Home

Romkarank Chapter 1 - Povitr Pustok Revised - 2010

1
Hanv Paulu, Jezu Kristacho sevôk, Devan Dhormdut zaunk apoilolo ani Aplem Xubhvortoman porgôttchê chakrek kuxin kaddlolo, Romak aslolea tumam-somestank hem potr boroitam. Tumi Devachea mogachim ani Tachi povitr porza zaunk apoilolim. Tôr Deva amchea Bapachi ani Somia Jezu Kristachi doiallai ani xanti tumkam favo zaum.
2
Hanv porgôtt’tam tem Xubhvortoman Aplea provadiam udexim Povitr Pustokamnim Devan adim-fuddem bhasail’lem;
3
tem Tachea Puta sombondim, mhonngê amchea Somia Jezu Krista sombondim. Mon’xasoimban To Davidachê kullientlo; punn povitr korta tea Atmeachê podven Taka mel’leantlo punorjivont korun, Devan Taka Aplo bollvont Put mhonn sthapun porgôtt kelo.
4
tem Tachea Puta sombondim, mhonngê amchea Somia Jezu Krista sombondim. Mon’xasoimban To Davidachê kullientlo; punn povitr korta tea Atmeachê podven Taka mel’leantlo punorjivont korun, Devan Taka Aplo bollvont Put mhonn sthapun porgôtt kelo.
5
Jezuchea nanvak man zôddun gheunk sogllim videxi raxttram bhavarthan Devak khaltim zaunchê khatir, Tachê vorvim favo zalem amkam hem vortem dennem, mhonngê Dhormdutachem muniarponn.
6
Hea videxiam modem tumi-i asat: Jezu Kristachim zaunk Devan tumkam-i apoileant.
7
Hanv Paulu, Jezu Kristacho sevôk, Devan Dhormdut zaunk apoilolo ani Aplem Xubhvortoman porgôttchê chakrek kuxin kaddlolo, Romak aslolea tumam-somestank hem potr boroitam. Tumi Devachea mogachim ani Tachi povitr porza zaunk apoilolim. Tôr Deva amchea Bapachi ani Somia Jezu Kristachi doiallai ani xanti tumkam favo zaum.
8
Poilê svater, Jezu Krista udexim, tumam-somestam pasot mhojea Devak hanv dhin’vastam, kiteak tumchea bhavarthachi khobor sogllea sonvsarar gazot asa.
9
Tachea Putachem Xubhvortoman porgôttun mhojea otmean hanv Devak bhôztam; hanv thambonastana tumcho ugddas kortam mhonn toch Dev mhozo govai.
10
Devachi khuxi zalear, koxê-i bhaxen êk dis tumkam bhett diunk c solamoti vochunk mhaka mellum mhonn mhojea magnneamnim hanv Taka sodanch vinoti korit asam.
11
Mhojê bhettê vorvim Devachea Atmeachem dennem tumkam mellun tumi ghott zaunchim mhonn hanv tumkam polleunk axetam;
12
odik borem oxem sanglear: mhaka ani tumkam asa tea ekach bhavartha vorvim ami ekamekak dhir diuncho mhonn mhoji axa.
13
Bhavam-bhoinnimnô, zoxem heram videxiam modem mhaka fôll mell’la, toxench tumchê-i modem koslo tori fôll mhaka melltolo mhonn patieun, tumkam bhett diunk sobar pavttim mhojem mon aslem mhonn tumi zanno zal’lim mhaka zai; punn hê vô tê addkhollik lagun tem mhojê lagim ozun porian ghòddlem na.
14
Grik sonvskrutaiechea mon’xam sorim toxench heram sorim, xikpan sudharloleam toxench sudharonk nasloleam sorim mhaka toch kaido asa,
15
dekhun, mhojean zata tê bhaxen, Romak asloleam tumkam-i Xubhvortoman porgôttunk mhaka vhôdd hurba asa.
16
Xubhvortomanacho mhaka purnn visvas asa, kiteak Xubhvortoman bhavarth dhôrtolea sogllea mon’xank taronn diupi Devachi xokti: poilim Judevank, uprant Grikank-ui.
17
Karonn mon’xank Dev koxê bhaxen Apnna mukhar promannik korta tem Xubhvortoman dokhol korta: hem Devan favo kel’lem promannik zaunchem dennem mon’xanchea bhavartha thaun upzota ani mon’xank bhavarthachea margar choloit ravta. Tôr Povitr Pustokar oxem boroilolem asa: Bhavartha udexim Devan Apnnak promannik kel’lea mon’xank jivit melltolem.
18
Khorench, khotteponnan sot damun dhôrtat tea dêv-dhorm naslolea mon’xanchea sorv khotteponnacher Devacho krôdh sorgar thaun denvlolo dixtti poddun ieta.
19
Karonn Deva vixim jem vollkhunk zata, tem tim borim zannont, kiteak Devanuch tankam tem uktem kelam.
20
Tôr polleunk zainant te Tache gunn, mhonngê Tachi sasnnik podvi ani devponn, sonvsar rochla tê meren rochlolea vostum vorvim gineanachea dolleank nivoll dixtti poddtat; dekhun hê aplê vagnnukecho apnnank guneanv na mhonn koxêch bhaxen tanchean mhonnunk zaina.
21
Kiteak mhollear, Devak vollkhun-ui favo to man tãnnim Taka diunk na. Tache upkar-ui tãnnim attounk nant; punn tanchem sogllem chintopuch holkem-polkem zalem ani tanchem ok’kol-naslolem ginean kallokhant buddlem.
22
Apunn xannim mhonn dakhounk sôdtat, punn khorem mhollear tim pixim;
23
ani ovinaxi Devachi mhoima soddun, vinaxi mon’xanchem, suknneanchem, chovpãii mon’zatinchem ani sorpanchem rupnnem tãnnim dhôrlem.
24
Dekhun, tãnnim ekameka lagim apleanch kuddincho man hogddauncho mhonn, tanchea kallzanchea vondovnniam pormannem Devan tankam pozoddponnachê adhin sôddlim;
25
ani Devachea sotachê bodlek tãnnim fôtt manun ghetli, ani Rochnnarak bhôzchê bodlek tãnnim rochnnechi seva-puza keli. Hea Rochnnarak sasnnak vakhann’nni. Amen!
26
Heach pasot, Devan tankam lojechea khor vondovnnianchê adhin sôddlim; tôr tancheô bailô legun, soimbacho linga-sombond sanddun, soimbacher add sombond dhôrtat;
27
toxench dadle bailam lagim soimbacho linga-sombond sôddtat ani ekameka lagim kamcharachea ujean lastat: dadle dadleam lagim kanttalleachim kortubam kortat ani aplê khottê vagnnukecho purto muxaro apleach mathear ghetat.
28
Novean sangtam: Devak lekhunk tim kobul zalim nant dekhun, Devan tankam aplea khottea chintpam pormannem cholunk ani sobona tosli jivitachi chal dhôrunk sôddleant.
29
Dekhun, tim sogllea jin’sachea khotteponnant, mhonngê kusddaient, apsvarthant, noxtteponnant, buddlolim asat; nattkaien, khunamnim, zhogddeamnim, fottingponnamnim, vikottaien, bhòrlam tanchem jivit;
30
tim chaddiô sangit asat, ekamekacher boglanttam ghaltat; Devacho dvês dhôrtat; urmottaiechi, gorvachi ani mijasechi tanchi chal; vaitt korpacheô manddnniô tim sôdun kaddit asat; avoi-bapaik man dinant;
31
dhormxastr mat somzunk tankam ginean na; dil’lem utor tim pallinant; konnak moipas dakhoinant, konnachich doia-i korinant.
32
Oxem vagtoleank Devachea nirnnoia pormannem moronn favo mhonn tim besborim zannont; tori, nhoich apunn toslim kortubam korit ravtat, punn toxench vagtoleankui borê bhaxen manun ghetat.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.