteank, soreachea veasnnek sampoddloleank, vavraddiank, ani ier veg-veglleam zomeank.

56.8              Loukik bhavbhoinnam jim ankvar koxim ravtat vo khuxe-monan ankvar ravunk sodtat, hem tanchem kherit apovnnem Goyche Povitr Sobhen ollkhunk favo ani tankam kherit man ani goroz titlo adhar-sohokar diunk favo.

 

 

 

 

57                 KUTTUMB

 

 Kristi jinneche Novsornnent ani Povitr-Sobhechea vavrant, Kristi kuttumbak ek mhotvacho zago asa. Dekhunuch Kristi kuttumbak veg-veglleam nanvamnim pachartat: “Ghorchi Povitr-Sobha” (L.G. 11), “odik mon’xall zanvchi xalla” (Polle F,C, 21) ani “Dhormporgottnnechea vavrant ek gorjechem hatiar” (EA 46) Juanv Paulu Dusro Pap Saib oxem mhonnta, “Khoinchoch gonvllik vavr manddun haddtanam, kuttumbak ani kherit bhaxen kuttumbachi niga ami visrunk zainam” (F.C 70) “Kuttumbachea adharak ievop, hem zaun asa Povitr Sobhechem gorjechem kam’” (FC 65)

58           Kuttumb somazachi buniad zaun asa, dekhun dor kuttumban, thoddim-xim muleam fuddem vhorunk favo: eka-mekak ani dusreank man divop, eka-mekacher patievop ani eka-meka pasot kitem-i korunk fuddem sorop, zannteam ani piddestam sovem mog ani maia dakhovop, bhurgeancho mog korop adi. He porim kuttumb ektthaim iet’lo ani kuttumbant mog vostolo. Ghorche Povitr Sobhent, kuttumbachem magnnem chodd gorjechem karonn tem kuttumb ektthaim dovorta. Somajik muleam ani Kristi muleam amkam Kristi kuttumbant melltat; he porim Kristi kuttumb, akarnnechi xalla zata!

59                  Amchea kuttumbamnim az kal jivitak man nam, bailank ani vhoddilank respet nam, he zaun asat mukhel huske az kal, Kristi kuttumbant. Anikui vhodd huske asat. Te mhollear: hispa-bhair duddu moddpachi ani vostu ghenvchi sonvoim, lingi jivitant kitem-i korop, apunn apnnak, Dev somestank –oslem chintop, ispa bhair axea, bhattank lagun kestanvam, chodd soro pienvchi sonvoim, familint modd-fodd korop, zannteam ani bhurgeam modem ontor ani forok. Heam soglleam voileam vostunk lagon, kuttumb tufanank sampoddta. Soglleach vostumnim spordeachem mon, eka-mekachea  adharak  pavop nopoit korta ani he porim xim’-mer naslolem spordeachem mon kuttumb haloita. Sirvisek ani duddvank lagon, ghov-bailam eka-meka sorxilim pois astat, ani haka lagon kednam-kednam-i amcho kuttumb halta-dholta.

 

* He Porixodechea Dakleant jim utram vapuddleant tim zaun asat gonvllik ani nhoi kaideachea monan

60                   Bhurgeank nhoi fokot zolmak ievunk ani ghorabeant ravunk hok asa punn aplea avoibapaicho favo to mog mellunk, favo tem xikxonn favo zaunk ani he porim aplea bhurgeaponnacho favo to upeog zaunk, bhurgeank hok asa! Lhan bhurgeank samballunk ‘creches’ ugoddleat hem titlem sarkem nhoi ani hanga kam’ kortoleam aianchean, bhurgeank avoibapaincho mog diunk zainam. Bhurgeancho bore toren vadd zat’lo zalear, avoibapain zata titlo vell ghara asop ani bhurgeank favo to mog divop; hem sot avoibapaink ugtem korunk favo. Amchea xikxonnik sonsthamnim ani kuttumbanim, lhan bhurgeank kamak dovortat, tem tabortob bond korop gorjechem. Dusrim sosunk zainam toslim vaittam jim amche modem asat tim him: Bhurgeancho lingi faido kaddop, bhurgem zolmunche adim tacho ling sodun kaddop, ani cheddum bhurgeacho gorb bhair uddovop adi. “Dor-eka kuttumbant ani kuttumba bhair porian, dhormporgottnni korunk bhurgeancho vapor korunk favo” oxem Pap Saib mhonnta (EA 46)

61                  Lok-Sompork upaiam udexim kuttumba add jeo-jeo vostu ximpddaitat, tacher ek zhuz manddunk zai ani heam khotteam upaiam bodlek, Xubhvortomanachim muleam ximpddavop chodd gorjechem.

 

 

 

62                 SUCHOVNNEO

 62.1              Dor-eka Kristi  Kuttumban, aplem kuttumbik ekcharachem jivit vaddounk, thodde upai gheunk goroz. Dekhik: Ghorchea magnneak ektthaim zavop kherit bhaxen Povitr-Pustok vachop, Sonvskaramnim vantto ghevop, kherit bhaxen Misache Bhettent vanntto ghevop ani borabor kuttumbacho Ters korop. Dispottem jevonn borabor kelear, kuttumbacho ekchar vaddtolo. Adleanchi mhonn’ni “Vellar vell, xigmeak khell” monant dovorlear kuttumbant xist aslear, dubhavavinn kuttumbachem jivit fuloun haddtolem.

62.2              Zo boro vavr Dhormprantik Kuttumb Seva Kendr korta to vaddounk goroz asa ani tacho faido Dhormprantachea chearui konnxeamnim mellunk favo. Ho vavr nhoi fokot xharamnim punn dor-eke firgojent panvchi goroz asa. Kuttumb Kendracho vavr fuddem vhoronk, gonvlleamnim aplo sogllo tenko diunk favo.

62.3              Logna adim xikovnn don panvddeamnim zaunk goroz asa: Poixil’li ani Lagxil’li. Lagxil’li Lognachi toiari tin mhoine tori cholunk zai. Kuttumb Kednran he lagxil’le toiarek gonvlleanchea faideak gorjecheo vostu toiar korun divop chodd gorjechem.

62.4               Logn zal’leam zoddeam pasot dor-eke firgojent Kuttumb Kendran lognnacheo kariavolli addaun haddop chodd gorjechem. Kherit bhaxen dhorma bhair logn zal’leank kherit adhar ani budh divop chalu dovrop, chodd gorjechem ani faideachem.

62.5              Dor eke firgojent Kuttumb Kendracho ek fanntto asop chodd mhothvachem. Kuttumb Kendracho vavr fuddem vhorunk, kuttumbachea somajik prosnnacher nodor marunk ani ier kuttumbachea prosnnank fuddem korunk, hea Kuttumb Kendrachea Fantteachem kam’ zat’lem. Hem kam’ fuddem vhorunk, Kuttumb Kendran favo title Fuddari toiar korop, chodd goroz asa.

62.6              Zaitim lognam az-kal futt’tat, logn moddunk Bisp Saiba lagim magtat. Hacher dollo dovrunk, Kuttumb Kendran, gorjek sampoddloleam kuttumbank adhar ani budh diunk, kocheri ugoddlear chodd gorjechem zaun asa. Kuttumb Kendran ier sonstham borobor hanga kam’ korum ieta dekhik Dusre kuttumbik chollvoll cholovpi, NGO adi.

62.7              Jezun, Aplea Bapacho Bhogsonneacho mog dor-eka mon’xak dilo. Hem monant dhorun, Goyche Povitr-Sobhen, gottasfott zal’leam ghorabeam sovem, novean logn zal’leam ghorabeam thaim; ghorabeant  kitlea bhurgeank zolmank addchim haka lagon prosnak sampoddloleam ghorabeam thaim, kherit mog ani husko dakhonvchi goroz asa.

62.8              Dhormprantik Kuttumb Seve Kendran heam sokoileam zomeam vixim, kherit vichar korunk favo: Vidva, ghoupett ghaltoleo bailo, eksurim asul’leank, ekuch mai-pai axil’lim kuttumbam, logn zaunk naxil’leo avoio, ghora vo ghora bhair bolatkar kel’lim cheddvam  adi.

62.9              Firgojent kuttumbam asat tannim, kednam-kednam-i borabor vell sarop gorjechem. Dor-eke firgojent kariavolli manddun haddtanam, hem motint dovrop chodd gorjechem.

 

 

TORNATTIM

 

 

 

 

63                  Aichea jogant tornni pillgi ek okhondd ani mozbut hatiar zaun asa. Totvam ani muleam pasot ubim ravon, bodlop haddunk chollvolli korun, tornnatim dhormporgottnnechea vavrant ani somaz novsornnea kamant khoddok hatiaram zaun geleant. (CL 46. Polle EA 47) Hea khatir tornnateam khatir vavr, Povitr Sobhecho ek gorjecho vavr zaun gela.

64                  Tornnipillgi kitem-i tori korunk ievjita, chint’ta ani sodta. Poile svater apunn konn tim zanna zaunk, tornnatim sodtat. Apnna lagim kitem korunk zata, hem zanno zaunk tim sodtat. He tornne piraier tim aplem apovnnem sodunk vavurtat, jivitant kitem korchem tem chint’tat, ani apnnak jivitacho sangati sodchea vavrant astat. Tornneponn zaun asa kall jednam tornattim muleam ghetat vo nakartat, ani vhoddilam sovem aplem mon dakhoitat. Tornni Pillgi zaun asa ek vhodd tolvar koxi: zanche udexim borem haddum-ieta vo soglleachi duspott korum-ieta.

65                  Zaitim amchim Goychim tornnatim, Lok Sompork upaiachim chakor koxim zaleant: heam upaiank lagon, tim kednam-kednam-i vhanvon koxim vetat. Konn bhaxen choddan chodd poixe zoddche, ies mellouncho, hantunt tim guspoleant. Zaitim tornnatim bekar asat, somaza bhair koxim asat. Haka lagon kednam-kednam-i tim dhormvad ani zativad korunk vavurtat, tanchim boli zatat ani khun ani ier vaitt tim korunk pavtat. Zaiteam tornnateancho lingi baptint, himse baptint durupeog zata. Heam prosnank fuddo korunk guspotat, kednam-kednam-i boli poddtat. Aichea kallar zaitim tornnatim soreache veasnnek, jugar khellpache ani vikalli vokdanche veasnnek sampoddleant. Avoi-bapai ani tornnateam modem kednam-kednam-i khondd poddta, odik korun jednam avoi-bapui kamak lagon poixileam ganvamnim vetat. Haka lagon favo to mog thoddeam amcheam tornnateank mellonam ani tanchi akarnni sarki zainam.

66                  Bhavarteanchea zomeant, apnnak favo tem mol dil’lem ani zobabdari dil’li, tornatteank zai. Povitr-Sobhechea jivitant ani Sevadhormant, tim Devacho niz onbhov sodtat. Jednam Povitr Sobha tancheo gorzo ani tanchim dennim visorta, tednam tim niraxi zatat. Apleam avoibapain ani ier vhoddilamnim apnnak patiel’lim ani apnnacho vavr manun ghetlolo tornnateank zai. Kednam-kednam-i apleam vhoddilanchem don torenim vagop polleun, zaun tem magir Povitr-Sobhent vo somazant, tim niraxi zatat ani apnnak niz ani khore nomunne sodtat.

67                  SUCHOVNNEO

67.1              Dhormprantik Tornnateanchea Kendran (DYC), Tornnatteancho vavr dor-eke firgojechea panvddear cholounk zai. Hea Kendran neaimit Tornnatteam khatir kariavolli manddun haddunk zai ani Xubhvortomanachim muleam tornnateanchea kallzamnim konchounk zai.

67.2              Dor-eke Firgojent, Tornnateanchea Fuddareanchi akarnni korunk, Tornnatteanchea Kendran bhor ghalunk favo.

67.3              Dor-eke Firgojent ek svat asunk zai zoim nhoi fokot kristi Tornnatteamnim mellunk zata punn ierui dhormanchea tornnatteamnim mellunk xokta. He porim ektthaim ieunk sondhi dilear, tancheanim aplem jivit, bhavartacho onbhov, huske, prosn ani sodh ekamekak vanttunk zatat. Firgojeche Pustoklaient tornnatteam khatir ani tornnatteanche avddichem kitem tori asunk zai. Boraborim ekttaim ieunk ani ektthaim zaunk, dor-eke firgojen sondhi diunk favo. Dor eke Firgojent tornnatteancho zomo asa thoim, tankam favo tem margdorxonn diunk, Dhormprantik Tornnatteanchea Kendrak kaide asat te porim Firgojechea zomeak asunk zai.

67.4               Zaum firgojechea panvddear, zaum amchea Dhormprantachea panvddear, koslem-i kam’ hatant ghetanam, tornnatteank koxech visrunk zainant. Tornnatteanche Protinidhi asunk favo.

67.5              Tornnattim sodanch tornnim uronant, tim aplea kuttumbant vaddtat. Apleam kuttumbanim konn bhaxen odhik misoll zaunk zata, tem dakhounk, Tornnatteanche Kendran, tornnatteam khatir kariavolli manddun haddunk zai. Linga vixim kherit xikovnn tornnatteank mellunk goroz. Osleam kariavollim udexim, tornnatteamnim ekamekak budh diunk zatoli.

67.6              Tornnatteanchea Kendran, ek tornnatteancho Vevsai Fanto asunk zai. Thoim zannar budh divpi aschi goroz. Hea kama khatir, tannim ier Kendram lagim chali-boli korchi goroz dekhik ABE, DBSA ani DFSC –heam khateam lagim. Ier tornnatteancheo chollvolli asat tanche lagim, tech porim kam’ ditat tea khatea lagim, Tornnatteanchea Kendrak natem asunk zai.

67.7              Tornnatteank borea vavrant zata titlim misoll korunk zai zanv tem dhormik, somajik, rajkoronn, sonskrutik ani poriavoronn boro samballchea vavrant. Sogllo vavr ek, voilo vavr ani sokoilo vavr, oxem anik nam mhonn tanchea kallzamnim ghott konchounk zai. Hea kamant, kristi Tornnatteancheo chollvolli asat, tannim mottem kam’ korunk goroz asa.

67.8              Boro xikxonnik kariavolli ani kormunnuk, tornnatteam khatir manddun haddunk zai. He porim sovai ani vaitt kormunnuk asa, tacher add ek tapott koxem hem zat’lem.

67.9              Firgojecheam Somudaiank adhar diunk, NGO ani ier boream sonsthancho adhar gheun, Tornnatteanchea Kendran, doria kon’narer jeo firgozo asat, thoim ek kherit fantto ugddunk zai.

                Vikallea vokdancher, soreachea veasnnecher, bhurgeancho durupeog kortat tancher add ani ier vaittancher zhuzunk, hea fanteachem kam’ zat’lem.

67.10           Povitr Sobheche kariavollink, Manachim Soirim mhonn apoitat, tim mansuguechim ani borim mon’xam zaunk zai. Na zalear, amchea Tornnatteank ami nomunne nhoi tankam, nomunne koxe dakhoitoleanv ani hem ek vaitt.

OSTORIO

68                  Povitr-Sobha, somudaiancho somudai koso vaddunk goroz. Adim thaun hat-pangrun ravtoleank ami vantto dinanv zalear ho somudaiancho somudai vaddcho na.

                Zanv Povitr Sobhent, zanv somazant, bharailolea modem, odhik poilim ietat, tim mhollear Ostorio. Asientli Povitrf Sobha, hea dakleant jem kitem bailam vixim mhollam tem amchea Goyant tikatik (sakem) lagu zata. “Oniti ani vegllochar virudh zuztana, Kristi somudai ostorecho sohobhagi zaunk zai, ani he pasot Asient asat tea thollavea Povitr Sobhamni ostoream pasot mon’xeponnache hokk sambhallpachi kariavoll ghoddun haddchi mhonn Porixoden suchoilam. Ghorabeant, somazant ani Povitr Sobhent dadleachem ani ostorechem karia koslem tem somzun gheun, dadle ani ostorio ekamekachi bhor ghaltat tachi odik ollokh gheun ani mon’xache soglle poristhitint bailesombondachi ek bazu asa mhonn spoxtt manun gheun ti vagnnuk bodlunk soglleancho xevott zaunk zai. Bailem kel’lea kamak favo tem mol diunk nam vo tacher visor ghala, ani haka lagun mon’xakullacher atmik durbollkai ailea.” (EA 34)

69                  Amche Goyche Povitr Sobhent ostoriank zo vantto dila, to samko lhan zaun asa. Povitr Sobhechea dhormporgottnnechea kariant ani somazache Novsornnent, tannim ek vhodd kam’ korunk zata. Zorui zaiteo ostoreo, firgojechea sobar kamanim misoll zal’leo asat, torui tankam zaitem bhogchem poddta karonn tankam ier dadleam borabor, favo te hok mellonant. Zaum ghorant, zanv kam’ kortat thoim, zanv somazant, ostoreank zaiteam prosnank fuddo korcho poddta. Ostoreank koslem-i kam ditanam, tancho zago kuttumbant kodinch visrunk zainam, karonn dor-eka kuttumbant tankam ek vhodd kam’ asa.

70                  Ostorek, dadlea borabor eka panvddear dhorinant, hem zaun asa ek vhodd vaitt jem moniskullan adim thaun kelam ani atam porian korit asa. Tem sogllea sonsthanim asa, Povitr Sobhent porian. Konnui Novsornne vixim uloita zalear, hea sotak tannim poilo fuddo korunk zai ani nove dolle gheun Jezuche dolle gheun, Devache dolle gheun, ostoream thaim vagunk zai. Ostoream vixim amchi chal ami boldunk favo ani sogllo vavr tankam eksarko diunk goroz.

71                  Goyche Povitr Sobhent ostoreank zo vantto dila, to vaddounk zai. Tankam somudaiechea vavrant ani koslei kamant tharav ghetanam, tankam soho zobabdar korunk goroz asa.

72                  SUCHOVNNEO

72.1         Dor eke Firgojent ostoreank kosle prosn asat ani tanchean koslem kam’ korum  ieta tem polleunk, firgojent ostoreancho ek fantto asunk chodd goroz.

72.2           Ostoriank odhik podvi diunk, ostoreancheo sonstha ghoddun haddunk, NGO borabor gheun, ostoriam khatir, kariavolli manddun haddunk goroz.

72.3           Xikop naxil’leam ostoreank, tech porim magasveleam zatinchea ostoreank, heam bhoinnancher kherit nodor dhorchi goroz asa.

72.4              Dadle-bailo ek, bailanche prosn, hem sot soglleam amcheam xikxonnik ani akarnnechea ghoramnim, amche Siminarinim porian, xikounk zai. Amchem provadik kam’ kortanam, amche modem vaittam vostat tacher ami zhuzunk zai dekhik bolatkar, bailancher dadagiri choloup, dot-dennem divop, cheddum zolmota zalear, cheddvacho gorb bhair uddovop –heam soglleam vaittacher, ami koddok zhuz manddchi goroz asa.

Zanv kuttumbant, zanv Firgojent, zaum somazant, koslei kariavolli manddun haddtanam, ostoriank unnank koxeo kednanch dhorunk zainam, portench zalear, bail-dadlo ek, hem sot ami khonddit sangunk zai.

DUBLLIM

73                  Povitr Pustoka pormannem ami Dubllim (anawim) mhonntanv tednam nhoi fokot poixe nant tim ietat pun ierui chepun dovorlolim bhavbhoinnam. Dekhik somazan bharailolim, oxikxit, toklen faliad, kuddin pangllim, HIV/AIDS zal’lim, podvi nam ani zancho tallo konn aikonam ani ier sogllim onusuchit zatichim (magasvelim) bhavbhoinnam.

74                  Povitr-Sobha dublleam ani onusuchit zatinchea lokank poilo ani voilo zago dita. Hem kam’ kortanam ani tankam voir kaddunk vavurtanam, tanchem mot gheunchi goroz ani tharav ghenvchea kamant, tankam aspavchi goroz asa. (Polle St. 113:7-8) “he toren aploch panvddo voir kaddtanam, aple sonskrutaiek ani somazak, tim Xubhvortoman porgottpi zatolim”

75                  Zorui adim thaun, zaitim panvlam marlolim asat, Goyche Povitr Sobhek khont bhogta karonn Devachi Porza soglli ek, hem sot porgott’tanam, utram ani kornneo sodanch boraborim vochunk nant. Jezuchim pattlavdaram koxim, amchea khasgi ani somudhaiechea jivitant, ami soglli ontor asa ti kaddun uddounchi nibel goroz asa, dekhik zati-kati mandun ghenvchi sonvoim.

76                  Soglleo gonvllik kariavolli manddun haddtanam, amchea bhavartacho somajik bhag dixtti poddchi goroz asa; dublleam vixim amcho mog, durbolleank amchea jivitant poilo-voilo zago divop adi. Hem poile svater amchea khasgi jivitant, somazant ani amchea sonsthamnim dixtti poddunk favo.

77                  SUCHOVNNEO

77.1              Lhan Kristi Somudai ani Firgoz Sobham udexim, dor-eke firgojen veg-veglleam vaddeanim, dubllim kitlim asat, tanchi volleri korchi goroz asa. Odhik korun zankam HIV/AIDS zalea, Dalit ani onusuchit zatincho lok kitlo asa, tem zanno zaunk.

77.2              Zanv Firgojent, zanv amchea Dhormprantant, dublleam modem ontor korunk zainam ani soglleam kamamnim, tankam favo tem mol diunchi goroz asa.

77.3              Serkari sovloti asat tancho faido, dublleanchean kaddunk zainam. Dekhun Serkari khateam thaim ani NGO, hanche thaim chali-boli korunk dublleank voir kaddunk panvlam marunk ek firgojechi somiti asunk favo. Nagrikank kosle-kosle hok asat, hachi mahiti durbolleam-dhaktteank mellunk favo.

77.4              Amchea Katolk Iskolamnim, kolejinim, Vavrachea ani Tantrik kolejinim, Sonsthamnim, zanv proves ditanam, zanv kam’ sodtanam, dublleank visrunk zainam. Dublleam bhurgeank favo tem xikxonn mellunk, zanv firgojechea, zaum Dhormprantachea panvddear, khol panvlam marunk zai.

77.5              Kuddin ani monan opangull zal’leank, HIV/AIDS zal’leank favo to ilaz amchea Goyant mellonam. Dekhun dublleam khatir ek Dhormprantachem hospital, AIDS zal’leam khatir, odhik korun Kuttumb poisaita tanche khatir, ek ghor asunk, nibel goroz asa.

77.6              Povitr-Sobhen apnna lagim axil’le poixe, bhattam-vittam dublleam-dhaktteam khatir vapuddchi chodd goroz asa. Dekhik dublleank ravonk ghoram bandun dinvchem kam’, gorjevont xikpeank, xikunk adhar, ani dublleam khatir ier sovloti adi.

77.7              Dor eke firgojent dublleam pasot, ek kherit nidhi aschi goroz. Poileam Kristanvanchi dekh gheun, soglleam Kristi bhavarteamnim, he nidhik apli ful-na-pakli dinvchi mhonn  ulo marunk favo. Firgojent girest kuttumb asat tannim, durboll kuttumbam thaim apli nodor bhonvddaunk ani tankam adhar diunk, girest kuttumbank huskaunchi goroz asa. Girest asat tea firgozamnim, dublleam firgozank adhar diunchi nibel goroz asa. Kherit bhaxen Nagar Haveli-cheam gorib firgozank, Goychea girest firgozamnim adhar dium-ieta mhonn ugddas kela.

77.8              Zati-kati fulovpi bhas vo ontor-korchi chal, amcheam firgozamnim, toxench dhormprantant vo amchea desant porian, ami vattaunk zai. Oxem kelear amcheam durboll bhav-bhoinnancho panvddo ami choddoitoleanv ani onusuchit ani magasveleam lokank, odik sompeponnim Jezuchi Bori Khobor diunk pavtoleanv.

77.9              Festam-porbank ani ier Kristi somrombhnneank duddvancho paus vattanvchi goroz asa. Tech porim Igorjek adhar ditoleanchim nanvam motteam okxoramnim ghalop. Amcheam durboll-dhaktteank manonant toslim thoddim utram vattanvchi mhonn vinonti.

77.10           Apleam paiancher ubim korunk, durbolleam-dhaktteam khatir thodde faideak poddtat tosle kurs ghoddun haddlear, ekdom’ borem zat’lem aslem.

77.11           Povitr-Sobhecheam soglleam sonsthamnim, tech porim Kristi bhavarteamnim, vavraddeank favo ti mozuri ani ravonk favo ti svat divop, chodd gorjechem zaun asa. Dekhik noveo imaroti bandtat thoim.

FIRGOZ SOMUDAI

78                  Firgoz zaun asa svat zoim Povitr-Sobhecho gutth hajir asa ani vavr korta. Dixtti poddta te Povitr Sobhechi ti ek khunna ani Dhormprantacho ek fantto koso. Ti ek sonstha nhoi, prodesh nhoi vo ek imarot nhoi pun Kristi bhavarteancho ek somudai. Firgoz ghoddun haddpachem mukhel karonn mhollear gonvllik husko.

79                  “Dor eka Dhormprantant, bhavart vaddounk, Povitr Sobhechea ekvottacho gutt jieunk ani Povitr Sobhechea kariant bhag gheunk bhavarteamni ekttaim zavpacho firgoz ek samanea zago mhollear firgoz.” (EA 25)

Kristi bhavarteank zagounk nove ani folladik upai, gonvlleamnim sodun kaddunk zai. Ami firgojechim ani Devache porjechim bhagidaram mhonn he porim soglleank ani kherit bhaxen dublleank disun ietolem. “Tanche somajik, orthik, rajki, sonskrutik ani xikxonnik fattbhum-iek lagon, firgojechea jivitant ani kariant puraien vantto gheunk konnakuch adim fuddench bhairavche nhoi, Jezuchea dor-eka pattlavdara lagim somudaiak diunk ek dennem asa toxench dor ektteachem tem dennem svikarunk ani tacho faido kaddunk somudaian aitemon dakhounk zai”. (EA 25, PolleNM 143)

80                  Povitr Sobha novsorunk je-je upai Dhormprantachea mollar ghetat, toslech upai firgojechea molar gheunk favo.  Oxem kelear niz Povitr-Sobhechem mon dixtti poddta ani firgoz sobha vaddta.

LHAN KRISTI SOMUDAI

81                  Amcheo firgozo vhodd: vattar vhodd ani lok-sonkia-i vhodd. Haka lagun, khol ekchar ani gonvllik husko dakhounk Lhan Kristi Somudhai ek boreantlo boro upai. Khorem mhollear teo Xubhvortoman porgottpi somudai, karonn teo Devachea Utracher bandlole asat. Tantuntlean amkam Devacho onbhov mellta ani akhea Kristi somudaiechi chakri zata. Dekhunuch, Lhan Kristi Somudai, novea somazachi survat zaun asa ani mogachea su-sonskrutaiecher teo dhorloleo asat. (EA 25)

82                  Lhan Kristi Somudaianchem fuddariponn zaun asa nhoi dusreancher zulum’ choloupachem punn portench zalear dusreank jiv divpi, dhir divpi, ekamekachim dennim ani vorgunn manun ghevpi. He toren dor eka vangddiak, Jezu Kristachea dhormporgottnnechea kariant xitab korta. Teo “niz ani khoro ekchar dakhoitat, ani odhik khol ekchar ghoddun haddpak, teo zaun asat ek upai. Povitr Sobhechea jivitak teo zaun asat ek vhodd bhorvanso”. (RM 51)

83                  Heach khatir zonn-eklo ani xezarche kuttumb, Devachea Utracher niall korunk ektthaim zatat, boraborim magnnem kortat ani Xubhvortomanachea uzvaddant choltat. He toren gorje pormannem, bhavbhoinnanchi chakri zata ani dor eka mon’xachi suttka zata. (polle CL 26) Heam voileam Kristi huskeam bhair, anik ier dusrim mon’xall muleam dixtti poddtat: ixttagott, zonn ekleachem mol, soho-zobabdarechem mon, kitem-i novem korop ani rochop, apovnneak zobab, sonvsarachea ani Povitr Sobhechea prosnnank, husko!

84                  Ek firgoz somudai bandun haddchea kamak, Lhan Kristi Somudaianchem mol ani karia, zaitim zannam somzunk nant, oxem dista. Lhan Kristi Somudai, Magnneache Zome mhonn tim somzotat. Heam Kristi Somudaiank, sodanch ek kam’ diunk favo. Lhan Kristi Somudaiancheam vangddeank, ier Sonsthanche ani chollvolliche vangddi vaitt nodren polletat mhonn aikunk porian borem disonam. Apunnui heam Somudaianche vangddi zaunk zai, hi tankam khobor nam. Urfattim pollelear, kednam-kednam-i he Lhan Kristi Somudaianche thodde fuddari dadagiri cholounk sodtat, hem-i ek vaitt.

85                  SUCHOVNNEO

85.1              Lhan Kristi Somudai mhollear kitem, tanchem kam’ ani firgojecho somudai bandun haddunk teo kitleo gorjecheo teo-hache vixim dor-eke firgojent gonvlleanche, mottvaxianche ani loukikanchea boreak purti xikovnn asunk favo.

85.2              Lhan Kristi Somudaiamnim Povitr Sobhecho ekchar dixtti poddunk favo. Dor-eka kuttumbachea vangddean koslich ontor korinastanam, heam zomatimnim vantto gheunk favo. Dekhik Girest ani Dublleam modem ontor, bhurgeam ani zannteam modem, dadleam ani bailam modem, zatink lagon ontor, oslem kitench thoim dixtti poddunk zainam. Akhea xezarchea vo vaddeavoile kuttumbamnim, heam zomatimnim vantto ghetlear ekdom’ borem zat’lem.

85.3              Veg-veglleam Kendramnim, somitimnim, ghoddun haddloleam bhavart mozbut korpache kariavollimnim, Lhan Kristi Somudaianchea vangddeamnim vantto gheunk favo. Vaddloleanchi ani kuttumbachi, bhavartache nodren akarnni korunk, Lhan Kristi Somudai zaun asa boreantli bori svat.

85.4              Dusream bhavartachea zomeam lagim bhasabhas korunk, su-sonvad korunk, Lhan Kristi Somudaiamnim iotn korunk zai.. Dekhik veg-veglleam dhormam modem magnnea Riti, tancheam porbamnim vantto gheun, amcheam porbank tankam amontronn diun, soglleank lagu zata tosleam prosnam voir xibiram ghoddun haddun adi. Oxem ami kelear Lhan Kristi Somudaiam svater, ami sovkas-sovkas Lhan Mon’xall Somudai (SHC) ghoddun haddtoleanv. Lhan Kristi Somudaiamnim vangddeank, bhovxik zomatinim vantto gheunk, huskaunk zai Dekhik Gram Sabha –hache zomatimnim zoim akhea ganvchea boreponna vixim bhasabhas kortat, thoim neaimit hajir zaunk.

GONVLLIK FIRGOZ SOBHA

86                  Firgoz Gonvllik Sobha (PPC) hachem mukhel kam’zaun asa Jezuchem kam’ hea sonvsarant chalu dovrunk. Hea Jezuchea kamant vantto gheunk, soglleam firgozkarank ek sondhi favo zata.

“Iadnikancheam, mottvaxiancheam ani loukikancheam sohokaran, Gonvllik Firgoz Sobhen, Povitr Sobhecho vavr chalu dovunk zata. Ho vavr Xubhvortoman porgottun, pritimogacheam kornneam udexim, somajik ani ier vavra udexim chalu urta” (AA 26)

87                  Gonvllik Firgoz Sobha budh divpacheo sobha. Gonvlliank favo to ani purto tharav gheunk teo adhar ditat.

Firgoje panvddear, Gonvllik Firgoz Sobha Gonvlliank sohokar ditat, su-sonvad choloitat ani vivek korunk adhar ditat. Loukikank hok asat mhonn gonvlleamnim manun gheunk zai. Aple votin, loukikamnim apleam gonvlleank sogllo sohokar diunk zai ani soglleanchea faideak poddta, tench korunk zai. Loukikancho sohokar khoro ani apleponn naslolo zaunk zai.

88                  Gonvllik Firgoz Sobha heam sokoileam dheiam pormannem cholunk zai.

-          mullavem ekponn ani kamant vividhai (Can 208, 212, 228)

-          Povitr Sobhent vorgunnik dennim dileant, tim manun gheunk (Polle LG 37)

-          Povitr Sobhechea kamant soho-zababdarecho dhei (Can. 212)

89                  Firgoz Gonvllik Sobha (PPC)

-          PPC mhollear akhe Firgoz Sobhechi vadd zavpak ek zomo vo sonstha. Maiemogacho ekchar rochun haddunk ani nhoi virodhachem mon upzounk.

-          PPC mhollear sorv xrexttponnim ek gonvllik Sobha ani nhoi bexttoch karbhar choloupi. Mhonntoch tanchem mukhel kam’ mhollear Devachem Utor porgottunk, atmik novsornni ani bhavarteanchi Kristi akarnni.

-          Povitr Sobhechi vadd zaupak Fabrikanchem, Konfrarichem, Kofrichem ani kaidean ghoddloleam ieram sonvstanchem kam’ bore bhaxen zavpak Gonvllik Firgoz Sobhen favo tem margdorxonn diunk zai ani tanchem kam’ ani tancho zago apnnem gheunk favo nhoi.

90                  SUCHOVNNEO

90.1              Gonvllik Firgoz Sobha ghoddun haddtat vo novsortat tednam xikovnn ditat tache bhair, anikui xikovnn divpachem kam’ chaluch asunk zai. Teo koxeo choltat, gonvlliancho vantto kitlo, vangddeancho zobab koslo, hea soglleachi molavnni korunk zai. Soglleam firgozkarank, Gonvllik Firgoz Sobhecho vavr kitem, teo amchea Goyant koxeo choltat, hachi mahiti lokank diunk favo.

90.2              Apnna modem ani firgojentlea ier vangddeam modem, Gonvllik Firgoz Sobhechea vangddeamnim ekamekacho sohokar gheun cholunk favo ani koslich dadagiri cholounk favonam. Pokxanchem rajkaronn –hache vixim, Gonvllik Firgoz Sobhent bhasabhas korinant, hem tannim zanno zaunk zai.

90.3              Gonvllik Firgoz Sobhen, Lhan Kristi Somudaiam udexim, bore fuddari vinchun kaddunk zai ani tancho upeog korunk zai. Heam donui rochnnukam udexim, sogllean firgozkarancheam gorzank pavunk favo.

90.4              Firgoz Sobha addaun haddta team soglleam kariavollincho ixeop sarko asunk zai ani kosloch guddmell thoim dixtti poddunk favonam.

90.5              Gonvlliamnim aplem fuddariponn vapddun soglleam Firgoz Sobhecheam vangddeancho upott faido kaddunk zai. Tanche vatten, vangddeamnim neaimit zomatink hajir zaunk zai. Jem-jem Firgoz Sobha tharaita, tem ap-aplea vattharant vevharant ghalunk zai.

90.6              Dor-eke firgojent, ap-apleo kariavolli adim-fuddench tharaunk zai ani heam kariavollinchi volleri soglleam kuttumbank pavta toxi korunk zai.

90.7              Jeam firgozamnim, Gonvllik Povitr Sobha azun nant, tannim teo veginch ghoddun haddunk zai. Te meren, Porixoden kel’leo soglleo suchovnneo vevharant ghalunk, sogllim panvlam marunk zai.

91                  FABRIKANCHEO ANI KOFRINCHEO KARBHARI SOMITI

Fabrikacheo Karbhari Somiti mhollear firgojecho duddvam, bhattam-bhensancho karbhar cholounk, firgoz gonvlliak adhar divpak ghoddun haddloleo. Konfrincheo Karbhari Somiti mhollear tech bhaxen pun fokot team svatancher zoim duddvam, bhattam bhesancho karbhar cholounk Fabrikas nant thoim. Heo Karbhari Somitinchi nemnnuk Bisp korta ani dhormprantachea nem’-kaideam pormannem tannim cholunk zai. Heam somitink nemtat te monis noitik ani promannik monis zaunk goroz; khorem Kristi mon tankam asunk zai ani karbharacho thoddo tori onbhov, tanche sovem disunk zai. Povitr Sobhecheam kaideam pormannem ixeop sodanch sarko asunk zai, kosloch guddmell thoim dixtti poddunk zainam. Portench zalear tannim ugddas dhorunk zai ki Igorjecho duddu ani bhattam-besam soglleam firgozkaranchim ani ier sonsthanchim.

92                  SUCHOVNNEO

92.1              Fabrikancheo ani Kofrincheo Somiti vaddounk zai, atancheam don vangddiam svater, chear vangddi asunk zai. Tea bhair Padr Vigar (Gonvlli), urloleam chear vangddiam modli, ekli tori bail zaunk zai. Tanchi akarnni chaluch asunk zai ani ek pavtt ek kurs korun, to sompunk zainam.

92.2              Heam Karbhari Somitinim, Gonvllik Firgoz Somite lagim su-sonvad korunk zai. He toren gonvllik vavrak favo itile poixe kuxin kaddun dovrunk ani tech porim vhoddle tharav Gonvllik Firgoz Somitik kuxin dovrun, gheunk favo nhoi. Karbhari Somitichea protinidhin, Gonvllik Sobhechi zomat chukounk zainam ani zomatin tharav ghetat te, Karbhari Somitichea ier vangddeank kollounk zai.

92.3              Igorjechi vo Kopelachi imarot bore bhaxen sambhall’lea uprant, Karbhari Somitin herui vostu polleunk zai: apleam gonvlleanchem udarposonn, firgojent kam’ kortoleam ier vavraddianchem pogar adi, Dhormprantache kaideam pormannem. Iskolachem baddem ieta tem iskol mannsugen samballunk vapddunk zai, favo teo sovloti iskolant asunk tem baddem vapddunk zai. Hem sogllem kortanam Povitr-Sobheche kaide pallunk zai.

SONVSTHA ANI IER OTMIK ZOME

93                  Dusream sangata borabor zomeamnim vavrun, zobabdaren Povitr Sobhechea jivitant ani kariant vantto ghevop, Povitr Sobhent ekvottachem vixexponn dakhoita (Polle CL 29). Kaidean sarkeo asloleo, loukikancheo toretorecheo Povitr Sobhen sonvstha asat, tannim ap-khuxen, ekamekak sohokar diun, borabor vavrunk, Povitr Sobha odhikaran magta (Polle CL 30)

94                  Pattleam xekddeamnim, Devachea axirvadan amchea Mhadhormprantant, Loukikancheo zaiteo sonvstha favo zaleat. Heam Sonvsthamnim amcheam Firgozamnim/Mhadhormprantant kel’lo vhoddlo ani vixex vavr, favo tea manan, ami gheunk zai.

95                  Atanchea kallavelli ek khunna mhollear “Otmik Zome” je akhea sonvsarant voir sortat ani amkam disun ietat. Hantuntle thodde aplem mull ani sar, bhov purvil’lea Kristanvponnant asa oxem mhunntat. Tannim vhodda promannan akhea sonvsarache Povitr Sobhent novsornni haddunk aplo pattimbo dila. Tannim Goyche Kristi porjechea jivitacher aplo probhav ghala.

96                  Nhoi fokot Sonvskaram udexim ani Povitr Sobhechea vavra udexim, Povitr Atmo mon’xank povitr korta, fuddem vhorta ani Apnnak zai te bhaxen gunnamnim bhorta (Polle 1 Kor.12:11) punn To Aple porjek kherit denneamnim bhorta…Povitr Sobha bandun haddunk ani tichi novsornni korunk, (Polle LG 12) To tankam gunnamnim bhorta ani novim-novim kamam hatant gheunk adhar dita.

97                  Amchea kallar odhik dixtti poddta to vorgunn mhollear Pekovnnecho Vorgunn. Khorem mhollear, ho gunn Jezuchea vavracho vixex gunn ani to poile Kristi Povitr Sobhent upott dixtti poddta. Soglleam sonvskaram udexim kherit bhaxen Povitr Sonvskara udexim, Sondhanachea sonvskara udexim ani Piddestanche Makhnne udexim amkam pekovnni favo zata, hem sot bhavarteank ugddapem korunk zai. Piddestank ek kherit axirvad asa, hem ami monant dovrunk zai.

98                  Amchea Goyant choltolea thoddeam Pekovnnechea Zomatim vixim, kherit husko dakhoila. Thoim thodde pavtti otmik pekovnne von, kuddiche pekovnnecher bhor ghal’lo dista, pekovnni divpi mon’xak chodd man ditat, thoddeo acharacheo chali koxeo samballtat adi. Anik ek husko korpachi gozal mhollear, he pekovnnechea zomatink poixe ektthaim kortat tem.

99                  SUCHOVNNEO

99.1              Bhvoxik Pekovnnecheo Zomati zatat thoim, Xubhvortoman Porgottchea monan Bhovxik kariavolli zatat thoim heam soglleank Bisp Saiban samke soroll nem’ ani kaide ghalunk zai. Ani voileo kariavolli addaun haddtoleam soglleamnim, he kaide pallunk favo!

99.2               Amchea Dhormprantachea panvddear, Pekovnnecho ek fantto asunk zai. Tachem kam’ mhollear vivek korunk ani soglle Pekovnnecheo ani Xubhvortoman Porgottpacheo kariavolli zatat, teo kaideam pormannem korunk. Ier soglleo Vorgunnik kariavolli asat teo Diosezan Vorgunnik Zomo (DCST) asa, tannem tankam polleunk zai.

99.3              Gonvllik jivitachea veg-veglleam bhagamnim sarki budh divop ekdom’ gorjechi. Dekhun Budh Divpacho ek Kendr (sol’lagar) zata title vegim ugddunk favo.

99.4              Soglle novsornneche Zome asat te, Firgojent ani Dhormprantant favo te porim misoll zal’le asunk zai. Heam Sonvsthamnim ani Zomeanim asloleanim, ganvche Povitr-Sobhek aplo sogllo sohokar diunk favo ani koslich addkoll zaunk favonam. Gonvlleamnim zata te bhaxen, heam soglleank, firgojechea gonvllik jivitant misoll korunk favo. Heam zomeacheam fuddareamnim, ganvchea gonvllea borabor vavrunk zai, soglleanchea boreponna khatir ani ekchar ghoddun ieunk.

99.5              Sonsthank ani ier Otmik Zomeank aiche Povitr Sobhent kherit zago asa. Dekhun tannim Dhaktte Kristi Somudaiam lagim ani Firgoz Sobhe lagim chali-boli korunk favo. Tanche protinidhi asat tannim, PCC-che soglleam zomatink hajir asunk favo.

     100      KONFRARI

                Goyche Povitr Sobhent soglleam von adli dhormik sonvstha mhollear Konfrari. Noveo Kristi somudaieche udorgoti khatir ani tankam lagu zateli bhaili bhokti cholounk zanv Sevadhormik, zanv o-Sevadhormik hi sonvstha ghoddun haddli.

101                Sonvsthecho dusro vavr mhollear dan divop, gorjevontank pavop, piddestank bhett, bondkhonnint asloleank buzvonn divop, bhogsonnem ditoli ani haddteli hatiaram zaun aplem Kristi jivit novsorop ani bhurgeank Devachi ollokh divop

102               Konfrari sonvsthechea sthapnnentlean, “Patkanchem farikponn zoddun ghevop, Misa-bhettecho foll ghevop ani soddvonn zoddop” –heo sovloti favo zaleo. Thoddo kall bollandtoch, zaiteam firgozamnim hok’k, sovloti ani bhattam-bensank pollevop –hacher odik lokx gelem. Hea khatir vangddeam modem bhavponnachi umed ani otmik vadd unni zali. Hacho porinam’ oso zalo ki atam Konfrari modem ani ier bhavarteam modem bhov thoddi ontor mellta. Ami ugddas kelear boro ki amchea Goyant Konfrarink Irmandades mhonntaleanv ani Konfrarichea vangddeank Irmaos.

103               Konfrari sonvsthent zat-bhed/ganvkarponn –oslem noxtt bhitor sorlem ani haka lagon, vangddeam modem vegllochar bhitor sorlo. Portuguez Serkaran 17-10-1940 tarker bhair kaddlolea formonna udexim ani uprant Arsebisp-Patriark D. Jose Costa Nunes 28-02-1945 tarkechea xasonn-potra udexim, zatim-katinchi ontor asli ti bhair uddoili. Soglleo Konfrari Igorjechea khala ghalteo ani Povitr Sobhechea kaidea pormannem teo choltoleo mhonn sanglem. Oxem astam-i, kaim firgozamnim osleo vegllocharacheo chali ozun chalu asat. Konfrarim sovem peleachi chakri dixtti poddonam ani Novsornne vixim, huskoi disonam. Tancho vavr kitem to novean ugteponnim sangunk zai, nove kaide tankam diunk zai, Vatikani Dusre Vixv-Sobheche mona pormannem

104               SUCHOVNNEO

            Konfrarinchi samki novsornni korop chodd gorjechem. Atanchea kallar goroz tea pormannem tannim cholunk zai. Adim mullak asleo te bhaxen tannim cholunk zai: bhavponn fuddem vhorunk, Dev bhokti cholounk, dan diun gorjevontank pavunk adi. Atanchea kalla pormannem tannim Somudaiancho Somudai ghoddunk vavrunk zai, firgojent ani Dhaktteo Kristi Somudai choltat thoim aplo sogllo sohokar diun, dublleam sovem aplem verem dhorun ani somajik nit pallun.

            Dor-eke firgojent, ekuch Konfrari asunk zai. Dekhun dor-ek Konfrarichi maneatai gheun, ekech firgojent eka-von subez asat teo Konfrari, ek korunk zai.

            ‘Konfrade’ zaunk, unnech unnem 18 vorsam tori asunk zai. Favo ti xikovnn diun ani otmik akarnni kelea uprant, tankam Konfrarint bhitor kaddunk zai.

            Konfrarinche Novsornnechem poilem panvol koxem, ostoreank soglle hokh diunk favo: mot diunk, zobabdari gheunk ani tharav gheunk Dekhik Karbhari Somitichim vangddi zavop.

            Konfrade zaunk apovnnem ani Konfradincho Vavr –hache vixim odik-odik mahiti diunk zai poile svater Konfradink ani magir iadnikank, mottvaxeank ani ier lovkik bhavbhoinnank.

            Konfradinchi Kristi akarnni chaluch asunk zai xibiram udexim, ekantkaiam udexim adi. Hea kamak amche maibhaxen thoddeo tori vostu toiar korunk zai, Konfradink adhar zaunk.

            Zati-katincho vo ier kosloi vegllochar, Konfrarimnim asa zalear, to tabortob kaddun uddounk favo. Jeo Konfrari vhoddilanchem aikonant ani ontor-vegllochar asa to kaddunk panvlam marinant ani Vhoddilanche nove kaide manun ghenant, teo Konfrari, Igorjechea Vhoddilamnim sottasott virgollun uddounk zai.

            Konfrarimnim, ganvchea Padr Vigarachea margdorxonna khala cholounk zai ani Firgoz Gonvllik Sobhek aplo sohokar diunk zai.

            Akhe firgojechea boreponna pasot, poixe khorchunk tankam huskaunk zai Dekhik Dev-Sondexkar toiar korunk, loukik munniari vo ier veg-vegllea kamank fuddari toiar korunk.

            Ghoddta zalear, Igorjentlo vo Kopelantlo poixeancho karbhar, Konfrarinchea hatantlo kaddunk zai. Ani hem kam’ Fabrikache vo Kofriche Karbhari Somitim lagim diunk favo.

            Konfrarinchi Ghottna (Regulamento Geral) asa ti samki nittaier ghalunk favo. Ani ier kaide asat te (Compromissos) soglle novean boroun kaddunk, chodd goroz asa.

SONVSKARLOLEM JIVIT ANI MOTTVAXI

105               Dhormik jivit zori Povitr Sobheche vorgunnik (hierarchical) manddavollicho ek bhag nhoi, tori tichea jivitantlean ani povitrponnantlean, tem doxim korunk zainam. Mottvaxi, Xubhvortomanachi xikovnn gheun, tin angovnno kortat (LC 44, CCC 914)

Devak bhettoilolem jivit, Povitr Sobhek, Bapachem ek dennem mhonn, Juanv Paulu II Pap Saib, Sonvskarlolem Jivit, “Vita Consecrata” hantun ugteponnim dakhoun dita. (VC 1)

106               Sonvskarlolem Jivit –hantunt him sogllim ietat: Von’vaxik Jivit, sonvskarloleo ankvari, mottvaxi ani dhormatit sonstha. ‘Societies of Apostolic Life’ heo-I Sonskarlolea Jivitant poddtat (Polle CIC 573 – 730, CCC 920 – 930). Chalte bhaxen, ami soglleank mottvaxi mhonntanv. He Porixodechea daklean jednam ami mottvaxi mhonntoleanv tantunt ietat, Sonvskarlolea Jivitant Dadle ani Ostoreo, ani ‘Societies of Apostolic Life’ –hache vangddi.

107               Devachem Raj bandhunk aplea kherit gunnam pormannem ani tharavik xoketaiam bhitor, mottvaxi bailamnim ani dadleamnim veg-veglleam xetramnim Devache Povitr Sobhent khup vaur kela. Goyche sufoll bhiuncher khup mottvaxi apovnnim fulun geleant. Sthanik dharmik vorg ani sonvstha utpon zaun, tannim apli poripikai (maturity), dakhoilea. Dhormporgottnnecho, xikxonnik vavr korun, durbolleanchi, bhurgeanchi ani bailanchi seva-chakri korun, tannim aple kherit gunn dakhoileat. Hache bhair, halincheam vorsamnim, udorgot zaunk nasloleam Goychea vattaramnim kam’ korunk, Goychea Mhadhormprantant, zaiteam ieram mottvaxi sonvsthank ieukar dila.

108               Goyche Povitr Sobhechi novsornni korchea kamant, mottvaxi dadleam ani bailam mukhar, thoddim avhanam asat:

-          Sevechi govaiki diunchea kamant, nomunnik ani sod’dol jivitacheo sobha koxeo, tannim aplem jivit, Devachea khol onubhovant bosounk goroz asa.

-          Dhormprantik Gonvllik Nodren bhoron, sogllo aplo vavr tea pormannem manddun haddunk

-          Firgoz Sobha bandun haddunk, odhik korun dhaktti Kristi Somudai ani Firgoz Gonvllik Sobha sthapunk, tannim odhik udarponnan ani suddsuddaien bhag gheunk goroz.

-          Adhunik kalla pormannem, lok somporkachi kala xikounk, tannim ieukt ani xitab zaunk ekdomuch gorjechem.

-          Sobha bandcho vavr korunk ani degek asat tankam odik boll vo xokti diun, tancho ukol korpachi goroz.

-          Hi seva ani somajik husko dusream-i xetramnim kam’ korunk, tankam noveo sondi ditoli:vikallim okdam, kankrache piddek boli poddlolim, AIDS piddevont, onath bhurgim, koidi, gharant kam’ korpi ani bhailim kamdaram; tea bhair hospitalamnim, voizuki topasnnecheam ghoramnim, mhatareanchea rabiteamnim, tankam zaitench kam’ asa.

109               SUCHOVNNEO

            Mottvaxi, firgoz somudaiecho ek mhotvacho bhag. Mhonntoch tannim Sevadhormik, ani Jezuchi Ollokh dinvchea kamant ani apunn asa thoinchi firgoz somudai, kherit bhaxen SCC’s ani PPC’s ghott ani mozbut korunk vavrunk goroz.

            Firgoz Somudaiecho progoti zaunk ani kam’ fuddem vochunk, mottvaxeanchim dennim ani vorgunn vapddunk zai.

            Firgoz/ganv-cho Somudai bandpachea vavrant, mottvaxeamnim motto vavr korunk zata. Gonvllik Firgojeche Ievzonne pormannem soglleam kuttumbank bhett diun ani tanchea sukhant ani dukhant vantto gheun, kherit bhaxen dubllim, piddest, mhatarim ani dusreanim bhairailolim –heam soglleam sovem doiall-maiall zaum ieta.

            Amchea Dhormprantant mottvaxinchea gunnacho ani vorgunnacho bhorpur faido kaddum ieta: Dekhik apovnnem vinchun kaddtanam, budh diun, Lok-Sompork Upai, tornnatim, bhurgeanchea apounnea pormannem xalla, ghorant kam’ korpi vavraddi, HIV/AIDS zal’leank, futtlole ghorabe, hospitalant vavr, bailancho poramos, veg-veglle dhormam modem su-sonvad –itleam xetramnim mottvaxiamnim adhar dium-ieta.

Bharotachea dusrea svatanr thaun ietolea mottvaxiamnim, tannim ap-aplo lok zo hanga vavurta, tankam upeogachem zaum ieta. Jeam-jeam svatancher firgoz gonvlleacho hat pavonam, thoim mottvaxeamnim novo-novo vavr suru korum ietalo, Povitr Sobheche kaide sodanch monant dovrun.

            Gonvlleamnim ani mottvaxeamnim hatak-hat ghalun vavrunk zai: somjikai, eka mekachea vavrant sohokar ani ier bore gunn thoim sodanch dixtti poddunk goroz. ‘Team Spirit’ sogllea vavrant disunk zai. Adim fuddench tor soglleo kariavolli manddun haddleo, konn-kitem kortolo, hem pollelear ani tahrailear dor-eke firgojent Somudaiancho Somudai bandunk ekdom’ sompem zatolem.

            Boldi zaun Goyam ietat team mottvaxeamnim, Goychea gonvllik jivita vixim adim fuddench khobor kaddun, monant toiar zaunk zai. Ganvchi bhas, tannim xikunk, chodd goroz.

            Soglleam Mottvaxiancho Zomo (CRI Goa Unit) asa tannem Dhormpranta modem ani mottvaxiam modem bore bandhpas ghoddun haddunk favo. Mottvaxianchea denneam ani vorgunnam udexim, favo te porim tim vapddun, Goychea dhormprantant aslolim veg-vegllim khatim girest zaum ietat ani tancho faido porjek mellum-ieta.

GONVLLI: FIRGOZ VIGAR, KOPELANV ANI KUR

110               Eke firgojechi gonvllik zotnai, prantik Bisp, eka Firgoz Vigarache adhin korta. Eka firgoz Vigaran zannam zaunk zai ki bhavarteanchea zomeank lagun to aplo zago gheta ani heach pasot, tachem mukhel ani mullavik kam’ mhollear sobhek jivoprann vo utsov diunk. Munniarponnachea veg-veglleam xetramnim soglleam lokam modem fuddari upzoupachem ani uteojon divpachem kam’, aplem mhonn firgoz-vigaran ollkhun gheunk zai. Hem monant dhorun, povitr-snana vorvim mellta tem mon’xall vorteponna vorvim Povitr Atmeachea dennea pormannem, soglleam modem mullavo ekvott onubhovunk tannem vavrunk zai.

111               Provadik muniarponn firgoz vigaran sodanch jivem-tajem dovrunk zai. Devachea Rajeachea muleam vixim, tannem zollti hurba dakhounk zai, mon’xall sombondh ani dusream dhormam ani sonvskrutaiam sovem, ugtem mon tannem dakhounk zai.

112               Koslich ontor korinastanam, firgoz gonvlleamnim, gonvllik hurben bhoron, bore gonvlli koxe, soglleancho mog korunk zai. Hech hurben bhoron, sogllea loka lagim natem asunk zai; tankam bhett korun, tanchea sukhant-dukhant vantto gheun, kherit mog dakhoun zannteam sovem, piddestam sovem, dublleam sovem ani somazan bharailoleam sovem. Niz gonvlli koxe, porjecheam soglleam chollvollimnim, zhuzamnim ani huskeamnim, tannim vantto gheunk zai: kherit bhaxen jednam hem porjechem zhuz khore niti khatir, porjeche udorgoti ani xanti khatir, chodd korun aple firgojent. Xekim, porjeche fuddari koxe, te sondhanache ani bhogsonneache ani ekvottache foler zaunk zai nhoi fokot Kristi porjek pun ier soglleam mon’xank.

113               SUCHOVNNEO

            Kristi Porjechim don magnnim jim portun-portun ietat, tim mhollear:

                              Firgoz Gonvlleamnim neaimit aple porjek bhett korunk goroz. Firgozkaram modem ekvott haddunk tanchem kam’, odik korun jednam lokam modem futti asat zati-katink lagon, duddvank lagon, kuttumbam modem zhogddim  odhik korun bhattam-bensank lagun ani ier dusmankaio asat tednam, ekvott haddop, tanchem kam’.

                              Provochonn (Sermanv) bore bhaxen toiar korunk zai, orth aslole dorjeache ani lokachea gorzank ani adhunik gorzank lagu zata tosle.

            Gonvllik Vigar, Kopelanv ani Kur –heam soglleamnim ek pongodd koso vavrunk zai. Akhe firgojek, ekuch gonvllik ievzonn asunk zai. Kherit bhaxen, Kopelanv, akhe firgojek zobabdar asunk zai. Firgoz gonvlleachea kamam modem ani Kopelanvanchea kama modem, soirigott asunk zai ani tannim kuxin-kuxin vavrunk zainam. “On the Staff” astat tea padrinchem kam’ kitem tem tharaunk zai. Firgojecho Pongodd asa thoim, neaimit ektthaim zaun, firgojent kam’ koxem cholta, tachi molavnni korunk zai. PPC-che zomatink, Firgoz Vigar, Kopelanv ani Kur, hannim borabor ieunk zai; teach porim thodde tori Dhakte Kristi Somudaiancheam zomatink. Eka Varadant kam’ korteleam soglleam padrimnim, Varadachea zomatink hajir zaunk zai.

            Firgoz ghorant ravtoleam padrim modem, somudaiechem mon asche khatir, ekdom’ borem zatolem aslem tannim borabor jevlear ani disak ek pavtti tori magnneak ektthaim zalear.

            Firgoz Gonvlliachi boldi zata tednam, firgojechi ievzonn koxich halonk zainam ani tika mar bosonk zainam. Heach monan, boldi zata tea firgoz gonvllean vo kopelanvan, aplea ganvant choltolea kariavollinchi ek volleri kelear, tech porim poixeanchi, ani Novea Firgoz Gonvllea vo Kopelanva lagim dilear, chodd faideachem zatolem.

            Dhormprantachea Vhoddilamnim, iodnikanche nemnnuke ani boldi vixim, thodde kaide kelear chodd faideachem zatolem.

            Sohobolidan fokot sobitai divpak vo padrincho ank dakhoupak, korchem nhoi.

            Gonvllik vavr odik bore toren korunk vell mellchea monan, Firgojechem proxason loukikanchea hatamnim dinvchem.

            Sthanik Bispachim sogllim Xasonn-Potram, Gonvllik Chitti ani ier formonnam/kaide, ganvchea Firgojechea Masikacher xhapun ienvche.

            Firgoz Pongodd koxe choltat, hem polleunk, amchea dhormprantant ek somiti asunk zai.

            Firgoz Gonvlliank anik-anik zaitim kamam diunk favonant, odhik korun zaka vell lagta ani tachem boll unnem korta ani firgojentlo portun portun, nam zanvchem poddta.

            Zannteam ani Piddest Padrim pasot ek “Holiday Home” aslear chodd faideachem.

            Firgoz-Gonvlleacho Husko firgojentleam soglleam lokank pavunk zai: okristi lokank, soglleam ostoreank ani firgojent ravtoleam soglleam borea monachea mon’xank.

            Jea-jea Kopelamnim, katolk lok-sonkia chodd asa, tankam Firgojecho dorzo dilear odhik borem.

            Novsornneche ani Gonvllik Fuddariponn divpi kursamnim, xibiramnim, Gonvlleamnim vantto ghetlear chodd faideachem.

SANGATAN KEL’LO VAVR ANI FUDDARIPONN

114               Aiche Povitr-Sobhek ek vhodd avhan mhollear jem jem Vatikan II Vixv-Sobhen sanglam, odhik korun ekchara vixim, tem kornneamnim korun dakhounk, sangatan kel’lea vavra ani fuddariponna virvim sangatan vavr korop gorjechem: nhoi fokot ami xevottak bore bhaxen panvcheak punn tea-von odhik ami Jezuche govai mhonn Povitr-Sobhent dakhounchea monan.

Povitr-Snana vorvim amchem soglleanchem ek apovnnem, eka-mekache vorgunnanchi goroz, ani amchi sohozobabdari Povitr-Sobhechea kamak, hem sogllem amkam sangata vavr korunk huskaita. “Ekchar ami ghoddun haddunk favo, ani disa-dispottim ami to vaddounk-choddounk favo, Povitr-Sobhechea soglleam bhagamnim.

Thoim ekchar dixtti poddunk zai: Bispam, padrim ani dialnam modem, gonvlliam ani soglle porje modem, padrim ani mottvaxiam modem, sonstham ani ier Povitr-Sobhecheam chollvollim modem, soglleant ekchar, somudaiancho somudai dixtti poddunk favo. Padrinchi Sobha ani Griosthianchi Sobha, ho borabor kel’lo vavr dakhoita ani Povitr Sobhechi kaideamvoll, oxe toren korunk magta. Loxkaient cholta te bhaxen hi Sobha nhoi, kiteak jem kitem tim sangtat ani tharaitat, tem ‘consultative’ ani nhoi ‘deliberative’. Oxem mhonnun tanchem mol devounk ami sodinanv, teo sobha chodd gorjecheo. Gonvlliam ani lovkikam modem su-sonvad asunk favo…” (NMI 45)

PADRINCHEM JIVIT ANI MUNIARPONN

115               Povitr Sobha mhollear bhavartiancho ekchar ani ho ekchar amkam padriponn kitem tem somzunk odhik adhar dita. “Xubhvortoman dusreank porgottunk iadnik asat ani hem tanchem kam’. He toren iadnik Povitr Sobha bandun haddtat Jezuchea Nanvan, zo zaun asa Mostok ani Gonvlli” (PDV 15)

116               Iadnik mhollear Povitr Sobheche sevok ani Kristachea hajirponnache khunna koxe, te Povitr Sobhechea mukhavelea sthanar urtat. Iadnikponn mhollear odhik bhagevont oxem nhoi, punn iadnikponn mhollear ek kherit dennem. Hem dennem Devache Porjek Povitr Snana vorvim mell’lolem iadnikponn odhik bore toren vapddunk, huskaita.

117               Dhormdutank ani tanche udexim Bispank, Jezuk dil’lea iadniki muniarponnant, iadnik vantto ghetat mhonn iadnikamnim kodinch visrunk zainam. Bispa sovem Jezucho odhikar, iadnikamnim manun gheunk zai. Tannim Bispacho mog korunk zai ani tankam khalte ani visvaxi zaunk zai.

118               Soglleam iadnikank, zaum te prantik vo mottvaxi, Kristachi Kudd bandunk kherit zobabdari asa. Te soglle kherit bhavponnachea sombhondant ekttovlole asat: Ekuch Iadnikponn (Unum Presbyterium). Goinche Povitr Sobhechi chakri korchea kamant, te soglle ekuch iadnikponn ghoddtat. Iadnikanchea ekvottant, porjen Krist Devan dhaddlolo mhonn ek puravo koso polleunk zai. Soglleamnim ekamekak moimogan gheunk zai ani gorjek sampoddtat tednam, adhar diunk zai.

119               Bore khuxechea mon’xam sovem, dusream Kristanv bhav-bhoinnam sovem ani dusrea dhormanchea bhavbhoinnam sovem, iadnikamnim misoll zaunk zai ani su-sonvad korunk zai.

120               Iadnikanchem otmik jivit dispott’tea magnneachea jivitantlean ieta ani tanchea karia sovem pavoita. Misachi Bhett mhollear eka iadnikachea jivitachem ani gonvllik kariachem kendr vo maz. Devachem Utor vachun ani tachi khol somzonni gheun, aplem otmik jivit tannim ghottaunk zai. Sevadhormik Magnneak (Liturgy of Hours) tannim visvaxi ravunk goroz. Hea magnneachea bollan te Jezuchea ekvottan ani Povitr Sobhechea huskean bhortole.

121               Aplea muniarponna udexim, eka iadnikan aplench povitrponn vaddounk zai. Aple otmik akarnne udexim, tannim porje sovem Kristak polleunk zai. Kristak ani Povitr-Sobhek ekannench bhettun, aplem muniarponn choloitanam, iadnikamnim Devache porjecho mog korunk zai ani udhar kallzan, khoincheai velar tankam ieukar diunk zai (Polle PDV 49-50)

122               Devachea Utrache Porgottnne vorvim, sonvskaranchea somorombham vorvim ani aple adhin kel’le porjeche seve udexim, te Sobheche fuddari mhonn, tanchea bhagivontponnacher vo povitrponnacher khup tharlolem asa. Tanchem otmik jivit tanchea vavracher dhorlolem asa mhonntoch, Xubhvortomanachi khol xikovnn, tannim aplea jivitant dakhounk zai. Hea pasot tannim ap-teagache ani xisteche zaunchi khup goroz, teagachem ani ap-domavnnechem mon, kotthin vavr manun ghevop ani khursak veng marop, hem tanchea jivitant spoxtt disunk zai. (Polle PDV 45-48)

123               Amcheam iadnikam vixim amchea lokanchem ek ghorannem (vo ek motti dukh) mhollear zaum gonvllik kamant, zaum jivitachi govaiki diunk, amche iadnik otmik fuddakar diunk bharim chukleat.

124               SUCHOVNNEO

            Soglleam poilim iadnikamnim, otmik fuddariponn diunk zai. Devachea Utrache girestkaien, tannim aple porjek posunk zai. Heach khatir, tannim bariksannen toiar kel’lea ani jivitak sor zatoleam provochonamnim, Devachea Utrachi moddnni korchi. Dor ek sonvskar ek khuxalkaiechi ani orthabhorit somorombhnni korunk, dor-eka iadnikachi zobabdari. Hea kamak thambonastanam purv-toiari zai.

            Aple jivitache chalint, ani vagnnukent, ek iadnik, xubhvortoman magta tosle goribsannicho, sadeponnacho ani khaltikaiecho niz govai zauncho. Apnnakuch voir kaddop, iadnikamnim vattaunchem. Dekhik Vhoddleo jahirati potrancher ghalun, vo Vadd’disa somoiar vhoddleo ‘parties’ korun.

            Dhormprantant nhespa vixim he kaide asat, te kaide iadnikamnim pallche.

            Aplea boreponna pasot vo dusreanchea borvea pasot vhoddilanchi borovn porvangi ghetlea xivai, iadnikamnim apnnim porxim vo dusreachea nanvan kosloch vepar-dhondo korcho nhoi.

            Somudai bandpache tanche fuddariponnache bhumikent, Povitr Sobha voir kaddunk, soglleam iadnikank seve-chakrechem fuddariponn cholounk apoileat. Lokanchem aikunk ani tanchi ttika gheunk, iadnik toiar asunk zai.

            Sondhi mellta tednam ekamekak bhett korun, odhik korun boll’liken asloleam, zannteam, koxttovtoleam iadnikam sovem, tannim niz bhavponnacho somoz ani husko kirlaun haddcho. Ekech firgojent asloleam vo ekach Varadan kam’ korteleam iadnikamnim, ek pongodd koso vavr korcho.

            Aichea kallar, iadnikank tancheo gorzo bogonvk kherit bhaxen mon’xall , atmik, noitik, Devxastrik ani gonvllik gorzo bagonvk, amchea Dhormprantant taktiken, iadnikanchea karnneche vatten, ek ievzonn kaddchi ani vevharant ghalchi. Aple vatten, aidnikamnim, gonvllik hurben osleam kariavollimnim neaimit vantto ghenvcho. Padrinchi akarnni chaluch dovorcheak, Gonvllik Vidyamondiran ani Siminarimnim polleunchem. Amchea Dhormprantantlea soglleam iadnikamnim, neaimit mhoineachea mhoineak zatole, padrinche zomatint vantto ghenvcho.

            Prosnnank sampoddloleam iadnikank, ami maiemogan ani somjikaien gheunk zai. Dekhik soreak lobdol’le iadnik, noitik vatten chuklole iadnik, porjen ninda kel’le ani vaitt toren vagoil’le. Heam osleam iadnikank adhar diunk, ek kherit laik ani huxear iadnikancho pongondd vo loukik budhdinnar porian, gorjeche. Povitr-Sobhen tannim adim kel’le chakre khatir, kosleai karonnank lagun, iadnikponn soddlam, tosleam-i sovem somjikai ani bhavponnacho mog dakhounk favo. Tancho onbhov ani vorgunn porian, Devachem Raj bandunk vapddum ietale. He osle iadnik, loukikancho panvddo apnnaunk sodtat, tednam hem kam’ veginch korunk favo ani lolltek ghalunk favonam.

            Piddest zatoch, zantte zatoch, iadnikancho favo to poramos korunk favo odhik korun, tancho poramos korunk, tanchea ghorchea kuttumbant konn nasot zalear zannteam padrinchim ghoram asat tim odhik borim korunk zai ani iadnikank sobtat toslim korunk favo. Jeam iadnikank zantteam padrincheam ghorant ghalunk zainant vo hospitalant dovorchi goroz asa, tanche pasot kitem tori korunk zai. Padrinchea boreponna pasot vavrunk, amchea dhormprantant ek somiti asunk zai.

            Soglleam iadnikamnim, aplem provadik kam’ korunk favo. Hem korunk, tannim poilem je je somajik prosn asat, te xikunk zai ani magir heam somajik prosnamnim misoll zaunk zai. Punn pokxachea rajkaronnant tannim vantto gheunk zainam vo jednam himsa vapddun, modd-fodd kortat tednam tantunt-ui iadnikamnim vantto gheunk zainam.

            Tokrar tech porim Sondhan korchi ek Somiti, amchea Dhormprantant vo Varadachea panvddear sthapunk zai. Iadnikam ani Loukikam modem prosn, padrim-padrim modem prosn, padrim ani mottvaxiam modem, iadnikam/loukikam ani Dhormprantachea vhoddilam lagim prosn; hem sogllem te Somitichem kam’ zatolem.

SIMINARISTANCHI AKARNNI

125               Fuddarachea iadnikanchi toiari, zaum te diosezan vo mottvaxi chodd gorjechi mhonn Povitr Sobhek dislam. Karonn Xubhvorrtoman porgottchea kamant te chodd gorjeche. Disan’dis sudartoli poristhiti monant dhorun, jivit bhor choltolea aplea khasgi otmik jivit ani gonvllik jivit, hacher Siminaristamnim bhor ghalunk favo. (Polle PDV 2)

126               Siminarichea xikpa ani ier kamam vorvim, aplea disa-dispott’tea jivitant, Devachem asnnem ani karia dakholl zata mhonn, Siminaristanchea monant khonchounk goroz.

127               Vatikan Dusre Vixv-Sobhe uprant, je je dakle Siminaristanche Akarnne vixim uloitat ani kherit bhaxen “Pastores Dabo Vobis”, (Hanv tumkam gonvlli ditolom) he soglle dakle heam sotancher bhor ghaltat: Siminaristanchi mon’xall, atmik, xikxonnik ani gonvllik akarnni. Iadnikanche akarnneche torekvar vixoiam modem, ek somtol samballunk chodd goroz.

128               Gonvllik akarnni kortat ti koxi zata, hem chodd korun akarnni kortoleancher dhorlolem asa. Siminaristanchi akarnni korpi zaun asat te, je Siminaristank chodd lagim asat. Dekhik Reitor, Otmik Guru, Xikovpi, Prefeit adi. (Polle Charter of Priestly Formation for India, 4.4; PDV 66). Akarnni kortoleanchem mhotv kedem tem, iadnikan ani mottvaxianche akarnni vixim bhair sorlole soglle dakle amkam ugteponnim (nivoll) sangtat (Polle OT 5; RF 30,31)

129               Akarnni kortoleamnim, Siminaristam borabor apli sohozobabdari ollkhun gheunk chodd goroz. Apnnachech modem Somudaiachem jivit bore bhaxen jieun, tannim Siminaristanchea jivitant bhag gheunchi goroz asa.

130               SUCHOVNNIO

            Siminarint magnneachm, ogeponnachem ani niallachem vatavoronn asunk zai ani hea oslea vatavoronnant, Siminaristanchi akarnni zaunk goroz. He toren Siminarist Devache monis zatole ani somudaieche otmik fuddari.

            Siminarichea proxikxonnant-sun, Siminaristank tanchea somudaiacho mog korunk boll korunk zai. He toren fuddlea gonvllik sevechi goddsann koxi, tankam sangatim vavrunk, sangatim zobabdari gheunk, pattimbo diunk zai.

            Siminaristanche otmik ani mon’xall akarnnent he gunn dixtti poddunk zai: ap-teagi jivit, avghodd kamacho mog, zapsaldarki, utor pallop, bhitorli khuxealkai, ani hurbha. Him gorjechim totvam tanchea kallzant ghalunk, vavrunk zai. Siminaristanchea jivitant kednanch allsai ani xellmoddai dixtti poddonk favonam.

            Tanchea fuddarachea gonvllik jivitant mon’xall akarnni chodd gorjechi. Dekhun tanche akarnnent atanchea kallak gorjeche te kurs ani xibiram ghalunk favo. Linga vixim xikovnn, boreo chali-sonvoiom, hacher kherit lokx ghalunk favo. Otmik margdorxonna bhair, huxear budhdinnar/psychiatrist kednam-kednam-i Siminarint haddop, chodd gorjechem.

            Tanche akarnnechea kallant, dhormprantachea gonvllik kariavollinchi-i tankam ollokh diunk zai. Gonvllik Dev-xastr, hacher goroz tem lokx dinvchem. Gonvllik kariachea sogllea mollanr, tannim apli ikmot dakhounk tankam favo tem gonvllik proxikxonn dinvchem. Hea vorvim, sabar zobabdari zoxe porim SCC’s ghoddop, PPC’s hacho vavr, Loukikancheo sonvstha, atanchea kallacheo Povitr chollvolli, ghoramnim vavr kortoleanche proxn, bhottki zomati, poriavoronn, goribi, nit ani dusream bhavartachea mon’xam sovem sombondh adi, hem sogllem fuddarak cholounk, tanche modem atmvisvas astolo.

            Amche maibhas Konknni vixim Siminaristank favo tem proxikxonn diunk favo. Amche bhaxen borounk, bhaxantor korunk, maibhas Konknni zanno asloleanchi chodd goroz. Konknnint bore asat tankam, vixvidyalaient podvi zoddunk laum ieta (graduation and postgraduation). Jednam amchea dhormprantant dexantaravop (inculturation)-achi chodd goroz asa, Konknni bhair, thoddi bhov Moratti, Hindi ani ier Bharoti bhaso zanno zavop gorjechem.

            Aichea kallachea gorzam pormannem, heam sokoileam vixoiam voir xikxonn divop, amchea Siminaristank gorjechem. Dekhik Sobitai, Povitr kola, Bandpachi kola, Lok Sompork Upaiam vixim xikovnn, Tantrik Vidya adi.

            Suttiantle thodde dis, siminaristanche akarnne pasot vapuddche. Dekhik kherit kurs, Misanvamnim Bhett, Bhair lokam modem ravop, Xikpa pasot veg-veglleam svatanr bhett adi.

            Amche Dhormprantache Vhoddle Siminaricho Otmik Guru, Diosezan padri zaunk favo.

            Vhoddle Siminarintle Guru (xikovpi) ap-aplea vixoiant mozbut asunk favo. He toren amchea Dhormprantantle veg-vegllea xetramnim, tannim adhar dium-ieta. Heach khatir amcheam Gurunk, akhem voros bhor, vorg diun okupad dovrunk favo nhoi. Hachem karonn mhollear khasgi xikop korunk, sodh korunk vell zai. Heach khatir, amchea Siminarichea Gurunk, ap-aplea vixoiant doctorate korunk, porvangi diunk zai.

            Apleam utram ani kornniam vorvim, siminarint akarnni korpi dekhiche foler, amchea Siminaristank zaunk zai. Akarnni korpeank favo titlo gonvllik onbhov asunk zai. Zata te bhaxen, novech padri zal’leank, Siminarint “Prefeit” korop sarkem nam. Akarnni korpeank favo tem proxikxonn asunk favo ani thoddea kalla uprant, hem proxikxonn tannim novean gheunk zai. Aichea kallar, iadniki Akarnnechem avhan monant dhorun, amchea Dhormprantant don motteo zuttio borabor akarnni kortoleank diuncheo nhoi.

            Jednam Vhoddle Siminarichea Siminaristank ek voros ghora ravunk vo Siminar soddunk suchoitat, tednam Siminarichea Vhoddilamnim iukt velar, tanchea avoibapaink ani Gonvlli Vigarank kollounk zai. Oxem zata tednam, Bispak porxim mellunk ani aplo prosn taka ugddapo korunk, tankam sondhi diunk zai. Siminar soddunk laitat team Siminaristank, ghoddta te bhaxen, Siminarin adhar diunk zai.

PADRIPONNAK ANI MOTTVAXI JIVITAK APOVNNIM UTPON KORPACHEM KAM”

131               Apovnnim utponn korpachem kam’ akhe Povitr Sobhechem. Aple Povitr-Sobhecho mog asa zalear, hem kam’ zonn eklo khuxen kortolo. Padriponnak ani mottvaxi jivitak apovnnim amchea kuttumbantlinch ietat, Kristi kuttumbam zaun asat painnim apovnneachim.

132               Diosezan apovnnim utpon korpachem kam’, Diosezan Apovnnem Kendr (V.C.D.C.) korta. V.C.D.C. khas korun, him kamam hatant gheta.

-          Devachea apovnneak meklleponnim ani khuxalkaien zobab diunk, tornnateank uzvadd, utejon ani margdorxon diunk.

-          Apovnneachem mol fulounk ani aplea hata khal asloleam tornnateanchem devapovnnem ollkhunk ani khuxemonan tem vevharant ghalunk; iskolamnim; kolejinim xikoupeank ani ierank adhar diunk.

-          Kristanv ghorabeamnim apovnnim fulounk ani tanchem ghor ek mullavi siminar koxi somzun gheunk.

-          Apleam utram ani muniarponna vorvim, iadnikamnim ani mottvaxeamnim ani Siminaristamnim, gonvllik toxench xikxonnik mollar, apli zobabdari ollkhun, apovnnim vaddounk tankam hurba diunk.

133               Mottvaxi-i Jivitak Apovnnim fuloun haddunk, Goychea Dhormprantacho vavr zaunk favo.

134               SUCHOVNNEO

            Adim aslolo ‘Goa Region Vocation Service Centre’ novean suru korunk zai, novem nanv diun, ‘Goa Diocesan Vocation Service Centre’. Hache udexim; diosezan ani mottvaxi jivitak apovnnim utpon korunk, borochborim vavr korum ieta.

            Aple Firgojent, firgoz vigaramnim, tech porim mottvaxeamnim apovnneacheo khunna bhurgeam thaim ollkhunk zai, chodd korun vedi sevokam modem, dotonnichea vorgant ani tornnateanche sonsthent. Hea apovnnea vixim khunnam vaddunk ani choddun vochunk, tannim bhurgeancheam, tornnateancheam kuttumbank bhett korunk zai karonn thoim tankam padriponnank ani mottvaxi jivitak apovnnim melltolim. Amcheam iskolancheam ani kolejincheam zobabdareamnim, tech porim korunk zai.

            Apovnnim amchea kuttumbantlim upzotat. Dekhun dor eka kuttumban, Magnnea udexim, padriponnak ani mottvaxi jivitak apovnnim fuloun haddunk zai, kherit bhaxen aplea jivita udexim. Kherit bhaxen, apovnnem utpon korunk avoiank ek kherit vantto asa. Padrimnim ani mottvaxeamnim, khuxealkaien Devachi ani peleachi seva korit zalear apovnnim fuloun haddunk hi zateli soglleam-von vhoddli govaiki.

            Bhurgeam fuddem iadnikanchi ani mottvaxeanchi ttika korop, ani tancher vaitt ulovop –Kristi avoibapaiamnim, xikovpeamnim ani ier vhoddilamnim vattaunk zai.

            Amcheam firgozamnim ani Dhaktte Kristi Somudaiamnim Apovnneam khatir, Vinontichem Magnnem portun-portun korunk zai.

            Lok-Somporkache upai, dekhik nattkulim, songit-nattkam ani ier kariavolli az kal vapddunk favo. Tech porim ier sonskrutik ani dhormik kariavolli, firgojechea ani varadachea panvddear neaimit addaun haddunk zai.

DHORMIK VATTAR ANI TANCHE VHODDIL

135               Firgozamnim gonvllik vaur Varad ani Vigar Var hanchea margdorxonna khal manddun haddlolo asa. Tanchem ek mukhel kam’ mhollear tanchea vattarant gonvllik kam’ manddun haddunk ani fuddem vhorunk (Polle Canon 555/1, ank 1)

136               Dhormik vattarache manddavollik odhik man diunk zai. Atam mhollear Varadache (dhormik vattarache) zomatink chodd-xe iadnik hajir zatat. Heo zomati neaimitponnim korunk goroz, toxench iadnikam modem bhavponn ani ixttagot rachun haddunk, adim fuddench barik-sarik ievzonn korun, ek kariavrut toyar korunk, nibel gorjechem.

137               SUCHOVNNEO

            Vigarvaramnim aplea varadacheam firgozank neaimit bhett korunk zai ani apnnak dil’lem kortovia chotraien korunk favo.

            Dhormprantachea Vhoddilam ani padrim modem Vigar Var ekvottache pul zanvche, koslem-i kizil zata tednam, tannim chotur ravunk zai: zanv padrim-lovkikam modem, padrim-padrim modem, ani padrim-bispa modem ani survatekuch kizil suttavem korunk vavrunk zai.

            Varadache Gonvllik Sobhen, akhea Varada khatir ek samania gonvllik kariavoll manddun haddchi ani jeam-jeam firgozamnim gonvllik vavr thonddavla, thoim favo ti hurba kirlanvchi.

            Vigar Var asat tankam, vhoddleam firgozanche vo sonsthanche (iskolanche) Vigar korche nhoi.

            Vigar Varamnim, aplea Varadachea pongddak sangata gheun, Gonvllik Ievzonneo, vevharant ghalunk favo.

            Varadan Fuddakar gheuncho pongodd asa taka, kednam-kednam-i Varadachea Zomatink apounk favo.

DHORMPRANTACHIM GONVLLIK KHATIM

138               Vatikan II Vixv Sobhe uprant, Goychea Mha-Dhormprantant novi bhandavoll, gonvllik kama khatir novi manddavoll ani noveo noveo somiti khup zannvaien ghoddun haddleat mhonn, Goyche bhavarti ani iadnik obhimanan manun ghetat. Dekhik: Gonvllik Sobha, Somiti, Kendr ani Board. Arthik poristhiti bhes-bore manddavollir ghatlea, ti ek tust korpa sarkeli gozal. Goychea Prantik Curia-chim jinosvar khatim khup sohokar ditat mhonn manun ghetlam. Dhormprantik Khateamnim vavurtat tim sogllim, “Bispachea gonvllik vavrant sohokari mhonn tannim manun gheunk zai”. (CD 27)

139               Dhormprantachea soglleam khatiamnim, “Somudaiancho Somudai” bandunk vavrunk zai, apnnachech modem nhoi pun soglleam panvddeanr. Nam zalear amchea dhormprantachim khatim, otmo naslolim zatolim, rupnnem ghatlole bhaxen (NMI 43)

140               Dhormprantacheo soglleo Ievzonneo fuddem vet’leo zalear, nhoi fokot sohokar gorjecho pun ek pongodd asunk zai hem sogllem polleunk. Dhormprantachea sogllea Kendramnim ani somitimnim motint dhorchem ki eka hatan, tallio pettonant. Mhonntoch zata thoim ani goroz tednam, ieranchoi sohokar ghevop gorjechem dekhik NGO, ier chollvolli, nagrik somiti ani serkarachim veg-vegllim khatim. Ji mahiti asa kosleai prosna vixim, ti amche maibhaxen ekamekak vanttunk zai ani ximpddaunk zai. Goroz tednam, ek potrok porian kaddunk zai.

141               SUCHOVNNEO

            Diosezichim kaim kendram dekhik Povitr-Sobhechem Tribunal, Lok-Sompork Khatem, Povitr Kolechem Kendr, hancho dorzo choddonvcho ani tim proxikxit, iukt ani ‘full timer’, sogllo vell hench kam’ korpi ani pollevpi, hanche lagim him khatim dinvchim. ‘Centre for Ecumenism’ ani ‘Inter-Religious Dialogue’, heam Kendranchi nirmiti korunk taktikechim magnnim asat. Tech porim ‘Centre for Counselling’, hachi chodd goroz asa.

            Soglleo gonvllik ievzonneo, kariavolli ani vavr bore bhaxen cholunk, fuddem vochunk ani iukt velar tachi molavnni zaunk, Diocesan Pastoral Secretariat (Diosezan Gonvllik Secretariat), hachi chodd goroz asa. Veg-vegllim Diosezan khatim vavr kortat tanche modem, odhik ekvott ghoddun haddop, tanchem kam’. Hem Gonvllik Secretariat odhik faideachem zaunk ek huxear pongodd, veg-vegllea vattaramnim huxear, vinchun kaddunk favo: loukikancho, mottvaxiancho ani iadnikancho.

BISP ANI BISPA SARKI ZUTTI CHOLOITOLE (Ordinaries)

142               Devache svater, apnna adhin kel’lea hinddacher iezmannponn cholounk, ek Bisp odhikar gheta. Dhormik xikovnn diunk to ek xikoupi, povitr bhozonnecho munniari ani karbhar choloupi (Polle LG 20)

143               Bapui ani Gonvlli koso aplo karbhar choloitanam, Bisp aple porjechi seva korpi koso zaunk zai: apleam xelliank ollkhota ani xellio taka ollkhotat toslo gonvlli, soglleancho mog korta ani husko dhorta toslo bapui; Devan dil’lo tacho odhikar sogllim manun ghetat ani palltat. Aplo hindd ekuch famil koxi tannem ektthaim dovrunk goroz, he toren aple nem’-kaide ollkhun gheun, tim pritimogan jieunk ani vavrunk pavtolim.” (CD 16)

144               Kosleai borea kamak to toiar dekhun (2 Tim 2:21), tannem aplem jivit he toren manddunk zai, ki dusreancheam gorzank pavunk to sodanch toiar.

145               Iadnik tache kherit opurbaieche zaunchi goroz: karonn te tachim thoddim-bhov tori kamam kortat ani tachea huskeamnim vantto ghetat ani aplea kamant sarkech gul zal’le astat. Aple put ani ixtt koxe, tannem tankam manun gheunk zai. Tanchem aikunk to sodanch toiar asunk zai, ani familichem vatavoronn utpon korun, akhea Dhormprantacho Gonvllik vavr, sompeponnim fuddem vochunk zai (Polle CD 16)

146               Aplo dhormprantacho Bisp nhoi fokot apnnak aikunk toiar asa toslo punn nit mellun gheunche chollvollint apnnak margdorxonn dakhoita ani porje modem, kuttumbachem vatavoronn rochta, toslo zatolo mhonn porza ravta.

147               “Episcopal Vicars” dhorm prantachem kam’ ievzunk, ut’tejon diunk, sangatim vavrunk ani akhea diosezichea gonvllik vavrachi mollavnni korunk, Bispak adhar ditat.

148               SUCHOVNNEO

            Tin tem panch vorsanchea kalla modem, soglleam firgozank, Bispan bhett divpachi ek ievzonn toiar korchi. Ganvchea firgoz vigaran ani Bispan hi bhett bore toren ievzunchi. Firgojentlea bhavarteanchi gonvllik ani atmik vadd hachi molavnni korunk, hi ek “sondhi”, toxench firgoz somudaik ‘bhavponn’ onbhovunk ek kariavoll zanvchi. He osle bhette somoiar, bhavartiank, Bispak mellunk ek sondhi dinvchi. He bhettechi sondhi bhett dinvchi, odhik korun jim dubllim asat, piddest asat, zanttim asat ani koslei dukhi-khontik sampoddleat, tankam. Gonvllik Bhettechem kariavrut kortanam, ier dhormachea thoddeam vangddeank mellonk ani devdhorm soddun koxim jietat, tankam mellunk ek sondhi dinvchi goroz. Oxem kelear, SHC’s ghoddunk ek panvol zatolem ani dhormam modem sonvad suru zatolo.

            Satolleantle ek vo don dis, Bispan, padrink ani bhavartiank mellunk dovrunk favo, porjecheo oddchonni aikunk ani  tankam borem margdorxonn diunk.

            Bispan neaimit Siminarink bhett dinvchi ani xikxokam lagim ani Siminaristam lagim ulounchem, oxem Porixodechea vangddeamnim nibran sanglem.

            Vhoddleam Utsovam somoiar (dekhik dhormik porbo) ani gorjecheam prosnam mukhar; Bispan Gonvllik Chitti, amche maibhaxen, ani Inglez bhaxen borouncheo. Heo gonvllik chitti nhoi fokot diosezan potrokacher ani dhormik masikancher xhapun ienvcheo, punn dhormatit potrancherui teo ienvcheo.

            Zomatimnim vantto ghetloleanchim motam Bispan zanna zanvchim, tancheo suchovnneo manun gheun, ani Goychi Povitr-Sobha, vantto ghevpi Povitr Sobha mhonn soglleank disun ienvchem.

            Goy-Damanv-chea Arsebispak, sod’deak tanchea gonvllik karbharak ekuch adari bispacho palov mellta. Lokancheo vaddteo gonvllik gorzo monant dhorun, anik eka Adhari Bispachi goroz mhonn, ogllem-unnem bhovmotan, soglleamnim sanglem.

Anik-anik Episkopal Vigar nomiarlear, ghoddie hi goroz bagot vochot, oxem Sobhek dislem.

            Thoddea kalla modem ani favo ti toiari kelea uprant ek novi diosez Damanv, Dadra ani Nagar Haveli ani Diu he soglle vattar ektthaim korun, novi Diosez korchi, oxem ogllem-unnem bhovmotan soglleamnim Sobhek sanglem.

            Amchea Arsebispak, Adhari Bispa bhair anik tin Episkopal Vigar adhar ditat, hantlo ek mottvaxiam khatir. Ut’tor ani Dokhinn Goychea Espiskopal Vigarank vhoddleo ani chodd kam’ asloleo firgozo dinvcheo nhoi. Hea vorvim aple firgojeche xime bhair prosn asat tankam fuddo korunk, Episkopal Vigarank vell melltolo. Proxasona khatir anik ek Vigar Geral nomiarcho, oxem Sobhek dislem.

            Padrinchi axa ani anvddo ki Bispamnim, mogall Bapui ani niz gonvlli koxe tankam kednam-kednam-i bhett korchi, chodd korun he te padrink je prosnank sampoddlole astat, zannte zaleat ani piddest asat. Apleam padrink aikunk ani somzunk, ani mon’xall nodren tankam polleunk, Bispan sodanch raji asunk zai. He toren odhik doiall-maiall sombondh nirmann zatole ani koslei prosn asat te odhik sompeponnim suttave zatole. Padrim sovem vagtanam proxasonantle odhikari koxe vo kaideachea monan, Bispan vagchem nhoi.

KRISTA SOVEM NOVSORLOLIM ANI NOVO SOMAZ GHODDUN HADDPAK PATTOILOLIM MON’XAM AMI

149               Povitr Pustok, Sevadhorm ani Jezuchi Ollokh zaun asat tin paktte Devachea Utrache ani bhoktiche munniarponnache, je amkam Kristak ekvottunk oddtat. Heam tinui vostuncher amchea bhavartachi akarnni, zaum ti khasgi vo somudaik dhorloli asa. Heo tin vostu, soglleam Kristi akarnnechea panvddear, dor disachea somazacheam avhananak zobab diunk, kherit bhaxen goribank toxench khala poddloleank, unchlo panvddo diunk, amkam huskaitat. Tor amchea somajik munniarponnachi zagrutai, amchea bhavartache akarnnecho, ek chuko naslolo bhag zaun asa.

150               Jezu Krist amkam melltoch, ani Povitr Atmea udexim ami novsorlolim mon’xam zatoch ani Jezu lagim amcho ekvott thir kortoch, Punorjivont zal’lo Jezu, amkam Povitr Sobhecheam vangddeank, jive govai zaunk apoita, Bori Khobor jieun ani dusreank diun. He toren sonvad korunk ani vavr korunk ami toiar zatoleanv, eka-mekachea hatak hat dhorun GOYANT NOVO SOMAZ ghoddun haddunk, ami toiar zatoleanv.

DEVACHEA UTRACHEM MUNIARPONN

151               Vatikani Dusre Vixv Sobhe borabor, Povitr Pustok, eke bhaxen, amche Kristi jinnecho ani vavracho kendr ani zhor zaun asa. Povitr Pustokachea vavracho mullavo hetu mhollear Povitr Pustok Devachem Utor ani amchea Kristi bhavartachi ani jivitachi zhor mhonn dakhounk.

152               Devachem Utor ami bhoktiponnan vachunk zai ani teach Utran amkam nialla, magnnea ani dheana vorvim, Devachem Raj bandunk oddunk zai. Tea bhair Kristi bhavarti, aple mellave Povitr Pustokacher tharaun tin vostu korunk apleam dolleam mukhar manddtat:

i)               Povitr Pustok ollkhun gheunk

ii)             Somudai ghoddun haddunk ani

iii)            Porjechi seva korunk

Heach pasot ‘Povitr Pustok kitem sangta’, tench zanna zaunk Povitr Pustokachea vavracho hetu nhoi. ‘Punn Povitr Pustok kitem magta’, tem zanna zaunk. Ami Devachem Raj sogllea bollan bandunk ani niticho, mogacho ani xanticho novo somaz ghoddun haddunk vavr kortanam, disa disacheam avhanam sombondim, jem Povitr Pustok amkam xikoita ani amche thaim magta, tem ollkhun gheunk, Povitr Pustokachea vavracho hetu-i zaun asa. He porim Niticho, Mogacho ani Xanticho novo somaz ghoddun haddunk.

153               Toxench, amche mukhar avhanik karia asa tem mhollear jem Devachea Utrak suttka divpachem boll asa, tem porot sodhunk. Devachea Utrachi nitisombondhim ani ap-apleponnim oxir somzonni ditat tiche voir sarke onnkar diunk, amchem jivit Devachea utrachea bollan bhorun, amkam khorea sonvsarachea mullak vhorunk ani amche jinnecheo poristhiti, proxnn hea adhunik kallar, suttave korunk amkam apoileant. Hea monan, Povitr Pustokacho vavr soroll ani gorjen provadik vavr zaunk zai.

154               Hea vorvim Povitr Pustokachea vavran

-          Devacho novsornnecho ani suttkecho sondex, dor mon’xak, ak’khe mon’xa veoktik ani sogllea veoktink pavunk zai.

-          Mon’xak toxench somudaiank, Devachea Utrachea uzvaddan aplea jivitachi poristhiti ollkhunk ani xikunk ani mon’xachea soglleam bhagank: arthik, somajik, rajkornnik, sonskrutik ani dhormik, zobab sodunk zai.

-          Amkam khasgi toxench somazachea patkancher nixed marunk adhar diunk zai.

-          Koxttam-dogdam modhem porian, Devachea Rajeachim muleam samballtat tosle Povitr Atmeachea bollan bandlole, Povitr Sobheche somudai (dekhik SCC’s/BCC’s vo Gospel Neighbourhoods) ghoddun haddunk sfurti diunk zai.

-          Zo apnnak zai te vatten vavurta ani Devachea Rajeache “provadi ani tacheo kornneo”, Kristi Sobhe bhair legun ollkhunk amkam nirmita, tea Povitr Atmeak ami zagim asunk zai.

155               SUCHOVNNEO

            Goyche Povitr Pustokache Somitik (DCBA) ek purnn vell chittnis asop gorjechem. He somiticho chittnis ani dusream DBCA-cheam vangddeam bhair, favo to duddvancho adhar diun, kaiomche vavurpi (full time) dovrop zorurichem. Hea kamak goroz tim panvlam marunk zai ani ek nidhi ubi korop, taktikechem zaun asa.

            Povitr Pustokant gholl’loleam bhair, konknni ulounk ani borounk ietoleanchi goroz asa. Povitr Pustokachem muniarponn soglleam lokanchem muniarponn zaunk, proxikxonn ghetloleam odhik muniareanchi goroz; zaum te padri-mottvaxi, zaum tim loukik bhavbhoinnam.

            Amche konknni bhaxent akhea Adlea Korarachem bhaxantor korop chodd gorjechem zaun asa. Devnagiri lipint Novo Korar portun xhapunk zai ani amchea Goyant toxench xezarchea dhormprantantamnim sompeponnim mellunk zai.

            Firgojechea ani varadachea panvddear, Povitr Pustokavoir neaimit xibiram addaun haddunk favo. SCC-cheam ani PPC-cheam vangddeank kherit xibiram ghoddun haddunk zai. PPC-nt Povitr Pustokachem khatem/Up-Somiti asunk favo.

            Odhik ani bori Devachea Utrachi somzonni mellunk, pradeixik vo sthanik bhaxen potr vo pustikachea rupan, Povitr Pustokachi mahiti, gonvlleank ani lokank divop, hi anik ek khor goroz zaun asa. Saibinniche Ladainik, tech porim Saibinnichi murti ghorant haddtanam, DCBA-n, Povitr Pustokache niall xhapun haddlear, chodd gorjechem.

            Inglez toxench konknni bhaxen, Povitr Pustoka-vixim ‘Correspondence Courses’ kelear chodd faideachem zat’lem. Povitr Pustokachi mahiti gheunk ek kendr sthaplear, ier dhormanchea lokank porian chodd faideacho zat’lo. Tornnateank ani ier iskolachea bhurgeank, Povitr Pustoka vixim kurs suru korunk zai. Povitr Pustok sovai doren vikunk favo.

            Firgojechea panvddear Povitr Pustokachem Satollem somorombhunk, SCC-inim odhik bhor gheunk zai. Povitr Pustokachem Satollem Katolk iskolamnim ani kolejinim somorombhunk favo.

            Aichea kallar lok-somporkache upai zoxe porim akaxvannim, durdisnnem gorjeche mhonntoch, Devachea Utrachi porgottnni ani Povitr Pustokachi ollokh, odhik korun tornne pillgek adhunik mhad’deomantlean zoxe porim Cable TV, divop gorjechem. Bhurgeank chitram ghalun, tech porim bolsant vetat tosleo lhan Povitr Pustokacheo protio, xhapum ietat.

            Veg-veglleam Kristi Sobham lagim, adhar-sohokar gheun, Povitr Sobhecho ekchar fuddem vhorchi goroz asa. Sompeponnim Povitr Pustokachem sahitea ani dusro adhar mellunk, Bharotia Povitr Pustokache sounsthek ani dusream sanghottit Povitr Pustokacheam sonstank ut’tejon diunchi goroz asa.

JEZUCHE OLLKHICHO VAVR

156               Dotonicho mullavo hetu mhollear khasgi toxench somudaiik bhavart xikovnnecho chalto krom’ (process). Amcho bhavart zanna zaunk ani amcheo somorombhnneo somzunk ti amkam adhar dita. Aplea jivitachea udharonnam pottovn dil’li dotonn, dubhavaviret amchea jivitacher sasnnacho porinam’ rochta.

157               Xekddeam adli porompora ani chali-ritimnim khunnailole Goyche Povitr Sobhen, aponn sotmantolea Devak, khaxelea margan onbhovpacho iotn kela. Nanvampurte chaliritintle ani devosanvantle bhair sorun, orthabhorit bhavart onbhovunk fuddem sorop, nemache faskentli doton soddun, jivitak lagu zata tosle Dotonnik veng marop –hem sogllem amchea lokak Bhov Povitr Tritvecho ani Kristache Soddvonnecho Gutt onbhovunk palov dita.

158               Oxem astam-i amche ghorabe, hea Dev onbhovachim khoddpam korunk anik zaitem korchem urlam. Dotonniche thodde ‘formula’ tonddpatt korun puronam punN disa-dispottea jivitant Taka onbhovunk chodd goroz. Devachi ollokh divpache nove toren, dubhav nastanam amchea Kristi jivitacher zaito probhav ghala. Ami kitem sotman’tanv ani ami kitem somorombhtanv, tem somzunk amkam adhar zala. Amchem ubem map (dimension) hanv ani Dev ani addvem map, ‘hanv ani mhozo pelo’ hacho somtol sambhallpachi goroz asa. Hea vorvim, tanchi tengxi koxi somudaicho onbhov, ‘ ami ani amcho Dev’ oso zatolo.

159               Amchea Dhormprantacher barik-sarik nodor marlear, Dotonnicho vavr odhik bore bhaxen zaunk, tin mollancher ami nodor marchi goroz asa: Kuttumbamnim Doton (Bhurgim ani Avoibapui) – Dotonicho poilo ani mukhel bhag mhollear avoibapaiamnim bhurgeank xikoilolo bhavart. Hem korunk avoibapain aplea dispot’tea jivitant, xubhvortomanak govaiki diunchi goroz. (Polle CT 68)

FIRGOJENT DOTON – Amchea firgoz Somudaiant, huxear devsondexkarancho palov gheun, gonvlleamnim bore mandavollin ani ut’tom marg dorxonnan doton xikonvk kaido asa. (Polle CT 64)

XIKXONNIK SONSTAMNIM DOTON (Iskolamnim ani kolejimnim) – Heam svatamnim Xubhvortomanachim muleam vompchi goroz asa. Katolk xallancho khaxelo sobhavgunn zaun asa bhurgeanchea xikxonnant bhorxil’li dhormik xikovnn. Hakach lagun Kristi avoibapui, bhurgeank katolk iskolamnim ghaltat. (Polle CT 69)

160               Jezuche Ollkhichea huskea baptint, ‘Commission for Ministry of Word and Worship’ hanchem Vision Statement –antleo poileo panch oti mhotvacheo teo polleum-ia:

-          VADDLOLEANK DOTON – Az porian, Vaddloleanche Dotonnicher durlokx poddlolem asa. Patthlea kaim doskamnim, ek gozal spoxtt zalea ki vaddloleanchi Doton, dotonnichi mukhel tora.

-          KATOLK TORNATTEANK DOTON – tornnate zaun asat faleancho bhorvanso.

-          DOTONNICHO ATTAP – Soddvonnecho Bore Khobrechi purai porgottnni

-          AMCHE DOTONNICHO SONDORBH (Context) – Ho sondhorbh zaun asa Bharotachem somajik , arthik ani sonskruti – dhormik map.

-          SONDEXKARANCHI AKARNNI – Sondexkaram aplo provadik vavr bhavartan palltolim.

161               SUCHOVNNEO

            Goyche somajik ani sonskrutik poristhitint eksarkho bodol ghoddta tea sondorbhant, dotonnichea mullgronthanchi/pustokanchi barik topasnni korun, jivitak lagtat te bhaxen, him pustokam novean xhapunk zai. Thoddim dotonnichim pustokam, chitram ghalun xhapunk zai. Jivitachi govaiki ani somajik Vavr, Dotonni borabor vochunk zai.

            Tornnateanche ani Vaddloleanche doton’ni khatir, pustokam, ier sahitea ani kariavollinchi goroz asa.

            Dor-eke firgojent, Aitarachi Doton asunkuch zai ani ti bore toren cholunk zai.

            Kuttumbache Dotonni khatir, vhoddilancho aspav korunk, ek khas sahiteo toiar korchi goroz, asa. Dekhik dor-eka Dotonnichea pattha uprant, avoibapaiank ek pan.

            Vhoddilanchi Doton diunk, DCC’n, SCC’s hancho faido kaddum-ieta.

            Kristi Dhormachi mahiti soglleak posraupak, DCC-cho ek bhag koso, ek vegllem khatem sthapchem. Dotonnichi kariavoll bore bhaxen fuddem vhorunk, Lok-Somporkachim Sadhnam aitim korchim.

            ‘Action-oriented Catechesis’ mhonnge vostu poileo korun, Doton xikchi, hacher lokx ghalchi goroz asa.

            Iskolamnim ani kolejinim doton zata, tacher odhik bhor ghalchi goroz. Xikxokanchi-i favo ti toiari zaunk zai ani hea borea kamak tankam huskaunk zai. DCC-n apnna borabor ier Kendrancho/Somitincho adhar gheunk favo Dekhik DYC, DFSC, DCLA ani ABE.

            Dotonni bhair, ‘Integrated Value Education’ asunk zai zoim veg-veglleam dhormanchem mot hea-tea mulea voir dil’lem asta. Zoim-zoim, ier dhormanchim chodd bhurgim astat, ani ghoddie dhorm titlo gorjecho nhoi mhonntat, team iskolamnim, hem odik gorjechem.

SEVADHORMIK VAVR

162               Sevadhormik somrombhnneo zaun asa Povitr Sobhechi unchli povitr kornni. Teach borabor, dhorm porgottnnechi ani gonvllik vavrachi tenkxi. Toxench, Povitr Sobhechem asnnem ani vavr disunk, soimbavortem jivit ditoli zhor. Haka lagun Sevadhorm mhollear Kristi Jivitachi tenkxi ani zhor mhonnlolem asa. (Polle SC 10)

163               Sevadhormik somorombhamnim sogllea lokan xitaben ani dhean-monan vantto gheunk, Sevadhormachea bodolpancho haves asa. Karonn khorem Kristi mon, hea Sevadhormant suru zata.

164               Jivont Jezucho onbhov, Devachem Utor ani Sonvskar kholaita. Somudai ani khasgi magnnem ani odhik korun novi mogachi adnia samballunk adhar dita.

165               Soglleam-von boro ani jivont Jezu sovem lagxil’lea sombondacho onubhov amkam Misachea bolidanant Kristi jivitachea ani vavrachea kendrantlean mellta. Sevadhormik somorombhnnecho foll ani zobab koso ami amkanch, amchea bhava bhoinnanchea ani odhik korun gorib ani koxtt sostoleanchea boreponnam pasot bhettunk zai – zanche udexim ami Jezuk bhett’tanv.

166               Sevadhorm ani amchem jivit –hache modem aslolo khol sombondh ollkhun gheun, amcheo sevadhormik somorombhnneo ani bhozonn ami Povitr Sobhechea natian polleunk zai. Amcho sevadhorm, odhik korun amchem Mis amkam Novo Somaz ghoddun haddunk, sfurti ani boll zaunk zai.

167               Dhormacheo fokot bhaileo riti pallunk nhoi pun Devachea ojapvont kortutvancho ugddas korun, Jezuchea Paskancho Gutt niallun, Sevadhorm ani jivitacheo ghoddnneo, hanche modem aslolo sombond ollkhun gheunk adhar zaunk zai. Orthabhorit sevadhormacho somorombh, bhavponnacheam ekvottan, amchi suttka ani ekvott somorombhunk, amkam sfurti dita toslo zaunk zai. Odhik korun, Misache bhette vorvim, khontovlolea-dukovlolea kallzant ami buzvonn diunk zai ani jeo bandavolli oslem durdoiv haddtat, teo bodlunk zai. Zori tor Misacho Sevadhorm, amkam somajik kariak huskainam zalear, Kristachim kebaddam zatolim karonn To goribam ani tallo nasloleam khatir zhuzlo ani vollvolleamnim melo.

168               Sonvskaranchi somorombhnni somudaianchi ek iukt somorombhnni zaunk toiari kortana, khas zotnai ghenvk magnnem asa. Bhailo dobazo ani mirvonnuko hacher bhor diunche svater atmik toiari ani sevadhormik somorombacher lokx dinvchem: a) He babtint kaim husko korpa sarkem moll mhollear – amchim festam ani ier sevadhormik somorombh, grestkai ani somajik protixtta dakhovpacho mandd zal’le bhaxen gunvta ani futt ghalpi tallneank soeg dita. b) Dusream sovem spordha korpachem mon aslear, zaito khorch korunk huskaita. Haka lagun vhodd vhodd pivopacher (pinvnnacher), bhailea nettoupacher ani fogacher mon oddta.

169               Somorombh kortolea somudaint, te khaxele poristhitik sobosarki, ti sevadhormik somorombhnni zanvchi. He khatir, dor ek Povitr Sobha (Igorz/diosez) vo Povitr Sobhanchea zomeank amchi thir bhov dhormik, bhov sonvskrutik, vatavoronn ani porompora niallun punn sodanch Kristi bhavartache nodren ani Vixv Sobhen ani Diosezichea Vhoddilamnim tharailole kaideanche faski bhitor, sevadhormik somorombhnni ghoddovn haddun, ani pattimbo diun, ek niz ani porinnami mekllik aschi. 1966 vorsa, Bharotache Katolk Bispanche Sobhen, Bharotant sevadhormik novsornni korchea kamant, dexitaravop (inculturation) nem’ koso dhorcho mhonn sanglem. Deivik Bhozonnachea Povitr Khatean, Bharotachea Katolk Bispanche Sobhechi magnni manun ghetli, Sevadhormant thoddim-xim bodlopam korunk, Sevadhormik ghottnnechea, ank 37-40 nema pormannem. (Polle Romi Misa-Gronth, pan lxxxi – lxxxii)

170               He babtin, bhavartachea uzvaddan, lok ani tanche jivitache somrombhnne modhem, ek nizachea dexi-taravop-ak survat zaunk zai. Thollavea sonskrutaiecho bhag, xhanneponnan ani folladik toren guntun, thollavea Povitr Sobhen, Sevadhorm tea lokank pospachi zhor zata, hachi khatri korchi goroz asa. (EA 22) Bhaileoch vostu bodlun, deixitaravop –hacho hetu zanvcho nhoi. Lok aple khas sonskrutaiechea nodrentlean odhik nivoll somzota, hea khatir, te aplea Kristi bhavartachea odhik suvadin zaleat kai hacher, khorea dexitaravop-acho kos lagtolo (Polle EA 22). Dexitaravop-an don vostu Goyant monant dovorcheo poddtoleo: a) amchem Goy ani tachi sonskrutai ani b) dhormporgottnni amchea Goyant.

171               SUCHOVNNEO

            Aitar ani odik korun Aitarachem Mis, te-te Firgojecho somudhai ghoddpi somorombhnni korunk, poilem ani voilem kam’ mhonn Goyche Sevadhormik Somitin mandun gheunchem. Hea khatir favo te porim provochonachi toiari, lagu zata toslem vivronn, ani loukikanchea sevadhormmik kariancho sarko upeog korcho. Favo tea bhoktiponnan Mis somorombhchem ani dhormik vatavoronn thoim aschem. Hem korunk ogeponnachi ani niallachi chodd goroz. Uttpa-bospachi manddavoll, kednam-i halounk poddot, odhik korun khuxalkaiecheo somorombhnneo astat tednam, pun som’tol aschi goroz.

            Akho firgojecho kuttumb, mhoineak ek pavtt tori ekuch Aitarachea Misak ektthaim zalear, somudaiechem mon odhik vaddpachem. Soglleam bhavarteamnim vantto gheunk tharailolea Aitarak, Povitr-Snan, Misache Bhettent somorombum ieta.

            Dor-eke firgoje ani SCC’s-hachea panvddear, Misachea otmik folla vixim ani Misache somorombhnne vixim ani her sonvskaram vixim, odik korun somudaiachem mon, hache vixim khol xikovnn dinvchi. Dor-eke firgojent ek sevadhormik somiti aschi. Soglleam sevadhormik kariavollim vixim, firgoz gonvllian margdorxonn diunchem ani khori vatt dakhonvchi.

            Povitr-Sobhen nemun dil’lim magnnim (Liturgy of the Hours), firgozamnim soglleam bhavarteamnim borabor korpak hurba diunchi. Hea khatir, him magnnim sadhea punn ut’tom akarant asunk goroz. Firgojechea somorombhnnek lagu zatoli, hea Povitr Sobhechea magnneachi pustika asop, chodd gorjechem.

            Povitr-Sobhent koslem-i karia asloleamnim dekhik vedi-sevok, vachpi, hankam bore toren proxikxonn diunk favo. Odhik korun, Vachpi asat tanchi favo te porim toiari zaunk zai, tim nhoi fokot sadharonn vachpi punn Devachea Utrachim Porgottnnar mhonn, tanchea monant khonchounk zai.

            Iog’geo oxi atmik toiari ani sonvskaranchi somudaik ritin somrombhnni korunk ani bhailo ghonghonn ani dobazo vattaunk, Goyche Sevadhormik Somitin spoxtt nem’ korche. Porbam, lognam, Povitr Snan, Poilo Komunhanv, iadniki makhnni –osleam somoiar, hispa bhailo khorch komi korcho. Zoim iog’geo poristhiti ani dhormik vatavoronn nam, thoim sevadhormik somorombhnni, khas korun, Misachi bhett bhettounk maneatai dinvchi nhoi. Dekhik rostear asloleam khursam/kapelam lagim.

            Mornna ani Nikhipinnea vixim, DCL-an kherit ani khas nem’ dinvche. Mornnachi Rit, tin bhasamnim somorombhum-ieta ani aichea kallachi poristhiti, hacher odhik lokx ghalchem.

            Raj-margancher ani chodd ieradari asloleam rosteancher, amcheo mirvonnuko (zaum porbam somoiar, zaum mornna somoiar, kaddtat, hacher lokx ghalchem. Rajmarghancher ani ier gorjecheam rosteancher, khuris bandche nhoi. Thoim Misachi Bhett korunk, vhoddilamnim porvangi diunchi nhoi. Vhoddleam porbam somoiar, ganvcho kaido gombirsannem pallcho. Dekhik vhoddlo bobatt zoxe porim maik, fog vattauncho.

            Zati-katincher vo ganvkarponnacher dhorloleo porbo, tabortob bond korcheo.

            Bhavarteamnim odhik bore bhaxen, sevadhormik somorombhanim vantto gheuncheak, firgojechi gaion mondolli vhodd adhar zaun asa. Hea khatir vevharik gaion monddolink pattimbo diuncho nhoi. Karonn, osleo gaion monddoli, sevadhormik somorombhnnenk vannto gheunk, adhar dinvche svater, bhailo ‘show’ ani vhoddlo ‘avaz’ kortat. Sevadhormant odhik korun logna somoiar fokot vhoddilanchi maneatai asul’lim gitam vapddunk, firgoz gonvlleamnim/Iezman iadnikan, polleunchem. Sevadhormik songit, hache vixim DCSM kel’le kaide sodanch monant dovorche.

            Povitr Komunhanv vanttpi osadhoronn munniari asat, tanche komunhanv vanttpa vixim, zaitem voir sokol zal’lem dixtti poddta. Dekhik komunhanv vanttpachi pod’dot, tanchi nhesonn adi. DCL-an soglleam firgozank, hache vixim nem’ diunche.

            Lokanchim devosanvam (Popular Devotions) asat tim, Sevadhormachea khorea mona pormannem zaunk, Sevadhormik Somitin nem’ diunk zai. Favo ti toiari nasloleam mon’xank, firgojent, Ekantkai vo Rat-Zagronnam korunk, apounche nhoi.

            Deixitararop vo Sonskrutikaronn (Inculturation) hache vixim 12 mudde asat, kaim kall zalo, Dadra ani Nagar Haveli-hanga vevharant ghale. Hantle thodde-thodde mudde, amchea Goyant, bhavartianche gorje pormannem vevharant haddop chodd gorjechem. Karonn az pasun Goyant, donuch mudde vevharant ghal’le asat. Favo ti toiari ani xikovnn dilea uprant, thodde-thodde mudde vevharant haddpacho, ho vell zaun asa.

            Sevadhormik Ponchong toiar kortanam, nhoi fokot iadnikank pun bhavartiankui monant dhorun korcho. Haka lagun, porbam somoiar, ier somorombhnniam somoiar, favo ti mahiti lokak dinvchi.

            Firgojentleo soglleo vhoddleo porbo, akhea firgojechea somudaian, somorombhunk favo. Porbam somoiar ‘Presidente’ asta ti chal tabortob kaddun uddounk zai. Novenam ani porbam somoiar tim odhik faideachim zaunk, SCC’n odhik bhor ghalum ieta.

            Jednam soglleam sevadhormik somorombhnniank ektthaunk amchi maibhas ek ekvottacho pul koso zaun asa, tednam Aitarachea Misak ani ier sonvskarancheam Somudaik somorombhnneank, amchi Mai bhas konknnich vapuddchi.

            Itleo porbo ani devosanvam amchea Goyant, khore Kristi novsornne add ani amchem dhormporgottnnechem karia pallunk, addkholl koxeo zaun geleat. Hem monant dhorun, dor-eke firgojek, aple firgojent axil’lea soglleam kariavollinchi molavnni korchi. He toren bhozonna vixim ani Kristi karia vixim, ek somtol astolo. Dor-eke firgojent ekuch porob somorombhchi mhonn, Porixodechea vangddeank dislem. Novenam somoiar, vatteveleam khursam lagim ani kapelinha lagim, Misachi Bhett somorombhunk porvangi diunchi nhoi.

            Sevadhormik somorombhnniamnim vantto ghetanam, odhik korun zankam Sevadhormant kherit muniarponn asa, tannim favo te porim, nhesonn ghalchi.

SOMAJIK KRUTI

172               Jezuchem akhem jivit: tachi xikovnn ani vavr, dublleam sovem seva, podvi nam ani hok nant tanche sovem seva – Devache khuxe pormannem zaun asa mhonn dakhoun dita. He seve-chakre udexim, ami Jezuchim khorim pattlavdaram mhonn sonvsarak disun ietolem. (Polle Mt. 20:25-28; Mk 10:42-45, Lk 22:25-27)

173               Jednam bhavarti dublleam sovem ani somazan bharailoleam sovem aplem mon oddtat ani tankam tor aplea monacho ani vavracho maz kortat, tednam amkam khatri asa ki tea somudaiant maiemog thir urtolo. Hem ami korinanv zalear, ekcharachea jivitak dhoko bostolo (Polle 1 Kor 11: 22ff)

174               Ami Jezuchim pattlavdaram koxim, ho dhei ani ho nem’ vevharant ghalunk, harpit zaun vavrunk zai. Dublleam sovem seva ani tallo nasloleam sovem seva, zaun asa ek hokhachem magnnem jem Povitr-Sobhechea vonttim bhair veta ani soglleank lagu zata.

175               Heam chear kamam udexim, Goychi Povitr-Sobha somaz bodolpacho aplo vavr chalu dovorta. Amchea khasgi mon-bodlopa udexim, amchem jivit samkench bodlunk, amche mukhar ek avhan manddta, ami sodanch dusream pasot ani dusreanchea boreponna pasot, amcho vell diunk, kherit bhaxen dublleam-dhaktteam ani koslech odhikar nant tanche pasot, amcho vell diunk, amkam huskaita.

176               Sogllea diosezan gonvllik vavran, amchea bhavartacho somajik panvddo dakhounk zai ani amchi Povitr-Sobha dublleam khatir ani somajik niti pasot ubi ravta mhonn dakhounk zai. Gel’lea tis vorsank, Goyche Povitr Sobhen, bhavartiank novo somaz bandpachea kamak, xitaben vantto gheunk ulo marla. Thoddea somajik nitichea prosnnam mukhar aplem dhoronn kitem tem sanglam, ani tea-tea prosnam mukhar amchea lokak zagoupachem kam’ aplea hatant ghatlam. Amchea poilea diosezan missionaramnim ani magir Pilarchea padrimnim zo-zo boro udorgoticho vavr, Dadra ani Nagar Haveli ani Daman adivasi lokam modem kela, to ugddas korpa sarkelo karonn serkarachim khatim thoim panvche adim, ho vavr kel’lo asa.

177               Oxem astam-i somajik nit, amchea bhavartache porgottnnecho sompurnn bhag ozun zauncho asa. Amcheam bhavarteam modem nitivixm ozun khor mot roch’chem asa, amcheam somudaiamnim, ani sonsthamnim somajik nit ozun pallchi asa. Hem korunk amchi chal ami samki bodlunk zai, xikloleam bhaxen, he soglle prosnn polleun nhoi, pun goribanche somajik ani orthik sudharnne khatir, soglle prokolp ani kariavolli manddun haddun, hem ami korunk zai.

178               Nit, bhavponn, ekmon jivitache chalint sadheponn, ani dusreancher zulum’ choloupachem fuddariponn pois dovrun, him xubhvortomanachim muleam, amcheam somudaiancho, pongddancho, sonsthancho ani gonvllik vavracho, kherit xik’ko zaunk zai. He bhaxen sogllim hatak hat ghalun, oniti add ani sonvsarikponna add, zhuz korunk sompem zatolem.

179               Novo somaz ghoddun haddunk ani soglleank boreponn mellta te bhaxen vostu korunk, sorkara borabor vavrunk gorjechem. Hem khas korun loukikank lagun zata. Tannim bhair ravun nhoi, pun sonvsari vevharant buddun, Devachem Raj sodunk goroz. (Polle LG 31)

Somazacheo ratavolli choloitanam, Kristi asnnem chodd gorjechem. Punn pokxvad korpak vo aplea faideak, Povitr Sobhecho vapor korinam zaunk, ami kallji gheunk zai.

180               Amchea lokak somajik zanniv (zagrutai) divpak, kariokromacho ek bhag koso, favo te upai ghevop gorjechem.

-          Povitr Sobheche, Somajik xikovnnek vhodd prosid’di (publicity) dinvchi.

-          Soglleam lokam modem raxttrik ekvott nirmann korunk vavurchem.

-          Bhovxik jivitant asloleanchi gonvllik niga gheunchi.

-          Vechnukanchea vellar vo serkari motdan asa tednam, soglleank margdorxonn diunchem.

-          Nagriki vevharant, Povitr Sobhechi bhumika eksarki spoxtt korchi

181               Bholaiki baptint xikxonn divpacheam, bholaiki samballpacheam ani kallji ghevpacheam kariavollimnim, Goychi Povitr-Sobha fuddem asunk zai. Zannteancho poramos korop, hacher fuddarak lokx ghalchem poddtolem. Amchea Goyant zaite bhonvddekar ietat mhonntoch Goyche Povitr Sobhechi ievzonn kaddtanam “Humane Tourism” hacher lokx ghalchem poddtolem. Khas husko dhorpachem anik ek moll mhollear poriavoronn. Ranank, udkacheam zhorink, nhoiank, udeogik produxonnak, khasgi ani xharantlo mhell bhair uddovopachea kamak –hankam lagu zatoleam soglleam prosnnacher dollo dovorcho poddtolo.

182               Gonvllik ievzonnent, liploleam prosnnam vixim husko ascho: bhurgeancho durupeog, ghorabeantli himsa vo modd-fodd, AIDS, bhurgeancho lingi faido, opangull bhurgim, bhottke vavraddi, ghoramnim vavr kortat tim vavraddim, rostear aslolim bhurgim, ani vikhallim vokdam gheupi; heam soglleam liploleam prosnnam vixim husko ascho.

183               Niticho ani bhavponnacho somaz bandpacho vhodd vavr, dusream dhormancheam mon’xam borabor ani dhorm porian nant mhonntat, tanche borabor vavrun ani su-sonvad korun korcho karonn soglleam boream monancheam mon’xanchi vhodd axea asa ek novea somazant jieunk zhoim mog ani nit vosta. Hea khatir, Kristi mon’xam aplea bhavartant thir ravun, ek bodol ghoddun haddtolem novem ambttem zaun, dusream dhormancheam mon’xam thaim hatant-hat ghaltoli, soglle torechi onit ani somantai (inequality) kobar korun, Novo Somaz ghoddun haddtoli sobha zaunk zai.

184               SUCHOVNNIO

            Kosloch vegllochar korinastanam, somazak seva divpi, khas korun somazachea oskot ghottokam khatir, sonvsarak ani tachea prosnnank, ugto sonvad korpi, somudai koxe, firgoz ani SCC’s hanchi udorgot korunk zai. Amcho somajik husko amche firgojentuch uronk zainam, pun akhea dhormprantant ani amchea desant porian vochunk zai. Amchea khasgi vo sonsthanchea khoxie-von, hem poile svater urta.

             Monis hok’ ani somajik bodlopam-add rakhonn korunk, lokam modem zagrutai haddop ani tea khatir tankam toiar korpachi chal, amchea somajik misanvancho mukhel husko zauncho. Hi chal amche Kristi akarnnecho ek mukhel bhag zatolo. Heach khatir, amchea Povitr Pustokachea, Sevadhormik, Jezuche Ollkhichea vavrant sodanch ek provadik bazu asunk zai ji amkam somajik vavr korunk huskaita. Povitr Sobhecheam soglleam sonsthamnim ani chollvollimnim, tanchea vavrant ek somajik bazu asunk zai. Bhavartianchea nialla khatir, amcheam novenamnim jim provochonam/sermanv zatat, tantunt Povitr Sobhechi somajik xikovnn gheunk zai.

            Dor-ek firgojent, somajik vavr korpachem khatem ugddunk, gonvllik husko dakhonvcho. DBSA-an, haka taktiken survat dinvchi. Veg-veglleam lokam modem, somajik kamak sangat diunk, tem ek gorjechm hatiar zatolem.

            Soglleam lokam modem; gorib, bharailolim ani cheplolim asat, tanchi ollokh, dor-eke firgojek aschi. Somajik Vavra khatir, ek nidhi, dor-eke firgojent ghoddun haddchi. Caritas ani DBSA-hanchea asrea khal, tanche kalyana khatir, kariavolli ani ievzonneo ghoddun haddcheo.

            DBSA-n, ier Kristi sonstham borabor, NGO’s, chollvolli, nagrik sonstha ani ier sorkari sonstham borabor, vavr korunk, adhar dinvcho. Hea khaxelea vavra khatir, tannim fuddari toiar korche poddtole.

            Lokam modem zagrutai haddunk ani tankam toiar korunk, DBSA-an, neaimit lokbhaxentlean sahityachi purvonn korchi. Inglez ani Konknni bhaxen, neaimit ek masik asunk favo. Povitr Pustokachea, Jezuchea Ollkhichea ani Sevadhormik Kendramnim, apleam masikamnim, somajik prosnnacher bhor ghalcho.

            DBSA-n kherit lokx ghalunk zai heam mollancher: Funkott kaideacho sol’lo, Vavr-Dhondo, Bholaiki, Poriavoronn, Bailank odhikar, Zolmol’leam ani Zolmunk nasloleam bhurgeancho samball. Heam fugar korpi huskeancher nodor dovrunk, kherit fante asop gorjeche.

            Gram Sabha Zomatimnim vantto gheunk, Katolkank, huskaunk goroz.

            Katolk Advogadanchi Sonstha, odhikrut rupan nirmann korum-ietali. Loukikancheam ani mottvaxeancheam adharan, amche Diosezin advogadank proxikxonn dium ietalem ani tancho ek zomo ghoddum ietalo.

            Bebdikaie add ek khoddegant zhuz manddchi goroz. Igrojechea/Kopelachea vattharamnim ani bhovxik khursam lagim soro vanttcho nhoi.  ‘Alcoholics Anonymous’ asat, tankam amcho purnn tenko.

            Amchea Goyant bhonvddekar ietat, tacho boro ani vaitt porinam, hacher DBSA-n kherit xikop korchem ani tea pormannem lokak xittkavnni diunchi. Dusrem koslem-i dhoronn, serkara mukhar manddum ietalem.

            Amchea dhormprantachea panvddear, huxear mon’xank sangata gheun ek sodh korpi Kendr sthapum ietalem. Vidneana vixim, somajik-orthik poristhiti vixim, arthik ani poriavonna vixim, amkam mahiti dium ietali. DBSA-n odhik bore bhaxen cholunk, somaz xastr, arthxastr ani hankam lagu zatole vixoi xiklole mon’xanchi goroz. Raj karonna vixim xikxonn diunk, ek Sonstha sthapchi mhonn zaiteanchem magnnem zalem. He Sonsthecho xevott mhollear promannik ani huxear chakri korpi fuddari amchea Goyant toiar korunk, zat-kat, dhorm oslem kainch monant dhorinastanam.

            Povitr-Sobhechea sogllea sonsthamnim ani Kristi ghorabeamnim vavr kortoleam soglleam vavraddiank nitin vagounchem mhonnge favo tem pagor, bospagi zatoch bott’to, goroz teo sovloti –hacher bhor ghalcho ani vhodda huskean, hem kam’ xat’ti pavounchem. Somajik Niti pasot vavurtanam, hem amchem poilem kam’. Favo tem pogar vavraddiank diunk, dor-eke firgojent CORPUS FUND suru korcho.

            Bhottke vavraddiam vixim, kherit bhaxen chalteam vavraddiam vixim, Porixoden kherit husko porgottaila. Amche Goychea somudaiacho him vavraddi ani tancheo famili ek vantto mhonn, hem koddu sot, ami manun gheunk zai. Heam bhottke vavraddiam vixim, Goyche Povitr Sobhen, tanchea otmik boreponna khatir, neaimit Misachi Bhett, ier sonvskar, tanche bhaxent somrombhunk zai. Heam bhottke vavraddiam pasot ek kherit kopelanv asunk goroz. Hea bhottok vavraddiam khatir, veg-veglleam duisezim thaim ektthaim zavop, gorjechem mhonn Sobhek dislem, heam bhottok vavraddiank amchea somazant odhik bore toren misoll korunk. Firgojent Somajik Kristi-hache fantte asat tannim ani DBSA-hannem, hem kam’ veginuch hatant ghenvchem.

DUSREAM KRISTI ANI IER DHORMACHEAM LOKAM KODDE SON’VAD

185               Povitr Sobha mhollear ekcharachi ani ekvottachi khunna ani hatiar ani tichem kam’ mhollear Devacheam soglleam bhurgeank eke sobhent ektthaim korunk. Povitr Snana vorvim Jezuche kuddiche vangddi zaleant tankam kherit bhaxen hem kam’ lagta; khorea ekvottant bhitor kaddunk. (UU 56)

186               Jezucher bhavart tthevtat, team veg-veglleam lokam modem dusongam asat. Jinosvar karonnank lagun, xekddeam pottim oxem ghoddon ailam Kristachech kuddke zal’lea bhaxen (Polle 1 Kor 1:13; UR1) Amchea Goyant, katollkam bhair, Jezucher visvas dovortoleo, ier Igorzo ani somudaik Sobha asat. Heam ier Povitr-Sobham vixim, amcheam katollkank, nhoi mhonn amcheam padrink, zobor-xi khobor nam. Hem dakhoita ki amkanch sarki khobor nam. Povitr Sobha mhollear soglleam snan ghetloleanchi ekcharachi ani ekvottachi khunna. Zorui amkam disot ki tanchi amkam goroz nam, torui tim-i Jezuchim bhav-bhoinn mhonn ami tanche sovem vochunk zai ani tanchi khobor mat gheunk zai.

187               Halinchea kallar ollbeam porim fultoleam heam ponddamnim, zaitim amchim bhavbhoinnam, tache veslean oddleant ani hachem karonn mhollear poromporik ani nem’ kaideamnim bhorloli sobha ani jivit naslolo sevadhorm. Devachea Utra vixim, koslich hurba nasun, tankam Devacho khoro onbhov mell’lo nam ani Povitr-Sobhechea jivitant-ui vhoddli-xi gonvllik fikir nam – oxem tim mhonntat. Heam pongddam modem, tankam ekamekachem poddlam tem dista khorem, punn tim chodd-xim mullbhut totvachim ani veglleponnachem mol gheun asat. Heo sobha Jezucher bhavart dovortat tednam, Povitr Sobhek lagim aslole zome, oxem mhonnunk zata? CBCI-n nem’ kaide dileat, tea pormannem ani tanche sovem ugtem mon, man-ador ani lamb-rund somjikaiechem mon dakhounk goroz kiteak “Jezu sonvsaracher khastichem formonn marunk ieunk nam, punn tachem taronn korunk ailo.”

188               Ami Katolk Goyant fokot 30% ani jivitant, chantta panvlak, dusream dhormacheam lokam modem misoll zatanv. Amcheam xallamnim-iskolamnim, amcheam ievzonneamnim ani amcheo ier sonstha asat tannim, ier dormanchea lokacho poramos kela, tancheo gorzo sodanch monant dhorleat. Hea sondorbant ier dhormanchea lokancheo porampora ami ollkhun gheunk goroz. Tori, ami Kristanv, ier dhormanchea loka sovem bori vagnnuk dakhoitanv. Tanche ani amche modem sohokar ascheak, ami ghoddie zaite pavtti ek addkholl. Dubhav nam, Kristi dhorm tim manun ghetat ani noitik mol uklun dhortat.

189               Goyche Povitr-Sobhek ek kherit apovnnem asa: Xubhvortomanachea sondexachi govai diunk; ho sondex mhollear vaittantli, patkantli ani mornnantli suttka ani Jezu Krista vorvim mell’lolem “novem jivit” apnnavop. Hi porgottnni, Goychea loka modem zaunk zai. Mogache vagnnuken ani amkam aikotat tanche sovem mog-moipas dakhoun,  ami to porgottunk goroz; omke-omke poristhitik lagta ani sobta te bhaxen zaunk zai (Polle RM 44). Kristi bhavartim borim, okhondd-zunn zaleant hachi khunna mhollear apleach vattarant ani uprant dusre kodden Povitr Sobhechem kam’ koxem, Kristi Sobhen Bori Khobor jieunk zai ani ierank vanttun diunk zai. (Polle RM 49)

190               Goyche Povitr-Sobhen, xubhvortomanacho sondex porgottunk, khup proitn keleat; ani hem odhik korun Goyant Nove Vatthar (New Conquests) mhonntat tea bhitorleam-bhitorleam ganvamnim ani toxench Dadra ani Nagar Naveli, odhik korun Pilarche Sonvsthe vorvim. Odhik mozbut asat team amcheam Goycheam firgozamnim, heam noveam vattharam vixim odhik husko dakhoum-ieta ani tankam adhar dium ieta. He poixile vattar, zaum bhugolvik karannank lagun, zaum tanchea veglleam sonvskrutaiank lagun ozunui Goychea ani Damanvchea Mhadhormprantache bhag koxe urche gai mhonn ek motto proxnn upzola. Chodd-xe vangddeanchea mona pormannem, zanv tim loukik, zanv te iadnik, he bhag veglle korun, ek novi diosez ghoddunk zai ani ier diosezin vilim korunk favo nam.

191               Vatikan II Vixv Sobhe uprant, sonvsar-bhor ximpoddlole Povitr-Sobhent ek mottem bodlop zalam ani tea pormannem, dusream dhormancheam poromporam kodde chotraien polleunk, xidduk ravunk gorjechem oxem dislam. Dusream dhormancho lok, tanchea sangatim zatrekaram borabor, mon’xakullachea khol-khol guttank ek zobab sodtat mhonn tika sidh zalam ani hem tanchea dhormik onubhovant spoxtt zait asa ani tanche pattlavdar, ho zobab kednam melltolo gai mhonn axeun ravtat. (Polle NA 1)

192               Goychi Povitr Sobha, Devachem Raj ghoddun haddpak ek khunna ani hatiar zatolem zalear, okristi lokam modem ani dhormik sonstham modem ek khunna ani hatiar zal’lem zalear, okristi lokam modem ani dhormik sonstham modhem ek novo somaz ghoddun haddunche nodren, sonvad ghoddun haddpachi goroz. Okristi dhormachea bhavarteam modem bore toren fultolem zalear, chear bazuncho sonvad gorjecho zoxe bhaxen jivitacho son’vad, kariacho son’vad, dhormik onnbhov ani magnnem. Veg-vegllea bhasank ani sonskrutaiek lagun, amchea dhormant, Devachi somzonni mellcheak ani sonvsarak Devachem karia korpak, adhar zala, hem totv, kristanvamnim mandchench poddtolem.

193               Nimnne svater, Povitr-Sobhechea vavra vixim nialltanam, Jezu Krist, hoch aplo Domi ani Soddvonnar mhonn bhavart dovortat tanche modem poile suvater su-sonvad ghoddun haddunk zai. Ier dhormanchea okristi lokam modem, Kristachi khobor bore bhaxen pavunk, hoch ek boro soeg zaunk zai. ‘Ecumenical’ sonvad ani ontor-dhormik sonvad, ghoddun haddop, hem amche Povitr-Sobhechem mukhel karia zaun asa (EA 29)

194               SUCHOVNNEO

            Ek ‘CENTRE FOR ECUMENISM AND INTER-RELIGIOUS DIALOGUE’ sthapunk amchea Dhormprantacho husko zanvcho. Hem Kendr, hea vattarachea soglleam kariavollink hurba ditolem, dusream igorzanchea, sects, ani dhorma-vixim, sahitya-chi purvonn kortolem, poromporavadi ani dhormvaddi bolla add, vidhayak toren tondd diunk vavurtolem, dusream dhormanchea mukhel porbam somoiar odhikrut porbim ani sondex ditolem soglleam Moratti, Konknni ani Inglez doinikancher, ecumenism ani sonvada khatir, firgojecheam kariavollink sfurti ani tall-mell kortolem.

            Dusream igorzank ani dhormank sarkhim somzonn ghenvk, iadnikamnim, seminaristanim ani loikikamnim khup gorjechem karonn amche gonvllik ievzonnent, heam lokanchi ami beporvea kelea. Xalla ani kolejint xiktolea doton’nint, dusream dhormavixim xikonvk zai. Amchea xikxonnik sonsthanim, sogllea bhavartachea tornnateam sovem borem natem vaddonk, favo ti zotnai ghenvchi. Ani soglleank vantto gheunk mellta, tosle prokolp korche. Siminarichea akarnnechea obheaskromant, ‘Ecumenism and Inter-Religious Dailogue’ –hanche vixim mon thiranvk spoxtt kariavolli asponvk goroz. Dusream Povitr-Sobhecheam ani dusream dhormancheam protinidim borabor, zodd bhasabhas, xibiram, ani Symposium, diosezichea panvddear korunk favo.

            Dor-eke firgojent, Ecumenism and Inter-Religious Dialogue hacho ek fanto ascho. Heo kariavolli amchea firgojechea kariavollint ek kopo koso marcho nhoi vo teo zannkaranich korcheo oxeo nhoi, punn teo amchea gonvllik kariavollincho sonsthancho, ani firgojent asloleam ier Dhormik Chollvollincho, bhag zaunk zai.

            Firgojentlea dusream bhavartancheam mon’xank, Povitr-Pustok vachpant missol korunk, iotn korcho. Amchea Magnneachea Ritimnim, soglleam Kristanvank ani ier dhormam pasot vinonti korchi. Firgojentlea somudaiant, dusrea bhavartanchea mon’xam sovem, vo dhorma vixim kosloch husko dakhoinant team mon’xam sovem, niz khoro husko dakhonvcho, odhik korun pidde-xidde velar, koxttam-dukhim ani sukha vellar.

            Dhormik porbam somoiar vo sogllim somorombhtat team porbam somoiar, Ontor Dhormacheo Magnnea Riti ghoddun haddcheo Dekhik Pike Somoiar adi.

            Dhaktte Kristi Somudaianchem ek mhotvachem kam’ mhollear, tannim tanchea xezarchea loka sovem, zaum te koddsorlole bhavarti, ier Igorzanche vangddi vo ier dhormache vangddi; heam soglleam lokam modem Devachea Rajeachi khobor vistarunk zai ani dhormacho lok-sombondh zoddunk zai. He toren Dhaktteam Mon’xall Somudaianchi vatt toiar zata. Osle samudai, novea somazache nitiche ani mogache lhan fantte zaun asat.

            Amchi Katolk Povitr Sobha soddun vetat tanche sovem, ami Katolkamnim mog ani moipas dakhounk zai. Dusre vordhan, amche sovem kitem unnem asa, opurnn asa, tem nittaier ghalunk, vavrunk favo.

            Mottvaxeamnim choloilolea, dhormporgottnnechea vavrak diosezin hurba ani sohokar dinvcho. Eka Aitarachem dan, hea karia khatir, khas korun Damanv ani Nagar Haveli, heam amchea Mhaprantachea, missionari prantam khatir nidhi ubharunk,rakhun dovorchem.

SONSKRUTAI, XIKXONN ANI LOK-SOMPORK UPAI-HANCHE LAGIM SONVAD

195               Suruvatechea kallar thaun, Dev moniskullak tache sonskrutaientlean ugto zait aila. Mon’xakullachem soimbh gheun, khaxelea somazant, sonskrutaientlean, Dev amkam ugto zala. Hech bhaxen “Povitr Sobha, sonvsaracheo veg-veglleo sonskrutaiechim chintnam, nhoich fokot aplim sotam ani totvam bodolta punn sonskrutaien aplech bhitor novsornni korta, veg-vegllea sonskrutaien melltoli bori xikovnn, fuddem vhorunk mat visornam. Sonskrutaient missol zavop, Povitr Sobhechea itiasacho ek bhag zaun asa. Oxench korunk, aichea-i veg-veglle zatim modem, bhov dhormik, bhov sonskrutik kallar, odhik goroz asa kiteak Asiechea khonddant, Kristi lok ozun unno asa ani Kristanv dhorm, porko dhorm koso, lok dhorta (chint’ta)”. (EA 21, Polle GS 58)

SONVSKRITIKARAN – TOLLACHI POVITR-SOBHA ZAVOP

196               Sonvskritikaran fokot bhailean bodlop, hache poros khup vegllem asa. Sonskritkaran mhollear kristanvponnant aspav korun, niz sonskrutik muleanchi novsornni korop, toxench sobar mon’xancheam sonskrutaiamnim, Kristi Dhorman pallam ghevop (Polle RM 52) Sogllea somudhaiache jivitachi ek khunna koxi, ti zaunk zai.

197               Goychi Povitr Sobha, Goyche sonskrutaientlean vavr fuddem vhorot zalear, Devachea Rajeachi khori khunna ani hatiar koxi zatoli, Goychea somazak khomir zatoli. Punn amchea futtkea noxiban, bhaile sonskrutaiechem angllem ghal’lem koxem, Povitr Sobhek azun osleam dolleamnim polletat. Ami, Goychi porza, khuxal zaum ieta kiteak amche bhorvonxe, axea, huske ani koxtt nhoi fokot Jezun Apnnacher ghetlea pun tanche udexim, bhavartachem dennem ani Atmeachi podvi amchea jivitant khol-bhitor sortat (Polle EA 21). Goychi Povitr-Sobha niz ani khori Povitr-Sobha zata jednam ti ganvtti anglem ghalta ani porjechea disa-dispottea jivitant ani prosnnamnim bhitor sorta.

198               Ektthaim aslolo kuttumb, maiemogan dusreank vengoupi, vadde ani amche xezarche somudai bore bhaxen guntun axil’le, boreo chali ani sonvoiom, favo te porim nhesop-vagop ani jivitachi chal, zantteank man, fokannam kortoli porza, dev-dhormik –he zaun asat thodde kherit gunn je amche Goyche porjek amche sonskrutaiechem khaxelponn ditat.

199               Lok Sompork Upaiancho porinam’, ani ‘globalisation’ bhaileam ganvamnim kam’ kortolea, Goykarancho probhav – heam soglleam vostumnim, amchea lokank, odhik korun amchea tornnateank, amchech bhaxen ani sonskrutaiek, unnak koxi dhorunk vhelea vo vaitt nodren polleunk vhelea. Hacho porinam’ oso zalo ki zonn-eklo aplench chint’ta osli sonskrutai, sonvsarikponn, zata titleo chodd vostu vikteo ghevop ani tancho vapudd korop, soglleantuch khuxalkai sodop – hem sogllem amchea Goychea somazant jim muleam ani totvam aslim, tim sogllim pusun koxim uddoitat. Amchea vaitt noxiban, amcheo firgozo ani mottvaxi kednam-kednam-i festank, jevnnank, nachank, beat show-ak ani vhoddle-vhoddle kariavolli jeo fokot sonvsarikponn vistartat ani Xubhvortomanachea muleam add vetat ani Goyche sonskrutaie add vetat, osleam soglleam vaittank kednam-kednam-i Goychi Povitr-Sobha ani mottvaxi palov ditat, hi ek dukhachi gozal zaun asa.

200               SUCHOVNNEO

            Jednam dor ek sonskrutai kherit tednam, hea son’vada kallar, dusream sonskrutaiank man-ador, chodd gorjecho. Ier dusream sonskrutaiam vixim Goykaramnim xidduk (chotur) ranvchem ani dublleam sovem, on-Goykaram sovem, ontor korcheli bhas vapuddchi nhoi.

Dusream sonskrutaiam sovem ami son’vad korunk favo, ani boroborim ami sonskrutik kariavolli manddun haddunk favo.

            Amchea firgozamnim ani dhormik sonsthamnim manddun haddlole kormunnik ani sonskrutik kariavolli vixim amchea Dhormprantachea Vhoddilamnim soroll kaide korunk favo.

Ani koddok toren ani vegim-vegim, he kaide vevharant ghalunk zai.

            Amchi konknni bhas amkam Goykarank khaxelponn dita, tor Goyche Povitr Sobhen, ji xek-xekddeam pottim, amche mai bhaxek sodanch pattimbo dil’lo, atam hech amche Povitr-Sobhen konknni bhas soglleam kariavollimnim vapddunk favo, odhik korun sevadhormik ani xikxonnik mollar. Sogllea Povitr-Sobhechea zomatimnim ani mellaveamnim, konknni bhaxen sogllo karbhar ani vevhar cholouncho.

            Igorjeche Monument asat te nittaier ghalunk, ek Diosezan iskol ugoddchem, oxem Porixodecheam vangddeank dislem. Tech porim he Igorjeche monument samballunk ani Povitr kolecheo soglleo adleo vostu samballunk, ek Diosezan Kendr sthapcho.

            Amche Goycheo kolecheo soglleo vostu rakhunk ani samballunk favo tim panvlam marop gorjechem. Ap-aple firgojent, soglleo kolecheo vostu asat, tanchi ek volleri Fabrikan korchi. Tech porim soglle dhormik monument asat tanchi volleri korunk, ek Kendrik Somiti gorjechi.

            Hea amchea kallachi kola, tech porim Bharoti kola fuddem vhorop gorjechem.

            Goyche ani Bharoti Sonskrutai vixim soglli mahiti amkam mellunk, ami zanna zaunk, apnnaunk ani disa-dispottea jivitant jieunk gorjechem; odhik korun amchea chaltea sodanchea jivitant, sevadhormant ani kormunnukent.

            Goyche Sonskrutaiechem khaxelponn fuddem vhorop, ABE-chem poilem-voilem kam’ zaunk zai.

            Veg-veglleam dhormank lagun, voir sokol zata ani guspandoll zata to sompounk, Goyche Povitr-Sobhent heam dhormanchea fuddaream lagim su-sonvad suru korunk favo.

XIKXONN

201               Monisponnachea hokhank lagon, dor eka mon’xak xikxonn divop gorjechem. Hem xikop tache tanki pormannem ani Raxttrik sonskrutaieche chali pormannem diunk zai. Novo Somaz bandpache nodren, monisponnache nagrik ghoddun haddop, ho amchea xikxonnacho xevott zaunk zai. (Polle GE 1)

202               Goychi Povitr-Sobha veg-veglleam panvddeancher, sumar 160 xikxonnik sonstha choloita. Heam sonstham vorvim novea somazak bori dixa dakhounk ek boro soeg asa. Dadra ani Nagar Haveli, heam adivaxeam modem suru kel’lo xikxonnik vavr, khorench ami iad korpa sarkelo. Heam veg-veglleam xikxonnik sonstham udexim, amchea purvonzanchi chintna ani gonvllik firgojecho husko tokhnnai korpa sarkelo. (vo hea kamak lagun, ami tankam argham diunk favo) Xikxonnache nodren, mukhel hetu he bhaxen zaun asat: a) Xikpeam modem bore gunn rigovop, kherit bhaxen atmik ani dhormik gunnanche nodren, tankam vaddovop b) Voir zutti choloitat tanchi akarnni korop, kherit bhaxen xikovpeam modem bore gunn ruzovop.

203               Oxem astam-i thoddeam lovkikamnim, iadnikamnim ani mottvaxeamnim; xikxonna vixim aplo kherit husko porgottaila heam karonnank lagun:

-          Amchim iskolam xist samballunk zaito thokos ghetat. Punn hich xist samballunk vavurtanam, amchea bhurgeank kitle porian ap-xisteche keleat, hantunt zaito dubhav ieta.

-          Kristi xikxonnik sonsthamnim xiklolim vidyarti zaite pavtti, vhoddponnan koxim bhorlolim dixtti poddtat. Dusreancheam gorzanchem tankam poddun gel’lem nasta ani vavrachem mol ollkhunk tim visortat. Hi ollokh nam dekhun sogllim kocherintleo nokreo ani serkaracheo nokreo, sodhunk dhanvtat.

-          Zorui hea vattharant, proitn chalu asat, torui ierancheam hok’kancher ani vorteponnacher, toxench tancheam dhormik totvancher ani chalincher, odhik lokx ghalunk zai.

-          Somajik niticher, proitonachea prosnancher, lingacheam prosnancher ani khore lingik xikovnnecher, odhik dhean-mon dovrunk, proitn korunk zai.

-          Povitr-Sobhen poromporik iskolam bandun, xikxonnik mollar zaito bhar ghetla ani ticho mukhel husko zala. Punn tontrik/avddichea vevsai-dhondeachim iskolam bandunk nett dhorunk nam. Oxem kelear, bekarponnacho prosn suttavo korunk xoktalem. Upcharik nhoi (non-formal) tea xikxonnacher, kherit bhaxen sogllem sainsongit mellonasloleancho (underprivileged) – visor zala.

-          Xikxonnacho dorzo ami voir kaddunk zai ani atam cholta tantunt ami kodinch khuxal ravunk zainam. Xikxonna udexim, amchem chintop vaddunk zai, amchea monant sodanch prosn ieunk zai (dekhik oxem kiteak lagun ghoddta?), toklen sodanch zagrut, zobabdar ani ekameka sovem, husko aslolim mon’xam amkam korunk zai.

204               Goychea somazant, Kristi iskolanchem kam’ bhov mhotvachem mhonn dubhavuch nam. Xubhvortomanachea monan, iadnikamnim, mottvaxeamnim ani loukikamnim, xikxonnik mollar, bhov moladik vavrak, jiv diun mathem marlem (vo khand marlo) dekhun, tankam ami kallzant thaun dhin’vastanv. Kristi iskolam, apleam xikpeank, Kristi monan bhorche khatir, zhog-zhogunk vavurtat. He toren tim nhoich fokot Povitr-Sobheche bhitorle novsornnecho vavr fuddem vhortat, tea bhair aichea sonvsarant ani budhisombondit molar (intellectual sphere), Povitr-Sobhechem faideachem asnnem vaddoitat (Polle GE 12)S

205               SUCHOVNNEO

            Atanchea kallak favo toslem korchea monan, xikxonna baptint amchea Mhadhormprantachem dhoronn asa tacher niall korun, bodlunk zai. Atanchea kallachea prosnnak favo te porim zobab diunk, odhik korunk bhurgeancheam ani tornnateancheam prosnnank fuddo korunk, xikxokank toiar korunk ani sfurti diunk, kariavolli manddun haddunk zai.

            Apovnnea vixim soroll marog dakhounk ani budh diunk (Career guidance and Counselling), hachi vhoddli goroz monant dhorun, amcheam xallamnim vevsaik budh divpi (counselors) nemche.

            Aichea kallar bekar tornnatteancher dixtt ghalun, amchea xallamnim/kolejimnim, vocational kurs suru korche. Tantrik/Avddichea vevsai dhondeacheam xikxonna baptint, tornnatteank osle kurs korunk huskaunk zai. Karonn oslem xikxonn ghetlear sompeponnim sirvis mellta vo apnnim porxim koslo-i dhondo suru korunk zata. Sovkasaien iskol xiktat vo iskol soddtat, team bhurgeam pasot kitem-i korunk zai. Amchea Goyant iskol soddtat tanchi meznni (vo lokgonnti) korunk goroz asa.

            Amchea katolk xikxonnik Sonsthamnim, dublleank kherit zago asunk zai. (khoincheai dhormanchim tim zaum). Kherit bhaxen bhurgeank iskolant proves ditanam, xikpak oskot asat team bhurgeank, xikpachea vella bhair, xikunk adhar ditanam, pustokam diunk sovloti, tech porim nhesunk ani paiank ghalunk, osleo sovloti diunchea velar, hem dixtti poddunk zai. Dor-eka iskolant, durboll bhurgeam pasot ek nidhi asunk goroz.

            Atam ordho dis iskol asa, tache svater akho dis iskol suru korunk, soglleam panvddeancher bhasabhas suru korunk zai.

            Tantrik Vidhya, Lok Sompork Upai, Mahiti, hanche vixim Unchlem Xikop diunk zai. Hem kam’ korche khatir, amchea dhormprantant ek Sonstha suru korunk, gombhirtaien hacher vichar korcho.

            Katolk Xallancho ani kolejincho purai karbhar, hurbechea ani purtea loukik mon’xanchea hatant, visvasan sovkas-sovkas suvadin korcho. Favo te porim proxikxonn ghetloleam iadnikankuch, amcheam Iskolanche/kolejinche karbhari nemche.

            Amcheam Iskolancheam ani Kolejincheam kariakromant; katolkank Jezuchi Ollokh ani ier xikpeank Muleam vixim Xikvonn (Value Education), aschi goroz. Soglleam dhormacheam bhurgeank, amcheam iskolamnim, kolejinim ani firgozamnim, neamit Ekantkaio ascho. Hea dhormik kamant, xikxokancho ani Avoibapaincho (PTA), aspav ascho. Linga vixim Xikovnn, veg-veglleam panvddeancher, proxikxonn ghetloleam xikxokam udexim, amcheam Iskolamnim ani kolejinim diunchi.

            Katolk xallamnim ani kolejinim, monis hok’kachem xikxonn ani ‘outreach’ kariavollincho aspav ascho. Amchea somazant, onitiche bandavolli add avhan diunk ani somajik vaittacher zhuz manddunk, niz somajik husko zagrut zanvche khatir, vidhiartiam modem borem/vaitt zanno zaunk, ttika korpachem mon (critical sense) ani somajik khoreponnachi zagrutai vaddonvk, kherit bhor ghalcho.

            Ier Dhormacheo Mukhel Porbo astat tednam, amcheam xikxonnik sonsthamnim, iukt somorombhnnio manddun haddcheo.

            Amchea diosezint, prathamik iskolamnim, xikxonnachi bhas konknni asa, hea dhoronnachi gombhirtaien molavnni korchi.

            Amcheam Iskolamnim panglleam khatir, mull ani gorjecheo teo proxikxonnacheo sovloti ascheo. Heam kuddin ani monan opangull zal’leam bhurgeam lagim koxem cholchem, hem zanno zaunk, amcheam katolk Iskolamnim ani Kolejinim, xikxokank favo tem proxikxonn diunchem.

            Katolk Iskolamnim ani kolejinim novech nomiarliat, team xikxokam khatir, ek akarnnechi kariavoll aschi.  Katolk Xikxonnacho hetu ani xevott kitem to, heam akarnnecheam kariavollimnim sangcho. Tea bhair, soglleam xikxokam khatir, akarnnecheo kariavolli ascheo. Okristi Iskolamnim ani kolejinim, amche katolk xikxok xikoitat, tanche khatir kosli-i tori kariavoll aschi ani kitem tori korchem.

            Serkarachea xikxonnik dhoronna vixim, ABE-n chotur ani zagrut ranvchem. Xikxonn khateache xikoupeank vinchun kaddpa vixim dhoronn asa, ani amchea diosezan ani mottvaxi iskolamnim, xikxokancho dorzo vaddounchea monan, ABE-n serkara lagim xikxok vinch’chea kamant, anik sovloti magcheo.

            ABE-n ek xikxonna vixim ievzonn, amchea Dhormprantant manddun haddchi. He ievzonnent kherit bhaxen iskolancheo gorzo, vevsaik iskolam ani Tantrik koleji Goychea Nove Vattharam ani Damanv-chem Misanvant motint dhorchim. DSE-n kheddeam ganvamnim amchim iskolam asat, tancher bhor ghalcho ani serkara lagim porvangi magun, dor vorsa ek-ek vorg vaddounk, iotn korcho. Hea kamant, kheddeam ganvcheam bhurgeancheam avoibapaink misoll korchim, kherit bhaxen aplim bhurgim, fuddarak kitem xikchem tem vinchun kaddtanam, ani heam bhurgeank budh ditanam, oxem korchem.

            Oxeachi pidda asloleam bhurgeam vixim, amchea Katolk Xikonnik Sonsthamnim chotur ranvchem ani ontor korchi nhoi.

            Amcheam Iskolancheam Imarotincho favo to poramos-kuidad korcho. Iskola ani iskolachea dhonia modhem koblat kortanam, chotrai dhorchi ki iskolachem baddem ieta tem, iskolachech boreponna pasot vapddunk.

            Goychea Vidyapittant, amchea Kristi Dhorma vixim ek khatem aschem mhonn, amchea Dhormprantachea Vhoddilamnim, lagu zatoleam lagim, vavurchem.

LOK SOMPORK UPAI ANI MAHITI TONTRAM

206               Somajik ieradari vaprop ani apnnavop, Povitr-Sobhecho hokh zaun asa. Teo Kristi bhavarteanche ani gonvllik vavrache akarnnek faideacheo ani gorjecheo zaun asat (IM 3). Poramporik Prachar Madhyama bhair, potr vevsai, cholchitram, akashvanni ani durdisnnem, sangannak (computer) ani ‘cyber’ tantrik vidhya, aichea somazant xek choloitat.

207               Diosezichem Lok Sompork Upai ani Mahiti Tontr, hachem kendr, Goyche Igorz Mateche seve khatir asa. Tachem kam’ zaun asa, sota amchea Goychea fattbhuienchea, Dhormporgottnnecho vavr sopurnn korunk.

208               DCSCM-hache mukhel dhei oxe asat

-          Somazant xitab hajiri samballun, Diosezan Lok Somporkachea soglleam sadhnam bhitor misoll zavop, bhovkik sombondh satya korop, ani sonvsarik sadhonam kodde ixttagotichem natem bandun haddop ani gombir poristhitint favo te toren fuddo korop.

-          Diosezi bhitor mahiti fankravpa khatir, vanttnni korop, atam axil’lea sompork sadhnanchi mahiti vaprop, sadhananche probhavi ani bariksannem vapor korop, ani sodh korpachi mahiti vanttop.

-          Lokank, adhunik lok tantrik upaiam ani mahiti tontram vixim goroz aichea kallar ugti korop ani probhavi vapor korunk tankam toiar korop zache udexim tim boro faido apnnavpak pavtolim.

209               SUCHOVNNEO

            DCSCM-haka eka xiklolea sonchalokachi ani proxikxonn ghetlolea ‘staff’achi goroz tech porim hea kxetran zannkaranchi goroz. Zata title vegim hea kendrant, zaiteo bhaso zanno zal’lea zannkaranchi goroz asa. Bhovxik khatem, hea kendracho ek fanto koso aichea kallak gorjecho.

            DCSCM-an lagim thollavea somporkachim iontram, khobramkar, pustokam uzavaddavpi ani ier sohokareanchi ek ‘data bank’ samballop gorjechem. Somajik ani mukhel proxnnanche sombhondim, katrun dovorlole kuddke (clippings) sobar bhasamnim, hea Kendra lagim asunk zai.

            Tannim vevsaik sonstham sovem sangatim vavurchem ani firgozank ani ier chollvollink, potram ani pradeshik ‘media’ sangata vavrunk adhar diuncho.

            Sonkottachea vatavoronnant, potram, akaxvanni, ani Dusdisnnem-hache khatir Inglez, Konknni ani Moratti bhaxen taktiken potrokam kaddchim. Utpon zatolea sobar proxnnam vellar, sompork sadhonacher, Kristi drixttikon ani Goyche Igorjechi nodor, spoxttponnim manddchi. Dhormik ani dhormatit media-nt, diosezichea kariavollinchi mahiti uzvaddaunk tozvit korchi ani potrancher khobro ietoleam vakeank, sottasott zoban diuncho.

            Akaxvanni, durdisnnem ani khas korun Cable T.V., dor eka ghorabeant pavlea, hea khatir tacho boro upeog korunk, odhik iotn zai. Akashvannicher, Pradeshik T.V.-cher ani Cable T.V.-cher, Goyche Povitr Sobhent apleo dispott’teo lagu zatoleo kariavolli vitravpacho vell pavla. Novo Somaz bandpachea kamant ami asanv mhonntoch ani nove upai gheun, Xubhvortoman porgottchea monant, Goyche Povitr Sobhent, xezarchea ier diosezink sangata gheun zoxem porim Belganv, Karwar, Mongllur, Punneam, Mumbai, Vasai ek akaskvannik toxench durdisnneak kariavolli toiar korpi ek ‘unit’ asunk zai ani sovkas-sovkas ek khaxelem T.V. Channel sthapunk zai.

            DCSCM-an Sompork sadhnachea Upaiam vixim kariavolli ghoddun haddunk zai iskolanchea/kolejinchea ani Goychea firgozanchea boreak, aplea sangata ABE-k gheun. Firgojent ani ier firgozamnim mahiti ximpddaunk, DCSCM-an adhar diuncho.

            RENEWAL-hea diosezichea odhikrut masika vixim mot zonna zaunk, ek khol obheas gorjecho. Sadhea mon’xak monant dovrun, ‘Renewal’, ponas ttoke tori, amche konknni bhaxent zauncho.

            Pochpochit ani unnak vostu jeo sompork upaiam udexim amkam ietat, odhik korun pozddim cholchitram, hancher nixedh martanam, PTA ani SCC’s, hankam borabor sangata gheunchim. Heam sompork upaianchea vaitt porinamancho, odhik korun amchea bhurgeancher/tornnateancher, hache vixim xikxonn divop chodd gorjechem.

            Goychea Mhadhormprantak aplea khaxelea, svotontr, dispottea potrachi ani tech porim eka xhapkhanneachi goroz asa. Apli khaxeli Website –ba asum ieta.

 

 

                                                   SOMPADNNI

 

 

 

Punorjivont zal’lea Jezuk amchea sangata gheun, zo zaun asa ekloch Soddvonnar sogllea moniskullacho, Devachem Raj bandunk sodhtanam, ani Goyche Zatrekar Povitr-Sobhechim vangddi, Povitr Atmea bhoron, bhas ditanv sogllea moniskulla pasot vavrunk, soglleam Goykaranchea sangata, novo somaz bandhpachea kamant. Ho Novo Somaz fokot kallachea xevttak sopurnnaiek pavtolo hea sonvsarachi nigut bodolnni zaun: EK NOVO SORG ANI NOVI PRITHUM (Polle Prok 21:1)

Jivitant ami choltanam, him Jezuchim utram amcheam kallzamnim ghott rombhom-dhi: “Ani polle, Hanv tumche sangatim sodanch asam, sonvsarachea xevottak porian” (Mt.28:20)

Devachi Avoi ani Povitr-Sobhechi Avoi, Maria amchi Mata, amchea sangata, amche vatter sodanch asum. Jezuchim pattlavdaram zavop mhonnge kitem, hem ti amkam xikoun, ani Aplo Put sangta tench korunk amkam aitim korum.

 

Ami bhavartachim, bhorvonxeachim ani mogachim thortorit somudai zaunk aple jivitache dekhin, Sant Francis Xavier, Udenticho ani Misanvacho Askari ani Bhoktivont Juze Vaz amkam sfurthi zaum!

 

 

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.
Syndicate content