Home

Joshuachem Pustok Chapter 1 - Povitr Pustok Revised - 2010

1
Moizes, Sorvesporacho sevôk, melea uprant Sorvespor Moizesa-chea sevoka, Nunachea puta, Joshua kodde uloilo.
2
Tannem mhollem: ‘Moizes mhozo sevôk melo; atam tum hê sogllê porjê sangata, Jordanachê poltoddi, hanv Israelachea put-dhuvank ditam tea desant voch.
3
Moi-zesak bhasail’lê pormannem, tumchim panvlam poddtat ti suvat, hanv tumkam ditolom.
4
Oronnea ani Lebanon thaun tem vhoddlê nodi Eufrates ani vorixtt Doria porian tumcho vattar zatolo.
5
Tum jivo aso meren konnuch tuka virodh korunk xokcho na; Moize-sa sangata Hanv aslom tosoch Hanv tujê-i sovem astolom. Hanv tuka sôdd-cho na nhoi mhonn tuka sanddcho na.
6
‘Bollixt ani thir-ghôtt za, kiteak purvozank bhasailolê pormannem, hanv diuncho asa tea desacho odhikar, tum hê porjek ditoloi.
7
Fokt bollixt ani thir-ghôtt za ani mhojea chakra Moizesan tuka dil’li somurt samball. Tichê add vochum naka ani ted-nanch veta thoim tum zoitivont zatoloi.
8
Somurtichem pustok sodanch tujea onttancher asum; sogllem boroilolem asa tem vevsaien samballchê khatir, dis ani rat tacher nihall kor. Tedna sogllim tujim kamam xarti pavtolim ani tuka ies melltolem.
9
Bollixtt ani thir ghôtt ravunk, Hanvem tuka sangunk na? Bhiranti vinnem ani kalljidarponnan rav kiteak tum veta thoinsor, Sorvespor tuzo Dev tujê sovem asa.’
10
Tedna Joshuan porjechea odhika-reank oxi xikvonn dili:
11
‘Mollar vochat ani porjek oxi adnia diat, Jevnna-khannachi vevostha korat, kiteak anink tin disamnim Jordan nôd utrun Sorves-por Dev tumkam diuncho asa to dês tumi tumchê adhin korun ghetoleat. ’
12
Uprant Joshuan, Reubenachea, Gadachea kullank ani Manassechea ordea kullak oxem mhollem:
13
‘Sorves-porachea sevoka Moizesan dilolea adniancho ugddas korat. Sorvespora tumchea Devan tumkam visôv diunk ho dês tumkam dila.
14
Tumcheô bailô, tumchim bhurgim ani tumchim zonavo-ram, Jordanachê pelê vatten, Moizesan tumkam dil’lea desant ravtolim.
15
Punn tumi, bollixtt zhuzareamnô, Sorvesporan tumchea bhavank ani tumkam visôv diisor, ani Sorvespor tankam ditolo tea desacho tannim odhikar ghe porian, zhuzamollar tumchea bhavam fuddem vochun, adar diuncho. Uprant tumi porot vechem ani Jordanachê udenti vatten, Sorvesporachea sevoka Moize-san tumcho mhonn tumkam dila tea desacho odhikar gheuncho.’
16
Tãnnim Joshuak zobab dilo: ‘Tuzo hukum’ ami palltoleanv ani tum dhaddta thoinsor ami vetoleanv.
17
Soglleant ami Moi-zesak pallo dila ani atam tuka-i dito-leanv. Moizesa sovem aslo tosoch Sorvespor tuzo Dev tujê-i sovem asum.
18
Konnui tujea hukuma add veta ani tujea adniank patt vôllta, tacher mo-ronn ieum. Fokt bollixtt za ani thir-ghôtt rav.’

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.