Home

Stotranchem Pustok Chapter 63 - Povitr Pustok Revised - 2010

1
Deva, mhojea Deva, Tuji vatt polleun asam! Zoxi suki korddi bhuim udkak morta, toso mhozo otmo Tuka tanela, mhoji kudd Tuka otrekta!
2
Tujea Mondirant mhoje dolle Tujer launk axetam, Tuji podvi ani Tuji mhoima bhôgunk anvddetam.
3
Jiva poros chôdd Tuzo Môg hanv lêkhtam, mhoje ontt Tuji stuti kortole.
4
Sogllê mhojê jinnent Tuka vakhanntolom, Tujea Nanvachea manak hat zôddtolom.
5
Pott-bhôr jevlolê porim dhadoxi zatolo mhozo otmo, mhoje ontt murgott’tole, mhojem tondd Tujem kirton gaitolem.
6
Mhojê khattir Tuzo ugddas kortam, soglli rat Tujeruch kortam niall.
7
Kiteak Tum sodanch mhozo Askari, ani Tujea pakhotteanchê savllent hanv murgott’tam.
8
Mhozo otmo Tuka chikttun ravta, Tuzo uzvo hat mhaka samballta.
9
Mhozo jiv kaddunk mhojê pattim lagleat tankam zomin gilltoli.
10
Torvarin te mortole, koleanchem khann zaunk pavtole.
11
Tedna Deva sovem razak sontôs bhògtolo; Tachea Nanvan soput ghetat tankam vhoddvik melltoli, Kiteak lottik tonddam ogim poddtolim.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.