Home

Stotranchem Pustok Chapter 110 - Povitr Pustok Revised - 2010

1
Mhojea Somiak Sorvesporachem utor hem; Mhojea uzveak bos; tujea dusmanank Hanv tujea pãiam tolla ghaltam.
2
Siona thaun Sorvespor razpodvechi betkatti tujea hatant dita: Tujea xotrum voir razvôtt choloi.
3
Zolma thaun tum Raza, povitrtaien porzollit! Fantea adim dova vori tuka Hanvem zolm dila.
4
Sorvesporan soput dila, dil’lem utor to bodôlcho na: Melkisedeka porim ekloch eklo, Iadnik tum sasnna-sasnnak!
5
Sorvespor asa tujea uzvea hata. Tachea ragachea disa razancho to nas korta.
6
Raxttrancho mon’subidar to, moddeancheô to raxi ghaltolo, xekan’xek prithumecher fituriô tokliô to fôddun uddoitolo.
7
Vatter mell’llolea vhallantlem to pieta ani magir tokli ukôlta!

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.