Home

Dusri Somurt Chapter 21 - Povitr Pustok Revised - 2010

1
‘Somzum-ia: Sorvespor tumkam ditolo tea ganvchea xetant eka mon’xachem moddem asa, ani taka konnem marun thoim sôddla hem tumi nokllot.
2
Tumche mukheli ani nitidar thoim vochun, moddem asa to zago khoinchea xarak odik lagim poddta tem mezun kaddtole.
3
Ani chodd lagim poddta tea xarache mukheli, kednanch vavrak lavunk na tosli êk gai vinchun kaddtole.
4
Udok sodanch vhanvot asa toslê ekê zhori-xim hê gaiek vhorun, thoim tichi gomtti moddtole.
5
Leviche iadnikui thoim vetole, kiteak zobordos-teche soglle prosn tãnnim tharaun gheunk zai. Sorvesporan tankam aplê sevek, ani aplea nanvan axirvad ghalunk vinchun kaddleat.
6
Magir, lagxilea xarantle soglle mukheli tê gaiecher aple hat dhutole hê porim,
7
Ami tea mon’-xak marunk na, ani taka konnem marla tem ami nokllonv.
8
Sorvespora, Ejiptant thaun sôddoun haddlolê tujê porjek bhogôs. Amkam bhogôs, ani hea niro-pradi mon’xachea mornna vixim amkam zobabdar korum naka.
9
Oxem, Sorves-por formaita tem kelea uprant, tumi zobabdari zaunchenant.
10
‘Zhuzant Sorvespor tumkam zoit dita, ani tumi lokak koidi kortat tedna,
11
tumkam ghoddiê thoim êk sobit ostori dixtti poddtoli ani tichêkodde logn zaunk tumkam khoxi asot.
12
Tika tujea ghora vhor, ani tichem mathem tas, nakxeô katôr,
13
ani tichim vostram bodol. Ti tumchea ghorant ravtoli, ani êk mhoinobhor aplea avoi-bapaichem dukh kortoli; tea uprant, tujean tichê-kodde logn zaum-iet.
14
Magir, ti tuka mandona zalear, tika vochunk suttka di. Punn tuvem tichêkodde lognacho ekvott kelai dekhun, tujean tika chakor koxi vikunk zaina.
15
‘Somzum-ia: Eka mon’xak dogi bailô asat ani dogankui put zolmoleat, punn zo malgoddo taka zolmola to avddichê bailecho nhoi.
16
To bhurgeam modem aplem daiz vanttunk sôdta tedna ta-chean mhalgoddeacho vantto avddichê bailêchea putak dium nozo.
17
Tannem aplea malgoddea putak dupett vantto diunk zai, ho tachê chodda mogachê bailecho nhoi-i zalear. Bapain aplea malgoddea putak tacho kaideacho vantto dilea bogor ravum nozo.
18
‘Somzum-ia: Eka mon’xak êk bhurgo asa to aploch vado choloita, kolpota, ani aplea avoi-bapaik khalto zaina; taka khast laili-i astana to aikoch na.
19
Avoi-bapain taka aplea xarantlea mukheliam-xim vhorcho ani tanchê mukhar nitik ubo korcho.
20
Tim oxem mhunntolim, Ho amcho put apleach vadeacho, amcher kolpota ani amkam khalto zaina; to duddu hogddaita ani bebdo zata.
21
Tedna tea xarantle monis taka fatraun martole, ani hê porim tem noxtt pois zatolem. Ani hem aikun soglle bhietole.
22
‘Eka mon’xak, khun adarlo dekhun, gollar marlo zalear,
23
tachem moddem ratik umkollunk sanddchem nhoi. Teach disa purchem, kiteak umkollta tem moddem eka ganvcher Devacho xirap ôddun haddta. Dev tumkam dita to ganv boxttovna zaunk, tem moddem purun kaddat.’

Golden Verse

Dusri Somurt 21:5

Leviche iadnikui thoim vetole, kiteak zobordos-teche soglle prosn tãnnim tharaun gheunk zai. Sorvesporan tankam aplê sevek, ani aplea nanvan axirvad ghalunk vinchun kaddleat.