Home

Sirakachem Pustok Chapter 1 - Povitr Pustok Revised - 2010

1
Soglli Zannvai Deva-koddchi ieta, ti sasnnak Tachê sovem asa.
2
Doriachi renv ani pavsache thembe ani sasnnache dis konnak mezunk tankot?
3
Ontrallachi unchai ani prithumechi rundai, ani patallachi kholai konnachean kaddunk zait?
4
Sogllea vostum adim Devan zannvai rochli ani sasnnak thaun xidduk somjikai. b
6
Zannvaiechem mull konnak tori kollit kelam? ani ticheô chotur manddnniô konnak tthaveô?
8
Zannar to Ekloch, bhov bhõikôr! Aplea xinvasonar To bosla; Sorvespor To!
9
Tannench tika rochlea, pollelea ani mêzlea ani Aplea sogllea rochnnancher tika ôtlea.
10
Aplem dennem koxem mon’xam sovem ti vosti korta ani aplo môg kortoleank Tannem tika vanttlea.
11
Sorvesporachi bhokti, mhoima, onod, dhadoskai, khuxalkaiecho mukutt zaun asa.
12
Sorvesporachi bhokti kallzak khuxalkai haddtta, Dhadosponn, onod ani lamb jivit dita.
13
Kiteak, Sorvesporachi bhokti kortolea soglleancho xevôtt boro zatolo: ani tanchea mornnachea vellar tancher axirvad poddtolo.
14
Zannvaiechem poilem panvl mhollear Sorvesporachi bhokti; Bhavartheank tanchê avoichea kusveantuch zannvai favo zata;
15
Purvilea kallar thaun, ti amchê modekot jieta, Ani fuddleô pillga ticher visvas dovortoleô.
16
Zannvaiechi sopurnnai mhonngê Sorvesporachi bhokti; Aplea follamnim ti amkam sarki dhadoxi korta;
17
Sogllem ghor ti dovlotin bhôrta ani aplea follamnim ti amche kodde bhôrta.
18
Zannvaiecho mukutt mhonngê Sorvesporachi bhokti: Ti sovostkai ani bholaiki fuloita. d
19
Devan tika pollelea ani tichem mol tharailam, Apnnak ghetat tancher tinnem zannvai ani huxarkai votoilea, ani tancho bhovman vaddoila.
20
Sorvesporachi bhokti zannvaiechem mull, ani lamb jivit tiche khande. e
22
Noxtteancho krodh taka borea zagear pavounk xokona, kiteak tachea krodhachem vozon takach sokla apttita.
23
Êk sonsnnikaiecho monis favo teach vellar vostu korta: dekhun taka dhadosponn favo zata.
24
Favo to vêll ie pasun to vogi ravta, Ani to khub zannar mhunnon lôk tachi thoknnai kortole.
25
Zannvaiechea bhanddaran bhorpur zannvaiecheô mhonn’nneô asat, Punn, patkiak kaklut naka dista.
26
Tuka zannvai zai, tôr Devache Updes samball, To tuka zannvaien bhôrtolo.
27
Kiteak, Sorvesporachi bhokti zannvai ani xikovnn, Taka visvaxiponn ani khaltikai manovta.
28
Devachê bhiranti virudh ravonakai, Ani don monamnim jienaka.
29
Sobhemazar dhongi zaum nakai, Tum kitem uloita tachi chotrai dovor.
30
Aplê podven tum choddui uddonakai, kiteak tum poddot mhonn bhirant asa, ani xevottak tukach tum lojek pavoitolo. Kiteak, Dev tuje ghuttt ukte kortolo; Somaza mukhar tuka nimannê suvater xevttitolo kiteak, tum Sorvesporachê bhoktin jieunk naim ani tujem kalliz dhongeponnan bhorlolem aslem.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.