Dor eke firgojent zaite zome asat. Ek zomo zo chodd mhotvacho, punn, taka favo tem mhotv dinant tem mhollear Vedi-Sevokancho zomo. Tanchi khobor firgozkarank mellonam. Ho zomo ogeponnan aplo vaur fuddem vhorta ani zaitem bhoremponn hea zomea udexim mhelta.  Amche Kalapurche Firgojent sat(60) vedi sevok asat. 
Amchea Vedi-Sevokank dhorma-voir bhorpur xikouneo melta. dekhik: missachea vostumcher, nhesoun, khoxem dhumpavup, missache zabab, Vedichi seva koxi korop, adi. Tech bhaxen veg-veglle xegunn xikoitat. Tankam humedir dourunk zaitea khellannim bhag ghevunk sondhi mellta.

Hea vorsak Loutolim Vedi-Sevokam kodde tancho khell zalo. Zori eka goal'lan te harle punn lokanim tankam xabaski dili ani tegam amchea vedi-sevokank - Velroy, Dezlie ani Ancido hankam Salgaonkar Club-an  ieisaiek(practice) amontron kellam. Tech bhaxzen amchea vedi-sevok table tennis khellant-tui porzolltat.

Mhotvachem mhollear Vedi-Sevokantlea zomeantleam Dev apovnim upzun ieta. Zor amkam zaite iadnik zollole zai zalear, hea zomeak ami amcho adar ani sohokar diunk zai. Tankam humedir dorunk zai ani bhorea xegunani vodounk zai. Vedi-Sevok vaddlea uprant bore tornatte zalea, ani zaitea bhasanim fuddariponn ghetlam.

Amchea Kalapurchea Vedi-Sevokank ami borem ies anvdetanv.