Amche firgojentlea sumar 250 dotonichea bhurgeank Jezuchi ollokh diunk amchea ganvchea 26 sondexkaranim ho bhar hea gonvllik vorsak hatant ghetlo ani Junachea poilea aitarak novea gonvllik vorsacho ani toxoch doton'nicho vixoi monant dovorun Povitr misachea bolidanantlean hea vorsachi survat keli. Hea Povitr misachea bolidanant bhurgeanim toxench avoi-bapainnim hurben ani bhoktiponnan vantto ghetlo, sevadhormachi mandavoll sondexkaramni, bhurgeamni ani avoi-bapainim sangatak manddun haddli. Poilo dis zal'lean bhurgeank tanchea adlea vorsache manddavolli pormonnem zome kele ani tankam hea vorsak Jezuchi ollokh diunk ani tancho bhavart kholaunk novea vorgant ghatlim teach borobor dor vorgant don-don sondexkaram nemlim. Hea vorsak sogllo doton'nicho bhar cholounk adim fuddench Abrilachea mhoineant vaurpi-somiti vinchun kaddli. Ut'tejok : Rev. Fr. Nelson Cristo Colaco, Odheox : Mrs. Sanira Miranda, Up-Odheox : Ms. Valerie Pereira, Chittnis : Ms. Meleny Fernandes, Adari-Chittnis: Ms. Shanida Fernandes, Bandari : Mr. Bril Gomes, ani Adari-Bandari : Mr. Oswin Mendes. Nove Somitin adim fuddem zomat korun akhea vorsacho karaikoram manddun Ievzonn-potr toiar kelem.  Ani sogllem manddavollin fuddem vochunk Hat-Pustok toiar kelem.  Poileach disa hem hat pustok bhurgeanchea hatant dilem.