Home

Malaki Chapter 1 - Povitr Pustok Revised - 2010

1
Sondêx. Malaki vorvim Israelak Sorvesporachem utor.
2
‘Hanvem tumcho môg kela, mhonntta Sorvespor, ani tumi vichartat: Koso mhonn Tunvem amcho môg korun dakhoilai? Ezau Jakobacho bhav aslo nhoi? Torui - uloita to Sorvespor! - Hanvem Jakobacho môg kelo
3
punn Ezaucho Hanvem dvês dhôrlo. Tache dongor Hanvem padd ghale ani tachea daizachim Hanvem oronneantlea koleanchim ravnnim kelim.
4
Edom’ mhonnot: Amcho nas kela khorem, punn amchim ghortthannam ami novean bandtoleanv. Sorvsoktivont Sorvespor oxem mhonntta: Tim novean bandum-di tankam, punn Hanv tim môddtolom! Khotteponnacho Ganv ani Sorves-poracho rag sodankal favo zal’lo Lôk hea nanvan sogllim tankam vollkho-tolim.
5
Tumchech dolle hem dekhtole ani tumi oxem mhonnttoleat: Israe-lachea ximam bhair porian Sorvespor bhov vorto! ’
6
‘Êk put aplea bapaik man dita, ani toxench êk gulam’ aplea dhoniak adôr dita. Zôr Hanv khorench tumcho Bapui, tôr Mhaka favo to man khoim asa? Ani zôr Hanv khoreaninch tumcho Dhoni, tôr Mhaka favo to adôr khoim asa? Oxem Sorvsoktivont Sorvespor mhonn-tta Mhojea nanvak beman kortolea tumkam iadnikank. Tumi vichartat: Tujea nanvak beman ami koso kela zait?
7
Bhoxttail’lem jevonn Mhojê vedir dovrun! Tumi vichartat: Tuka ami koso bhoxttaila? Tumi mhollam: Sorvesporachea mezak man favona.
8
Tumi kudd’ddeô mon’zati iôdn korunk haddtat tedna, tumchem kortub chukichem nhoi? Êk thontti ani piddest mon’zat tumi bhettoitat tedna, hem kortub chukichem nhoi? Teô tumchea razpalak bhettoun polleiat: teô taka man’toleô kai? Vô to tumkam borê bha-xen gheit kai? mhonntta Sorvsoktivont Sorvespor.
9
Oxem zalear, atam amchi kaklut kôr mhonn Deva lagim vinoti korat. Tumi korit aileat toxench korxat tôr, To tumkam lagim gheit-so dista tumkam? mhonntta Sorvsoktivont Sorvespor.
10
Kiteak mhonn tumchê bhitorlo eklo tori daram dhampina ani mhojê vedicher uzo pettounchi hi ôrth-nasloli chal bond korina? Tumchê so-vem Mhaka sontôs mellona! mhonntta Sorvsoktivont Sorvespor; tumchea hatantleô bhettovnniô Hanv mandun gheuncho na.
11
Punn Udentechê ximê thaun tem Ostomtechê ximê porian, raxttram modem Mhojem nanv bhov vortem, ani sogllea svatanr Mhojea nanvak dhump ani nirmôll vôpnni bhettoitat, kiteak raxttram modem Mhojem nanv bhov vortem, mhonntta Sorvsoktivont Sorvespor.
12
‘Punn Sorvesporachem mez bhox-ttolam ani hea pasot tacher dovorlolea jevnnak man favona! Oxem tumi mhonnttat tedna tumi Mhojem nanv bhoxttaitat.
13
Tumi oxem-i mhonnttat: Koslem ojem Saiba hem! ani Mhoji be-porva korun hungtat, mhonntta Sorv-soktivont Sorvespor. Tea bhair, chorloli, thontti vô piddest mon’zat tumi haddtat ani Mhaka bhettoitat! Tumchea hatant-leô heô bhettovnniô Hanv mandun gheum? mhonntta Sorvsoktivont Sorvespor.
14
Aplea hinddant Sorves-poran svikarunk favo asloli purlingachi mon’zat asun-ui, apli angovnn pallunk khotavloli mon’zat Mhaka bhettoita toslea fottingacher xirap poddum! Kiteak khorench, Hanv êk vorto Raza, mhonntta Sorvsoktivont Sorvespor, ani raxttram modem bhirankull Mhojem nanv.’

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.