Home

Utpoti Chapter 1 - Povitr Pustok Revised - 2010

1
Orombak Devan sôrg ani prithum’ rochlim.
2
Punn prithumek akar naxil’lo; som’dir kallokhant buddlolo ani Devachi xokti udkam voir vostalim.
3
Devan mhollem: ‘Uzvadd zaum!’ Ani uzvadd zalo.
4
Ho uzvadd boro mhonn Devan pollelo ani Tannem kallokh ani uzvadd doxim kele.
5
Uzvaddak Dis mhonn ani kallokak Rat mhonn, Devan nanv dilem. Sanz ani tosoch sokall zali: ho poilo dis.
6
Devan mhollem: ‘Udkanche don vantte zauncheak, tanchê modem mollob zaum! Ani toxench zalem.
7
Devan mo-llob kelem ani mollba sokoilim ani voilim udkam vanttlim.
8
Mollbak ontrall mhonn Devan nanv dilem. Sanz ani tosoch sokall zalim: ho dusro dis.
9
Devan mhollem: ‘Ontralla sokoilim udkam êkê svater zoma zaum ani suki zomin dixtti poddum!’ Ani toxench zalem.
10
Sukê zomnik prithvi ani zoma zal’lea udkak somdir mhonn Devan nanv dilem. Hem sogllem Devak borem dislem.
11
Devan mhollem: ‘Zomnir vonospoti utpon zaum: biam-ditim zhaddam, ani bi-aslolea follanche rukh zomnir utpon zaum!’ Ani toxench zalem.
12
Zomnir vonospoti utpon keli: jin’sam-bhaxechim biam-ditim zhaddam zalim ani toxench jin’sam-bhaxeche, bim-aslolim follam-dite, rukh zale. Hem sogllem Devak borem dislem.
13
Sanz ani toxench sokall zali: ho tisro dis.
14
Devan mhollem: ‘Disa ani rati modem ontôr ghalunk ontrallar uzvaddacheô divttiô zaum ani teô divttiô kall, dis ani vorsam dakhounk upkarum.
15
Prithum’ uzvaddaunk, ontrallar uzva-ddacheô divttiô asum!'Ani toxench zalem.
16
Devan don heram poros vhoddleô divttiô keleô; c  vhoddli divtti dis cholounk ani lhan divtti rat cho-lounk, ani noketram.
17
Prithumer uzvadd ghalunk, dis ani rat cholounk
18
ani uzvadda ani kallokha modem ontôr asunk, Devan tankam ontrallar ghalim. Hem sogllem Devak borem dislem.
19
Sanz ani tosoch sokall zali: ho chovtho dis.
20
Devan mhollem: ‘Udkam jivea pranneamnim bhorom ani ontrallar, prithumê voir, suknnim uddum!’ Ani toxench zalem.
21
Devan somdirantle orixtt rochle ani udkant bhonvte jin’sam-jin’sanche pranni, ani toxench torê-toreche pakhotteanche pranni. Hem sogllem Devak borem dislem.
22
Devan axirvad ghalun mhollem: ‘Choddat ani vaddat ani somdirachem udok bhôrat ani prithumer suknneanchi sonkia vaddon vochum:’
23
Sanz ani tosoch sokall zali: ho panchvo dis.
24
Devan mhollem: ‘Sogllea jin’sanche pranni zomnir utpon zaum: pôspacheô mon’zati, jivannim d ani torê-torechim ran’vott zonavoram.’ Ani toxench zalem.
25
Devan dôr-êk jin’sachem ran’vott zon’var, pôspachi mon’zat ani zomni-velim jivannim kelim. Hem sogllem Devak borem dislem.
26
Devan mhollem: ‘Amchea rupacho ani amchea sarkeacho mon’xak ro-chum-ia ani somdirantlea maslliancher, ontrallavelea suknneancher, pôspachê mon’zaticher, sogllea ran’vott zonavo-rancher ani prithumer sorpottun bhonv-tolea jivanneancher to dhoniponn choloum!’
27
Devan Aplea sarkeacho mon’xak rochlo,Devachea sarkeacho taka rochlo,Dadlo ani bail tankam rochlim.
28
Axirvad ghalun Devan tankam mhollem: ‘Choddat ani vaddat, prithum’ bhôrat ani tika tumchea hata khal dovrat: somdirantlea maslliancher, ontrallavelea suknneancher ani prithumer jietolea mon’zatincher tumchem dhoniponn choloiat.
29
Devan mhollem: ‘Polleiat, ak’khê prithu-mêvoilim bim-astim sorv zhaddam ani bim-aslole follam-dite sorv rukh tumchea jevonn-posonnak Hanv tumkam ditam.
30
Ani sogllea ran’vott zonavorank, ontrallavelea suknneank ani zomnivelea sorpottun bhonvtea jivanneank Hanv soglli vonospoti khaunk ditam.’ Ani toxench zalem.
31
Apnnem kel’lem tem sogllem Devan pollelem ani khorench tem sogllem ekdom’ borem aslem. Sanz ani sokall zali: ho sovo dis.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.