Home

Dusri Somurt Chapter 20 - Povitr Pustok Revised - 2010

1
‘Tumi dusmanam virudh zhuzunk vetat tedna, ani tumchea poros tanche ghodde-gho-ddesvar vorte zalear, tumi ang kaddum nakat. Tumkam Ejiptantlim nivarun haddleant to Sorvespor tumchea san-gatak astolo.
2
Tumi zhuz suru korchê adim, iadnik, mukhar ieun mhonnttolo,
3
Israel mon’xamnô, aikat! Aiz tumi zhuzak vetat. Tumchea dusmanank bhieun ang golloum nakat, vô tumchi kallji sôddun dium nakat.
4
Tumcho Sorvespor-Dev tumchea sangatak asa, ani tumkam zoit mello-xem kortolo.
5
‘Uprant, opxal aplea zhuzareank mhonnttole, Tumche modlean konnem tôri ghor bandlam, punn ozun tachem somorponn korunk na? Oxem zalear, hea mon’xan ghora vechem. Na tôr, ani to zhuzant melo zalear, boltoch konn tea ghorachem somorponn kortolo.
6
Tumchê modlean konnem tôri êk dakancho mollo laila, ani tachim follam chakunk taka sond mellunk na? Oxem zalear, hea mon’xan ghora vechem, Na tôr, ani to zhuzant melo zalear, boltoch konn tacho soro chaktolo.
7
Tumchea modleachi konnachi tôri soirik zaloli asa? Oxem zalear, hea mon’xan ghora vechem. Na tôr, ani to zhuzant melo zalear, boltoch konn tachê hoklêkodde logn zaun vetolo.
8
‘Uprant, te opxal mhonnttole, Tumchê modem konn tôri ang golloun zhuzak bhiela? Oxem zalear, hannem ghora vechem. Na tôr, heranchea-i kallzant to bhirant rigoitolo.
9
‘Hê porim opxalamnim aplea zhuzaream kodde uloun somptôch, dôr zhuzachea rondak kopit vinchun kaddtole.
10
‘Tumi xarak dhadd ghaltat tedna, lôk somadhan korunk sôdta zalear, tankam poili sond diat.
11
Ho lôk xarache darvontte ugddun, tumchea tabeant zata zalear, te tumche gulam’ zale ani bondogi chakrek launche.
12
Punn to lôk porva korina ani zhuzunk toiar asa zalear, tumi fokot tea xarak veddho ghalun ravat.
13
Sorvespor aplea vellar tumkam tanchê-voir zoit dita tedna, thoinchea sogllea lokak marun uddoiat.
14
Tumkam khoxi zalear, tanchea bailam-bhurgeank, tan-chim gorvam-vasram tumchean dovo-rum-iet. Hem tumkam Sorvesporan dilam.
15
‘Oxem fokot, tumi ravtoleat tea xaram pois urtat tea xaram vixim kortoleat.
16
Punn zo ganv Sorvesporan tumkam khas ravunk dila, thoinchea sogllea lokak tumi marun uddoitoleat.
17
Sogllea lokacho ekannem nas korat: Hittit, Amorit, Kanaanit, Perizzit, Hivit, ani Jebuzit hea sogllea lokank nanch korat, oxem Sorvesporuch tumkam formaita.
18
Na tôr, ho lôk tumkam pat-kant ghaltolo ani Sorvesporak mando-nant teô vostu korunk tumkam-i xikoitolo, ani tumi kuddea-devank bhôzunk pavtoleat.
19
‘Konn-ui ek xar aplea tabeant gheunk sôdta tedna, thoinchim follanchim zhaddam katrum nakat, veddo kitlo-i kall togum; tanchim follam khaiat, punn zhaddam ibaddum nakat; him tumchim dusman nhoi.
20
Punn dusrim zhaddam katrun, tumchean to veddho ghôtt korunk zata.’

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.