Home

Nehemiasachem Pustok Chapter 1 - Povitr Pustok Revised - 2010

1
Hakaliacho put Nehemias hachim utram. Visavea vorsachea Kislev mhoineant hanv Susachea rajvaddeant aslom
2
tedna Hanani nanvacho mhozo êk bhav ani her kaim lôk Juda thaun pavun sorle. Pollapôll kaddun ailolea ani bondivasantsun vanchun urlolea Judevanchi ani Jerusaleachi hanvem tanchê lagim khobor ghetli.
3
Tãnnim mhaka oxi zap dili: vanchun urleant ani bondivasa porian thoinch ravtat tim ekdom’ hinn ani bikarddea bhesar pav-leant. Jerusaleachea kottanchem nison-tton zalam ani tiche darvontte lasun uddoileat.
4
Hem aikun hanv bosun roddunk laglom ani borech dis Sorgin-chea Deva mukhar upas ani magnnem korun hanvem dukh porgottailem.
5
Hanvem mhollem, ‘Sorvespora, Sor-ginchea Deva, tuzo mog kortat ani tujeô adnia palltat tanchê kodde aplea visvaxi mogacho korar samballpi vorixtt ani akantachi sfurt porgôtt’pi tum Dev.’
6
Israel tujê porjê pasot hanv tuzo chakôr hea vellar dis ani rat prarthonam korit asam. Tum kan diun aik ani dolle ukte korun polle. Ami Israel porjen tujê add patkam adarleant tim hanv vollkhun ghetam. Hanvem ani mhojea bapaichea ghorannean chuki keleat;
7
ami tujê sovem ekdom’ noxtteponnan vagleanv ani Moizesak tujea sevokak kollit kel’leô tujeô adnia, nem’ ani nirnnoi ami pall’lle nant.
8
Tunvem tujea sevoka Moizesak sobhemazar kel’lê hê bhasavnnecho ugddas dhôr mhonn hanv tujê lagim poratun magtam; ‘zôr
9
tumi mhaka ovisvaxi zaxat tôr hanv tumkam raxttram modem ximpddaitolom punn tumi mhojê-xim portun iexat ani mhoji somurt samballun tea pormannem cholxat zalear tumchea dexantorim zalo-leank digontora legun tim aslim zalear tankam thoim thaun ektthaim korun mhojea nanvachea nivasachea vinchlo-lea thollamnim hanv haddtolom.’
10
Polle, he tuje sevok ani tuji porza, tan-kam tunvem tuje mha-podven ani bollixtt bavllean soddoileant,
11
Sorvespora, tujea sevoka ani tujea nanvachi kirti gazoitolea tujea chakranchê vinontik kan di. Tujea sevokak aiz ies mellum ani hea mon’xachê kurpechi dixtt mhojer poddum-xi kôr.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.