Home

Jonas Chapter 1 - Povitr Pustok Revised - 2010

1
Jonasak, Amit’taichea putak, Sor - vesporachem utor oxem ailem:
2
‘Utth, tea vhoddlea Nineveh xarant voch, ani tanchem noxtteponn Mhojê mukhar choddun ailam mhonn tankam porgôtt kôr.’
3
Punn Jonas Deva thaun pollun vochunk kortalo ani Tarshishak vochunk bhair sorlo. To Jop’pak gelo, thoim Tarshishak vetalem tem ek tarum taka gavlem; tannem poixe bhôrle ani Sorvespora thaun koddsorchê khatir tanchê borabôr vochunk tarvar chodd-lo.
4
Punn Sorvesporan doriacher vhoddlem tufan sôddlem, ani doriar itlem khoddegantt vadoll suttlem ki tarum futtchem aslem.
5
Tedna tarvotti bhiele ani ek-eklo ap-aplea devak ulo marunk laglo. Tarum lhov korunk, tantuntlo veapar tãnnim bhair udkant marlo. Punn Jonas sarko sokla malachea bhagant vochun add poddlolo ani taka borich nhid poddloli.
6
Tedna kopit thoim pavlo ani tannem taka sanglem: ‘Kitem mhonn nhidlai rê tum? Utth! Tujea devak ulo mar. Ghoddiê to amcho ugddas korit ani amkam morunk sôddcho na.’
7
Tãnnim ekamekak mhollem: ‘Ami sorti ghalum-ia, hem noxtt konnak lagun amcher ailam tem polleum-ia.’ Oxem mhonnun tãnnim sorti ghaleô, ani sort Jonasacher poddli.
8
Uprant tãnnim taka mhollem. ‘Sang amkam: Tujem kam’ kitem? Tum khõicho? Tujea desachem nanv kitem? Tum khõichê porjentlo?’
9
Ani tannem tankam sanglem: ‘Hanv êk Hebrêv. Zannem doria ani suki prithum’ keleant, tea Sorvesporak, sorginchea Devak, hanv bhôztam.’
10
Tedna te monis tharea bhiele ani tãnnim taka vicharlem: ‘Tunvem kiteak mhonn oxem keleim?’ Tannem tankam apli khobor sangloli dekhun, to Sorvespora thaun pollun vochunk sôdta mhonn te zanno asle. Tedna tãnnim taka sanglem:
11
‘Amkam doria thôndd zaunk, ami tuka kitem korchem?’ Karonn doria odik-odik uchambôll zait vetalo.
12
Tannem tankam sanglem: ‘Mhaka dhôrat ani doriant uddoiat, tedna doria tumkam xant zatolo. Mhakach lagun hem mottem tufan tumcher ailam mhonn hanv zannom.’
13
Tori astana te monis tarum doria-kinarer haddunk khubuch tannunk lagle, punn doria odik-odik uchambôll zait gelo.
14
Mhonnttôch tãnnim Sorves-porak ulo marlo: ‘Sorvespora, ami tujê kodde magtanv, hea mon’xachea jivitak lagun amkam morunk dium naka, niro-pradi rogot amcher bhuzoinaka; kiteak, Sorvespora, tuka puttovta toxem tun-vem keleim.’
15
Tedna tãnnim Jonasak dhôrlo ani taka doriant uddoilo, ani doria somadhan zalo.
16
Tedna te monis Sorvesporak tharea bhiele, ani Sorves-porak iôdn bhettoilo, ani angovnnô keleô.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.