Home

Matev Chapter 1 - Povitr Pustok Revised - 2010

1
Jezu Krist, Davidacho put, Abrahamacho put, Hachi pillgi hi:
2
Abraham’ Izaakacho bapui; Izaak Jakobacho bapui; Jakob Judasacho ani tachea bhavancho bapui;
3
Judas Perezacho ani Zeracho bapui (tanchi avoi Tamar); Perez Ezronacho bapui; Ezron Ramacho;
4
Ram’ Aminadabacho; Aminadab Nashonacho bapui; Nashon Salmonacho;
5
Salmon Boazacho bapui (tachi avoi Rahab); Boaz Obedacho bapui (tachi avoi Ruth); Obed Jes’secho bapui;
6
Jes’se David razacho bapui. David Solomanacho bapui (tachi avoi Uriasachi potinn);
7
Solomon Rehoboamacho bapui; Rehoboam’ Abijacho; Abija Asacho;
8
Asa Jehosafatacho bapui; Jehosafat Joramacho; Joram’ Uzziacho;
9
Uzzia Jothamacho bapui; Jotham’ Ahazacho; Ahaz Hezekiacho;
10
Hezekia Manas’secho bapui; Manasse Amonacho; Amon Josiahcho
11
Josiah Jekoniacho ani tachea bhavancho bapui; he Babilioniechea pordesachea kallar zolmole.
12
Babiloniechea pordesa uprant: Jekonia Shealtielacho bapui; Shealtiel Zerubbabelacho;
13
Zerubbabel Abiudacho; Abiud Eliakimacho bapui; Eliakim’ Azoracho;
14
Azor Sadokacho; Sadok Akimacho bapui; Akim’ Eliudacho;
15
Eliud Eleiazaracho; Eleiazar Mat’thanacho bapui; Mat’than Jakobacho;
16
Jakob bapui Juzecho; ho Mariecho poti; hinnem Krist mhonnttat tea Jezuk zolm dilo.
17
Mhonnttôch soglleô pinddka mellun hixôb oso: Abrahama thaun Davida porian chouda pinddka; Davida thaun Babiloniechea pordesa porian chouda; ani Babiloniechea pordesa thaun Krista porian chouda.
18
Kristacho zolm oso zalo: Tachê avoi Mariek ani Juzek lognachem utor zal’lem; punn tim ektthãi jieunchê adinch, Povitr Atmeachê podven ti gorbhest asa mhonn gomun ailem.
19
Ticho poti Juze dhormvont monis aslo ani tichem nanv ubounk taka khuxi nasli, dekhun tika guptim sôddun diunk to ievjitalo.
20
Oxem korunk tannem tharav ghetlo tednam, ovchituch taka sopnant Sorvesporacho êk dut dixtti poddlo. Devdutan sanglem: Juze, Davidachea puta, Mariek tuji potinn korun gheunk bhieum naka; kiteak tichea kusveant gôrb asa to Povitr Atmeachê podven sombhovla.
21
Ti eka putak zolm ditoli ani tum Taka Jezu mhonn nanv ditoloi g, kiteak Aplê porjek tichea patkantli soddoitolo to Toch.
22
Sorvesporan provadia vorvim oxem sanglolem: Polleiat, ek ankvar cheddum gorbhest zatolem h, ani tem eka putak zolm ditolem, ani taka ‘Im’manuel’ (mhonngê ‘Amchê sovem Dev’) oxem nanv ghaltolim. Hem utor pallon ieunchê khatir hem sogllem ghòddlem.
23
Sorvesporan provadia vorvim oxem sanglolem: Polleiat, ek ankvar cheddum gorbhest zatolem h, ani tem eka putak zolm ditolem, ani taka ‘Im’manuel’ (mhonngê ‘Amchê sovem Dev’) oxem nanv ghaltolim. Hem utor pallon ieunchê khatir hem sogllem ghòddlem.
24
Nhidentlo utthun, Devdutachea hukuma pormannem Juzen kelem, ani tika apli potinn korun ghetli;
25
ani tinnem aplea Putak zolm dii-sôr tannem tichê lagim ekvôtt korunk nai. Ani Ballkak tannem Jezu mhonn nanv dilem.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.