Home

Fuddareanchem Pustok Chapter 1 - Povitr Pustok Revised - 2010

1
Joshuachea mornna uprant Israelachea lokan Sorvesporak oxem vicharlem: ‘Kanaanachea lokacher akromonn korunk ani tancher zhuz manddunk amchê modlea konnem poilem vechem?’
2
Sorvesporan zobab dilo, ‘Judan tancher akromonn poilem korunk zai; ti zomin Hanv tachea tabeant kortolom.’
3
Tedna Judan, Simeon aplea bhavak mhollem: ‘Mhojê adhin kel’lea zomnichea vantteant mhojea sangata akromonn kôr; ami Kanaanachea loka lagim zhuz korto-leanv. Toxench, tuka dil’lea desant hanv tujea sangata akromonn kortolom.’ Mhonnttôch Simeon tachea sangata gelo.
4
Tôr Judan tancher akromonn kelem ani Sorvesporan Kanaanitank ani Perizzitank tanchê adhin kele ani Bezek svater tãnnim tankam haroile dha hozar mon’xank.
5
Bezeka thaun tannem Adoni-Bezekak akromonn kelem; tachê add zhuz kelem ani Kanaanitank ani Perizzatank haroile.
6
Adoni-Bezekan pollapôll kaddli, punn te tachê patthik lagle ani, taka dhôrlea uprant, tachea hatanche akondde ani paianche akondde katorle.
7
Tedna Adoni-Bezek-an mhollem: ‘Aplea hatanche akondde ani paianche akondde katorlole sot’tôr raza mhojea meza ponda kuddke pun-zaitale. Hanvem kelam toxem Dev mhaka farik korta.’ Taka Jerusaleak vhelo ani thoim to melo.
8
(Judachea lokan Jeru-saleacher ghuri ghali ani tem apnna adhin kelem, torvarin tichea lokak marlo ani xarachem nisontton kelem.)
9
Tea uprant, Judache put dongri pran-tant, Negebant ani sopatt prantant ravtolea Kanaanitam add zhuz korunk gele.
10
Uprant Hebronant (Kiriath-Arba hem tachem adlem nanv) Kanaa-nacho lôk ravtalo tacher Judan akro-monn kelem ani Seshai, Ahiman ani Talmai hankam haroile.
11
Thoim thaun Debirant (Kiriath-Sefer, Debirachem adlem nanv) ravtoleancher tannem akromonn kelem.
12
Kaleban mhollem: ‘Kiriath Seferacher zo akromonn korit ani tem aplea tabeant gheit, tachê kodde hanv mhojê dhuvek Aksak logn zaunk ditolom.’
13
Kalebachea dhakttea bha-van, Kenazachea putan, Othnielan tem aplea tabeant kelem mhonnttôch, Kaleban apli dhuv Aksah tachê kodde logn zaunk dili.
14
Tachê-xim aili tedna, Othnielan tika tichea bapai lagim kosunk zata tosli zomin magunk huskaili. Punn ti gaddvaveli denvona fuddem, Kaleban tika vicharlem: ‘Tuka kitem zai?’
15
‘Mhaka ek dennem di’, tinnem zobab dilo. ‘Tunvem mhaka Negebant zomin dilea mhonnttôch, mhaka udka-cheô zhori-i di.’ Kaleban tika zai aslem tem dilem: Vhoileô ani sokoileô-udka-cheô zhori.
16
Kenit, Moizesachea Sasreache sonstiche monis, khazur maddanchea xarant thaun Judachea mon’xam borabor Aradachea dokhinni aslolea Judachea oronneant fuddem chol’le ani, thoim pavlea uprant, tãnnim loka modem thikann kelem.
17
Uprant, Juda aplea bhava Simeona sangata gelo ani Zefathant ravtolea Kanaanitancher zoit vhelem. Tea xara-cher nisonttonacho xirap haddlea uprant, tãnnim taka Hormah nanv dilem.
18
Punn Judan Gaza ani tacho prant, Ashkelon ani tacho prant ani Ekron ani tacho prant jikhun ghetle.
19
Judan dongri prant aplea tabeant jikhun ghetlo, karonn Dev tachê sovem aslo; Tori, sopatt zomnir ravtoleank nikllaunk tachê lagim ghoddlem na, kiteak tanchê lagim loknnachim rotham aslim.
20
Moizesan hukum’ dil’lê pormannem, Kalebak Hebron dilem, ani tannem thoinche Anakachea tegam putank dhanvddaile.
21
Jerusaleant ravtolea Jebusitank Benjaminachea putamnim bhair ghale nant, haka lagun Jebusitam vangdda, Benjaminache put ozun porian Jerusaleant ravtat.
22
Têch bhaxen Bethela add Juzechea ghorannean akromonn kelem ani Sor-vespor tanchê sovem aslo.
23
Bethela-chi topasnni Juzechea ghorannean keli. (Bethelachem adlem nanv Luz)
24
To-pasnni korpeamnim xarantlo bhair sortolea eka mon’xak dekhlo ani taka mhollem: ‘Amkam xarant vochpachi vatt dakhoi ani ami tuka visvaxi môg dakhoitoleanv.’
25
Tannem tankam xarant vochpachi vatt dakhoili; tedna tãnnim torvarin xarachea lokacho jiv kaddlo, punn tea mon’xak ani tachea kullak vattailim.
26
To monis Hittit lokachea desant gelo, thoim tannem ek xar bandlem ani taka Luz nanv dilem; ozun porian tench tachem nanv.
27
Beth-Shean ani tacho prant, Tannak ani tacho prant, Manassen apnna adhin korunk nant; tosoch Dorant ravtoleank ani tache prant, nhoi mhonn Ibleam ani tachea prantak vô Megiddo ravtoleank ani tache prant, Manassen apnna adhin korunk nant; hea ganvamnim Kanaanit lokan apli podvi samball’lli.
28
Punn, odik ghôtt zalea uprant, Israel lokan Kanaanitank dhanv-ddaile nant, tori tankam zobordosten koxttanchea vaurak laile.
29
Tech porim Gezer prantant ravtolea Kanaanitank, Efraimant dhanvddaile nant; dekhun, aiz porian Efraimachea vangdda Gezer prantant Kanaanit lôk ravta.
30
Zebulun-ant Kitronant vô Nahalolant ravto-leank bhair ghale nant; Kanaanit Zebuluna vangdda jietale, punn zobor-dosten koxtti vavurtale.
31
Asherian Akkont ravtoleank vô Sidonant ravtoleank dhanvddaile nant; toxench Mahalebant, Akzebant, Helbahnt, Afekant vô Rehobant ravtoleank aplea tabeant kele nant.
32
Kanaanit ravpeam modem, ganvant Asher kullacho lôk ravlo; hannem tankam bhair ghalunk nant.
33
Beth-Shemeshant vô Beth-Anathant ravtoleank Naftali kullam bhair ghalim nant; Ganvant Kanaanit ravpeam modem, tannem thikann kelem, punn Beth-Shemeshant ani Beth-Anathant thikann korpi tanchea gulam’ponnant vettik sampoddle.
34
Amoritamnim Danachea kullak dongri prantant dhanvddailem ani taka sopatt zomnir denvunk dilem na.
35
Har-Heresant ani Shaalbimant Amoritamnim apli podvi sambhall’li punn, jedna Jakobachem ghorannem odik bollixt zait gelem tedna, tankam zobordosten koxtti vavrak laile.
36
(Edomitancho prant Akrabbim suru zaun Sela porian ani tachê pelean choddot veta.)

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.