Home

Izaias Chapter 6 - Povitr Pustok Revised - 2010

1
Uzias razachea mornnachea vorsa, eka unch xinvasonar boslolea Dho-niachem mhaka dorxon mell’llem; Tachea vostrachê degen Devmondir bhoron ail’lem;
2
Tachê voir asle serafim; han-kam zonn-ekleak sov paktte asle: don aplem tondd dhampunk, don aplê pãi dhampunk, ani don uddun vochunk.
3
Ekamekak ulo marun te oxem mhonnttale: ‘Povitr, Povitr, Povitr Sorvsoktivont Sorvespor! Sogllo sonvsar bhòrla Tachea voibhovan!’
4
Bob martoleanchea avazan darvontteanche vatte sogllech haltale, ani Devmondir dhunvran bhoron ailem.
5
Hanvem mhollem: ‘Kottakotta mhojem! Melom hanv! Karonn hanv êk mhellea onttancho monis ani mhellea onttanchea mon’xam modem hanv jietam,tori mhojea dolleamnim Razak pollela, Sorvsoktivont Sorvesporak dekhla!’
6
Tedna êk serafim vedi velo chimttean kaddlolo êk ingllo aplea hatant gheun mhojê-xim uddun ailo.
7
Tannem to mhojea onttank lailo ani mhollem: ‘Polle, ho tujea onttank laila, tuzo guneanv kaddun uddoilo, tujem patok bhogsolem.’
8
Tedna Sorvesporacho tallo hanvem aikolo; to oxem mhonnttalo: ‘Konnak dhaddum? Amchea nanvan vochunk konn asot?’
9
Hanvem portipall kelo: ‘Ho polle hanv asam, mhaka dhadd.’ Tannem mhollem: ‘Voch ani hea lokak sang: Aikat, aikot ravat, punn tumkam kãi somzochem na; Polleiat, pollet ravat, punn tumkam kãich kollchem na.
10
Hea lokachem kalliz nibor kôr, tanche kan bhere kôr, tanche dolle kudd’dde kôr. Na tôr, dolleamnim tankam disunk lagtolem, kanamnim tankam sarkem aikunk ietolem, monan tankam somzotolem, ani Mhojê-xim portun ieun tim borim zatolim.’
11
Tedna hanvem mhollem: ‘Kedna porian, Dhonia?’ Tannem oso zobab kelo: ‘Xaranchem ghorttann zaun lôk tim sôddun vetolo, ghoramnim ko-nnuch ravcho na, xetam-bhattam osadd poddtolim - tedna porian.
12
Hanv Sor-vespor lokak thoinsorlo dhanvddai-tolom ani sogllo dês padd zatolo.
13
Ani lokacho dhavo vantto legun urlo zalear, tori tancho nas zatolo. Zoxem terebint ani xindhur rukh kapun uddoitôch tanchem fokot mund urta, toxem zatolem. Hem mund mhollear povitr novi porza.’

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.