NOVENACHI CHITT
Mogall Padri – Bhavamno,
Maye-mogan Jezuchi Kurpa, zannvai ani xanti tumkam ek-ekleak otrektam!
“Deva sovem ami jietanv, bhonvtanv ani asaum” heam Dhormdutanchea Itihasantlea (17:29) utramcher ami niall kortanv tednam amkam soglli xrixttich Devachem hatiar koxem disonk lagta ani ti Taka sohokar korta tednam Tacho mog sogllim zannam onnbhovunk xoktat. Hea Vorsache Gonvllik Chittint amkam oslech vichar kholayen niallele melltat. Ani Bhagevont Fransisk Xavierachea novenachea ani festachea somoyar te Devachea Utracher adarun Bhavarteanchea monancher ani kallzancher prokaxit ani probhavit korunk soeg mellta. Tor hea vorsa, amchea “Gõychea Saibachea” Festacho vixoy zaun asa:
“MON’XA XRIXTTICHO KORAR JIEUM-YA,
SAM FRANSISK XAVIERAK MAN DIUM-YA”
Ho vixoy hea Vorsache Gonvllik Chittivoir bosoilolo asa: “Mon’xa-Xrixtticho Korar, Deva-Mogacho Rupkar.” Dev amche pasot vavurta ani ami Tache kurpen boron Saibinnmain zoso Taka sohokar kelo: “… zaum mhoje sovem tujea utra pormannem” (Luk 1:38), tosoch amchean-ui korunk zata. He porim Devacho mog “Jezu” tinnen onnbhovlo ani sonvsarak dakoilo ani dilo. Ami-i Taka onnbhovunk xoktanv kiteak To amche bhitor sodankal jieta. “Jim konn Tacho mog kortat ani jea konnank Tannem Aple ievzonne pormannem apoileant, tanche borabor soglleam vostumnim Dev tanchea boreak vavurta,” (Rom 8:28) oxem Bhagevont Fransisk Xavierachea jivitantlean Devan Jezu sovem Udenticheam lokam borabor aplo korar staplo, ugoilo ani folladik kelo ani atam porian korit asa. Tor hea vorsachim, “Gõychea Saibachim” novenam ani fest ami yezman padri bhav vodda dobajean, sompe ani spoxttponnim Pap Saibache Ensiklika chittint “Caritas in Veritate” amkam Gonvlli Chittin melltat te vichar, mahiti ani mul’liam seva-dhormantlean lokanchea monant ani jivitant provochonantlean konchov-ya.
Tumkam sodanch hea novenacheam misamnim vantto gheunk amontron asach. Ietat tednam, zata zalear, nemlolea zagear sondhanachea sonvskarak adhar dixat tor ami chodd dinvaxi.
8.15 horanchem (Novenachem Mis) ek-eke firgojek manddavoll korunk hea-ui vorsa anik 9 firgozo vichun kaddleat. Tankam ami kuxin ek kherit chitt daddtanv. 3.45 pm Mis sodanche baxen jinsavar kendrank dil’lem asa.
Sukrara-dis, Novembrache 25ver, 10.30 am Mis aschemnam, kiteak tea disa Cathedralachi Askarin, St. Catharinachem, festachem mis 10 am thoimsor astolem.
Tech sanje Novembrache 25ver, Sukrar, Piddevontancho Dis. Hea 3.45 pm misachi manddavoll Kuttumbik Seva Kendr (Family Service Centre) korteli ani piddevontank pekounni ani ilaz mellcheak kerit magnnem kortoleanv. Hem tumi lokak adlea aitara misancher kollounni korat.
Sonvara-dis, 26ver, ani Aitara-dis, 27ver, toxench Sukraradis Dezembrache 2rer poilem Mis sokallchea 5 pm astolem.
Sonvara-dis, 26ver, 11.30 am Marathi baxen Mis.
Aitara-dis, 27ver, 9.30 am Mis, Goa Service Team (Charismatic Renewal), 11.30 am Tamil Mis, 12.30 pm Malayalam Mis, ani 2.30 pm Hindi Mis, ani sanje 5.15 pm Krista-Khatir Zoddeo (Couples for Christ) hanchem Mis astolem.
Novembrache 28ver Somaradis, 10.30 am Ontor Dharmik Mellavo (Inter-Religious meet) astolo, hem-ui tumi chukoinastanam ganvchea lokak kollounchem mhunn magtam. Ho mellavo zatoch Mis astolem.
Novembrache 30ver Budvaradis, 3.45 pm Misar Goycho Gonvlli-bap aplea padrim borabor yezman astole. Hea disacho somorombh VCDC (Yadniki Apovnneacho kendr) vodde atmik dobajean ani khotkhotean kortelet. Ho dis yadnikam khatir ani apovnneam khatir magnneamcho dis. Misa uprant amchea vosreant il’li chav-panni gheunk visronakat. Ap-aplim misachim vostram haddunk upkar magtam. Toxench Dezembrache 3rer festachea dobajik misant vantto gheunk ap-aplim misachim vostram haddchim.
Brestara-dis, Dezembrache 1ler, 11.30 am Portuguese Mis.
Sukrara-dis, Dezembrache 2rer, 12.30 pm yatrekaranchem (Pilgrims) Mis zatolem.
Festa disa, Dezembrache 3rer, Misam sakallchea 4 am suru zatolim.
“MAGNNEM ANI NIALL” ho karyekram donparchea 2.30 pm tem 3.30 pm novenacheam disanim astolo, bairaun Novembr 27 ani Dezembr 2 ani 3.
“DEEPEN YOUR FAITH” (A series of talks in English) sanjechea 6.15 pm Inglez Misa uprant, Novembrache 24 tem Dezembrache 1ler astole.
Dezembrache 4ter, Aitaradis Misam hea vellar zatolim: 6 am, 7 am, 8 am, 9.15 am, 10.15 am (English), 5 pm ani 6 pm.
*********
Bhagevont Fransisk Xavierache mozotin ami Iadnik-bhav eka-mekachea mogan, Devachea utrache hurbevont porgottnar zaunk magum-ya.
Jezu sovem tumcho Iadnik-bhav,
Sd/-
Savio Barreto SJ
Rector
(Borea-Jezuchea Basilikecho Voddil)