Home

Upodexôk Chapter 1 - Povitr Pustok Revised - 2010

1
Jerusaleantlo raza Davidachea puta Updexôkachim utram.
2
Polkeponnachem polkeponn, mhonn-tta Upodexôk. Polkeponnachem polke-ponn, sogllench polkeponn!
3
Suria ponda ghameun-umeun vavrun, c  monis kitem zôddta?
4
Êk pinddka veta ani dusri pinddka ieta, punn prithum’ sodanch toxich urta.
5
Suria udeta, suria poddta; magir to aplê svater vegan dhanvta ani novean udeta.
6
Varo dokhinnek marta ani uprant ut’torek veta; to portun-portun gunvta ani novean gunvunk veta.
7
Soglleô nodi doriant vetat, punn doria kednanch bhoron bhorona, ani tori dhanvtat thoim nodi vhanvun-vhanvun vetat.
8
Sog-lleôch vostu amkam tras ditat. Khoin-cheach mon’xan mhonnum nozo: polleun-polleun dolle ubgonant, aikun-aikun kan vajenant.
9
Kitem adim aslem toxem portun zatolem, kitem kelam tem, novean kortolim, suria ponda novem kãich na!
10
‘Polleiat, hi êk novi vost’ oxem khoinchê vostu vixim mhonnunk zata? Zaito kall amchê adim ti asli.
11
Adlea kallar ghòddloleacho ugddas mat urona; têch porim fuddlea kallanchea mon’xank ietea vorsacho-i ugddas urcho na.
12
Hanvem, Upodexokan, Jerusa-leant thaun Israelacher raj choloilam.
13
Han-vem zannvaien ani mon laun sôdlam ani mollba khala ghoddtta tacho thav gheunk vaurlam.
14
Kosleim koxttov-pachem kam’, ami tantun ghuspun urchê khatir Devan amkam dilam. Mollba khala ghoddtta titleim hanvem pollelam ani hanv tumkam sangtam. Hem sogllem polkeponn, bexttench varem dhôrunk dhanvtolea porim.
15
Vankddem asa tem nittaier ghalunk zaina, nant teô vostu mezunk zainant.
16
Hanvem mhojea monant chintlem: Jerusaleant konnachech lagim na titli zannvai hanvem melloun ghetlea. Vidneanacher ani zannvaiecher hanvem dhoniponn choloilam.
17
Hanvem totvginean ani vidia, pixeponn ani murkheponn kitem tem somzunk mhojem mon vapurlam. Punn, atam, varem dhôrunk dhanvlolea porim sogllem mhaka polkeponn dista.
18
Chodd zannvai asa thoim chodd khonti; chodd xikxonn asa thoim odik dukh.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.