Home

Haggai Chapter 1 - Povitr Pustok Revised - 2010

1
Darius Razachea dusrea vorsa, sovea mhoineachea poilea disa,  Hag’gai provadia udexim Sheialtiela-chea puta Jerubbabelak, Judachea raz-palak, ani Jehozadakachea puta Jo-shuak, porom’ iadnikak, Sorvespora-chem utor oxem kollit zalem:
2
‘Sorvsoktivont Sorvespor oxem sangta: Sorvesporachem Mondir novean bandunk ozun vêll pavunk na, oxem hi porza mhonntta. ’
3
Ani Hag’-gai provadia udexim Sorvesporachem utor oxem kollit zalem:
4
‘Hea Gho-rachem ghorttann zalam astam, oslea vellar tumchea lamb-rund ghoramnim jieunk tumkam puttvota?
5
Dekhun atam, Sorvsoktivont Sorvespor oxem sangta: Tumchi vagnnuk kosli ti borê bhaxen chintun polleiat.
6
Tumi zaitem vomplam, punn thoddench lunvlam; tumi khatat, punn kednanch dhadoxi zainant; pietat, punn kednanch tumchi tan bhagona; nhestat, punn tumkam ub mellona. Disvoddekar aplo disvoddo gheta, punn burak aslolê potient to ghalta.
7
Sorvsoktivont Sorvespor oxem sangta: Tumchi vagnnuk kitem kat ti mhenotin polleiat.
8
Dongrar choddat, moder haddat ani Ghor no-vean bandat; tem Mhaka man’votolem ani thoim Mhoji mhoima porzollaitolom mhonntta Sorvespor.
9
Apnnank khub melltolem mhonn tumi ravtaleat, punn bhov thoddem tumkam gavlem. Jedna tumi pik bhitôr haddlem, tedna Hanvem tem uboun uddoilem. Ani kitea pasot? uloita to Sorvsoktivont Sor-vespor! Karonn Mhojea Ghorachem nisontton zalam astam, tumi sogllim ap-aplea ghorachea vavrant buddlolim asat.
10
Dekhun mollban paus addaun dovorla ani prithumen aplem utpon bond kelam.
11
Zomnicher ani dongra-cher dhanea-gotteacher, novea sorea-cher, ajetinachea telacher ani zomnichea sogllea utpadonancher, mon’xancher ani zonavorancher ani sogllea tumchea koxttancher Hanvem dukôll dhaddla. ’
12
Jerubbabelan, Sheialtielachea pu-tan, porom’ iadnika Joshuan, Jehozada-kachea putan, ani lokachea sogllea urlolea zomean Sorvespora tanchea Devachea talleak chotraien kan dilo; toxench Haggai provadiachea utrank, kiteak Sorvespora tanchea Devan tim kollit korunk taka pattoil’lo. Ani soglli porza Sorvespora fuddem bhirantin bhòrli.
13
Tedna Haggaian, Sorvespo-rachea sondexkaran, Sorvesporacho nirôp porjek dilo: ‘Tumchea sangata Hanv asam uloita to Sorvespor!’
14
Sorvesporan zagrut kelo Jeru-bbabelak, Sheialtielachea putak, Juda-chea razpalak, ani têch porim Joshuak, Jehozadachea putak, porom’-iadnikak; toxench Tannem zagrut kelo porjechea sogllea urlolea zomeak; tim sogllim ailim ani Sorvsoktivont Sorvespora tanchea Devachea Ghorachea kamak laglim. 15 Hem sovea mhoineachea chovisavea disa ghòddlem.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.