Home

Jobachem Pustok Chapter 1 - Povitr Pustok Revised - 2010

1
Uzachea ganvant, Job nanvacho êk monis jetalo. To êk boro ani promannik monis aslo, Devak bhietalo ani vaitt pois kortalo.
2
Taka sat put ani teg dhuvô asleô.
3
Tachê lagim sat hozar xelliô, tin hozar unttam, ek hozar gorvam ani panchxim gaddvam ani zaitim chakram aslim; ani to Udentichea putam modem khub grest aslo.
4
Eka-mekachea ghorant, palli gheun mottim jevnnam korpachi ani aplea tegam bhoinnak apoun tanchea borabor jevpachi ani pievpachi, tachea putank sonvoim asli.
5
Hê porim zaitim jevnnam zalea uprant, tankam nirmollavchê khatir Job tankam apounk dhaddtalo ani dusrea disachea fantear aplea zonn eklea bhurgea khatir, ujean lasun iodn kortalo. ‘Ghoddiê mhojea putamnim patok adarlam ani Devachi ninda kelea zait.’ Oxem dôr-êk pavtt to mhonnttalo.
6
ka disa Devache put aile ani Sorvespora mukhar hajir zale; tanchê modlo eklo Soitan aslo.
7
Ani Sorves-poran Soitanak vicharlem: ‘Tum khoim thaun ailai?’ Tannem zobab dilo: ‘Hanv sonvsarant hevtten-tevtten bhonvadde marun ailam.’
8
Tedna Sorvesporan taka vicharlem: ‘Jobak, Mhojea sevokak, tunvem dekhlai? Tachê oslo sonvsarant anink konnuch na; boro ani promannik monis to; to Devak bhieta ani vaittak patt korta.’
9
Soitanan zobab dilo: ‘Punn Job fukottcho Devak bhieta?
10
Tachê bhonvtim ani tachea ghora bhonvtim ani sogllea tachea bhattam-vit’tam bhonvtim Tunvem ek voi ghalunk na? To korta titleacher-ui Tunvem axirvad ghalai ani sogllo ganv tachea hinddam-nim bhoron òt’ta.
11
Tuzo hat vistarun tachê girestkaiek bott mat lai ani to Tujea tonddar Tuka xirap ghalta vô na tem polle.’
12
Sorvesporan Soitanak mho-llem: ‘Tachi soglli girestkai tujê adhin kortam. Punn taka mat hat laum naka.’ Ani Soitan Sorvespora sorxilo koddsorlo.
13
Tea disa, Jobacheô put-dhuvô aplea vhoddlea bhavachea ghorant jevtaleô ani soro pietaleô,
14
Joba sorxim êk niropi taka sangunk ailo: ‘Tuje boil zotak bandlole asle ani gaddvam tanchê boglek chortalim;
15
tedna Sabeiani lokan tancher ghuri ghali ani tankam soglleank ubarun vhelim. Ani sogllea tujea chakrank tãnnim torsadinim jivexim marle. Tuka hi khobor pavounk hanv ekloch vattovlam.’
16
To sangun som-poita thoinch astam, anink eklo niropi pavlo; tannem sanglem: ‘Sorgar thaun khor uzo poddlo ani tujea menddrank ani rakhnneank lasun uddoilim. Tuka hem kollit korunk hanv ekloch vattov-lam.’
17
Tannem sangun sompounkuch naslem, anink êk niropi pavlo; tannem sanglem: ‘Kaldeiamnim lôk tin zomeam-nim ailo, ani tujea unttancher ghuri ghalun tankam gheun gele. Tujea chakrank tãnnim torsadin jivexim marle; tuka hem kollit korunk hanv ekloch vanchlam.’
18
To uloita thoinch astana, anink eklo niropi pavlo ani tannem sanglem: ‘Tuje put ani tujeô dhuvô ap-lea vhoddlea bhavachea ghorant jevta-lim ani soro pietalim
19
tedna, ovchit oronneantlo vadollacho varo suttlo ani ghorachea char-ui konnxeancher marlo; ani oxem tem ghor tea tornnatteancher kosoll’-lem. Tim melim mhonn tuka kollit korunk hanv ekloch vattovlam.’
20
Job utthlo; tannem aplem angavlem pinzlem ani tokleche kens tasle ani zomnir sorpottun
21
Tannem mhollem: ‘Mhojea avoichea kusveantlo hanv vingllo bhair sorlam, vingllo hanv portun vetolom. Sorvesporan dilem, Sorvesporan kaddun vhelem: Sorvesporachem Nanv vhodd zaum!’
22
Hea sogllea vignant Joban patok korunk na, nhoi mhonn Devak kosloch opman korunk na.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.