Home

Stotranchem Pustok Chapter 1 - Povitr Pustok Revised - 2010

1
Zo monis noxtteanchi budh gheun cholona, vô patkianchea margar bhonvona ani odhormi mon’xanchea sangata bosona, to khoroch bhagi!
2
Sorvesporachea updesancher tacho sontôs, dis-rat Tachê nem’ to monant niallit asa.
3
Vhanvtea vhallachê degek lail’lea rukhak kalla pormannem zatat follam ani kodinch bavun poddonant tachim panam: oslea rukha vori to monis, soglleô tacheô kornniô sufoll!
4
Punn noxttea mon’xanchem dubavavinn oxem nhoi! Te konn zannoi? Varean ubun veta toslem pol!
5
Zhôddtechea disa noxttea mon’xank ascho na tharo, borea mon’xam borabor patkiank mellcho na zago.
6
Borea mon’xanchi vatt Sorvespor rakhta, punn noxtteanchi vatt nisonttonak pavoita!

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.