Agostache 13ver ani 15ver 2010; heo voileo porbo dobajeant somorombhleo. Gelea vorsa Agostachea 13ver Bhorvanxeache Saibinniche Igorjent sadde chearxim vorsanchea somorombak Amcho Bisp Emiritus Raul Nicolau Gonsalves hannem survat dilli ani voros bhor sobar somorombhneo somoromblea uprant hea-i vorsa  ho somorombh tannench sompoilo. Dor vorsak Kandollechea ganvant Agostachea mhoinneant hea porbam somoiar torekvar kariavolli ghoddun haddtat. hea tin disamchea porbek 14 disamchim toiari dor ek vaddo kortat. Misacho sevadhorm, choir, ani misa uprant canteen korun Igorjek adar ditat, tea bhair Igorjechea adrar kermes. torekvar zaddam, housie adi astat. 

Sokallchea vellar bhoktiponnan dis sarlea uprant sanjechea vellar sogllo ganvcho lok vell moujent sartat. festache tin-ui dis dorjedar tiatr ghoddun hadtat ani 14ver Camotim vaddeant sangodd zata. Heam tin-ui disamnim sobar dhormacho lok Saibinnicho umau gheunk ietat ani apleo angovnneo palltat. Amchea Kandollchea lokan Korezmant aplo teag sakrifis korun hea vorsa amche Igorjek ek novo Altar bandun haddla zacher Bispan 13ver festa dis axirvad ghatlo. Misa uprant sadde chear-xim vorsamchea xevottak firgojeachea sogllea sonvsthanim  saibinnicho axirvad magun sangatan bhavponnachem jevonn kelem.