Home

Sirakachem Pustok Chapter 3 - Povitr Pustok Revised - 2010

1
Bhurgeamnô, hanv sangtam tem aikat, Hanv tumcho bapui: Hanv sangtam tem tumi aikat ani tumi sugur urtolim.
2
Kiteak, Devan bapaik aplea bhurgeam voir podvi dilea ani bhurgeamnim avoichem aikopacho kaido rakhun dovorla. a
3
Sorvespor bhurgeam udexim bapaik man dita, ani aplea putancher avoichi sot’tea ghôtt korta.
4
Zo bapaik man dita, to aplea patkanchem farikponn dita; zo aplê avoik man dita, to apnnakuch êk tthevo zomoilolea mon’xa porim.
5
Zo aplea bapaik man dita, to apleanch bhurgeam borabor sontôs bhôgtolo, tachea magnneak fôll melltolo.
6
Zo aplea bapaik manan vagoita, to lamb auk jietolo.
7
Zo aplê avoichem somadhan korta, to Sorvesporachi somurt pallta.
8
Utramnim ani kornneamnim tujea bapaik man di, ani tachê koddlean tuka axirvad melltolo.
9
Kiteak, bapaicho axirvad bhurgeanchem ghor mozbut korta ani avoicho xirap tanchi buniad kosllaita. b
10
Tujea bapaichea odruxttan dhadoxi zaum-nakai, Tujea bapaichem odruxtt tuka bhovman melloina.
11
Tujea bapaik tum koso man ditai tachê velean tuka mansugi favo zata, ani okmanak sampoddloli avoi tichea bhurgeanchem odruxtt.
12
mhojea puta, tujea bapaichê mhatarê piraier, tacho samball kôr. Tachea jivitan taka dukhoinakai.
13
To toklen sarko nasot zalear legit taka man di. Tum mozbut ani bholaiken boro asai dekhun tachi beporva korinakai. Kiteak bapaik dakhoil’lê doiallaiecher visôr poddcho na.
14
Tujea bapaichê mhatarê piraier, tacho samball kôr.
15
To gineanan osokt zait zalear porian, tum taka sonsnnikaien somzun ghe; tuka bholaiki ani ghottai asa mhonn, tachi beporva korum naka. Bapaik dakhoilolo moipas kednanch visrun vecho na.
16
Aplea bapaik sôddta to Devachi ninda korta tachea poros boro nhoi. Ani avoik pois korta tacher Dev xirontt dhaddta.
17
Punn to moipas tujea patkanchem farikponn korunk upeôgak poddtolo. Mhojea puta, tujem kam’ linttuvaien kôr, Ani udarponnan vantt’tolea mon’xacho môg kortat Tea-von odik tuzo môg kortolim.
18
Jitlo tum vhôdd, titlo tum lhanvikaien chol, ani Sovespora mukhar tuka kurpa melltoli. c
20
Kiteak, Sorvesporachi podvi bhov vhôdd, khaltea mon’xanchi bhokti To manun gheta.
21
Ekdom’ avghodd teô vostu somzunk bhar gheum naka, vô tujê podvê bhair asa tem sôdun kaddunk vavrum naka.
22
Tujê adhin kelam tacher lokx ghal, ani gutt somzunk huske kaddum naka.
23
Tuka kuvêt na tea kamamnim ghusom naka; tuka xikoileat teô vostu mon’xachea gineana-bhaileô,
24
apleach gorvan zaitim zonnam fosleant, tim apleach vadeachim dekhun tanchim kolponam bigoddleant.
26
Hott’tti kallzacho vaitt xevôtt zata. Sonsnnikaiecho môg korina tachem nisontton zatolem.
27
Hott’tti kallzancher sonkoxttachem vojem poddtolem. Patki patkacher patok dallta.
28
Gorvixtt mon’xanchê piddek ilaz na, karonkhotteponnachea zhaddan tachê bhitôr pallam ghetleant.
29
Xannea mon’xachem kalliz vopari nihalltolem, apnnachem kan diun aikotolim mhonn xanno monis axeun ravta.
30
Zoxem udok ujeachem agttem paloita, toxench bhikxa divop patkachem farikponn melloita.
31
Dusreak kaklutin adar dita to aplem fuddarachem chint’ta. Sokol poddta tedna taka adar melltolo.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.