Home

Dusri Somurt Chapter 1 - Povitr Pustok Revised - 2010

1
Israel porza Jordan Nodichê udentik, oronneant pavli tedna, jem Moizes tichêkodde uloilo tem hea pustokant mellta. Tim Jordan Gholant, Suf zagear aslim, Paranchem xar, ekê vatten, ani Tofel, Laban, Hazerot, ani Dizaba modem, dusrê vatten. D.S.
3
Ejiptantlim tim bhair sorlea uprant challisavea vorsa, ikravea mhoineachea poilea disa, Sorvesporan Moizesak formailolem titlem-i tannem porjek sanglem.
4
Sorvesporan Sihon, Amoritanchea patxaiak, Heshbonachea xarant raj cho-loitalo tedna, hanchê virudh zoit jikhlea uprant, hem ghoddlem.
5
Punn, porza Jordanachê udentek Moabitanchea ganvant pavli tednach Moizesan Sorvesporache kaide ani xikounn porjek sangunk suru kelem. Tannem mhollem:
6
‘Ami Sinai Dongrar asleanv tedna, Sorvesporan amchea Devan amkam mhollem, Tumi hea dongrar chodd kall sarlo.
7
Tumche tombu môddun vattek lagat. Amoritanchea dongri-ganvant vochat, toxench sorv-bhonvtonchea ganvamnim Jordan Gholant, voir dongrancher ani sokol ganvamnim, Negeb porian. Kanaan ganvant, ani Lebanonachea dongrancher Eufrates Nôd porian vochat.  
8
He soglle ganv hanvem, Sorvesporan, tumchea purvo-zank, Abrahamak, Izakak, ani Jakobak ani tanchê sonstik ditolom mhonn bhasailam. Tôr, vochat ani te ganv tumchea tabeant korat.’ 
9
‘Tea disamnim Hanvem tumkam oxem sanglolem: Mhojean ekleachean tumchem vozon ubarunk zaina.
10
Sor-vesporan, Tumchea Devan, tumkam itlim vaddoileant ki tumchi sonkia atam mollbachea noketram porim zalea.
11
Ani Sorvespor tumcho purvozancho Dev tumkam hozar pavtti odik vaddounk veta ani Aplê bhasavnnê pormannem tumcher axirvad ghalunk veta.
12
Mhonnttôch koxê bhaxen tumchea zhogddeanchem ani vad-vivadanchem zodd ojem mhojean ekleachean ubarunk zait?
13
Dekhun tumchea ek-eka kullantle xhanne ani onnbhov-aslole budhvont monis mhojê mukhar haddat, ani hanv tankam tumche fuddari kortolom.
14
Ani tumi mhaka oso zobab dilolo: Tuji ievzonn bori asa.
15
Hea pormannem hanvem tum-chea vinchun-kaddlolea xanneam mon’-xank tumchê voir dovorle. Thodde êk hozar loka voir, thodde xemboram-voir, thodde pon’nasam voir, ani thodde dha zonnam voir asle. Tech porim, sogllea kullantle dusre opxal vinchun kaddle.
16
Tea somoiar hanvem sanglolem, Tum-chê modem ietat te porjeche soglle prosn bore aikun gheiat, ani tumcheach zanv porkea lokak lagta titlem-i mannsugê-ritin tharaun gheiat.
17
Tondd polleun kam’ korum nakat, bogor, soglleank, konnui to zanv, ek-sarki neai-nit zaum-di. Konnakuch bhieum nakat, kiteak jem tumi tharaitat tem Deva-thaun ubzota. Tumchê-xim kitem zodd ieta tem mhojê-xim haddat, ani hanv tem polle-tolom.
18
Tea somoiar tumi kitem korunk zai tea vixim hanvem soglli xikoun dil’li.
19
‘Sorvesporan, amchea Devan, amkam formailolem toxem ami kelem. Sinai Dongrar thaun ami bhair sorleanv, ani tea orixtt-bhirankull oronneantlean Amoritanchea dongri-ganvant vechi vatt dhôrli. Ami Kadesh Barnea pavlea uprant,
20
hanvem tumkam sanglem, Tumi atam Amoritanchea dongri-ganvant pavleat; ho ganv Sorvespor, amcho ani amchea purvozancho Dev, amkam dita. Ho, polleiat, dista to! Vochat, ani tannem formailam tê porim, to tumchea tabeant korat. Patthim so-rum nakat, vô bhieum nakat!
21
hanvem tumkam sanglem, Tumi atam Amoritanchea dongri-ganvant pavleat; ho ganv Sorvespor, amcho ani amchea purvozancho Dev, amkam dita. Ho, polleiat, dista to! Vochat, ani tannem formailam tê porim, to tumchea tabeant korat. Patthim so-rum nakat, vô bhieum nakat!
22
Punn tumi, mhojê-xim ieun, mhollem, Ami thoim vechea adim, bhedi koxe to ganv polleun kaddcheak mon’xank dhaddum-ia; te porot ieun, tea ganvant vochunk vatt khoinchi bori, ani koslim xaram thoim asat, hem sogllem amkam kollit kortole.
23
Hi ievzonn bori lagli dekhun, hanvem bara monis, eka-eka kullantlo êk-êk vinchun kaddle.
24
Te dongri-ganvant gele, Eshkol Ghôl po-rian, ani to ganv barkaien polleun kaddlo.
25
Te porot ietana, tãnnim thoinchim follam haddlim, ani Sorves-por amkam dita to ganv chodd boro ani sufôll oxi tãnnim khobor dili.
26
Punn tumi Sorvesporachea hukumacher kol-poleat, ani tea ganvant vochun patthim sorleat.
27
Tumi eka-meka bhitôr gunn-gunnunk lagleat, hê porim: Sorvespor amkam zollta. Amoritanchea hatant amkam sôddun marchê khatir, Tannem amkam Ejiptantlim bhair kaddun hadd-leant.
28
Ami kiteak thoim vechem? Amkam bhirant dista. Thoim vochun aileat te monis amkam sangtat, ki thoim lôk asa to amchê poros bollixt ani unch, ani te ravtat tea xaranchim durgam voir mollbak tenkleant. Tãnnim thoim amchê poros lamb ani bollixtt monis dekhleat!
29
‘Punn hanvem tumkam sanglem, Hea mon’xank bhieum nakat.
30
Ani Ejiptant kelam tê porim, tumcho Sorves-por tumkam thoim vhorun pavoitolo, ani tumchê pasot zhuztolo.
31
Ani oro-nneant-ui Tannem toxem kelem. Tum-kam koxe solamoti, êk bapui aplea putak dhôrun haddta tê porim, hanga hadd-leat hem tumi dekhlam!
32
Ani oxem astana-i, tumcho visvas Sorvespora-cher naslo,
33
Toch tôr sodanch tumchê mukhar vetalo ani khoim tumi thikann korchem tem adim-fuddench to tumkam sôdun kaddtalo. Ratcho ujeachea kham-bean ani disacho kupachea khambean tumkam vatt dakhouncheak to tumchê mukhar choltalo.
34
‘Sorvesporan tumche xinn aikole ani To ragar zalo, ani sobhemazar Tannem bhas dili,
35
Eklo-i hê khottê sonstintlo, tumchea purvozank hanvem bhasaila tea ganvant bhitôr sorchona.
36
Fokot Kaleb, Jefunnecho put, thoim pavtolo. To ekloch mhaka visvaxi ravla, ani topa-sun aila to ganv taka ani tachê sonstik ditolom.
37
Ani tumkam lagon, Sorves-por Dev mhojer-ui ragar zalo, ani tannem mhollem, Tum legun, Moizes, tea ganvant bhitôr sorchonaim.
38
Punn tujea adareak ili ghottai di, Joshuak; ho Israel porjek thoim vhortolo.
39
Magir, Sorvesporan amkam soglleank mhollem, Tumchim lhan bhurgim, vaitta ani borea modem ontôr korunk tankam somzona, him thoim vetolim. tumche dusman koidi korun vhortole, tumi mhollolem, tim bhurgim. Hea bhurgeank hanv to ganv ditolom, ani tim to ganv aplea tabeant kortolim.
40
Punn, tumi tumchea voten Tambddea Doriachê dixen, oronneant porot vochat.
41
‘Tumi zobab dilo, Moizes, ami Sor-vesporacher pap adarlem. Punn atam Sorvesporan formailam tê porim, ami zhuzunk vetoleanv. Ani Sorvesporan formailam tê porim sottasott tumi soglle dongri-ganvant zhuzunk bhair sorleat.
42
Punn Sorvesporan mhaka mhollem, Zhuzunk vochona zaunk tankam xiddkai, kiteak hanv tanchea sangata aschona, ani tanche dusman tancher zoit vhortole. D.S.
44
Tea dongrancher jietale te Amorit, ganjilan-chim mhalim koxim, tumchea angar aile. Tãnnim tumkam Horma dhanvddaile, ani Edomachea dongri-ganvant tãnnim tumcher zoit vhelem
45
Tedna tumi, adarak, Sorvesporak ulo marlo punn Tannem tumkam aikoche sôddle.
46
Hea khatir, tumkam zai titlo kall tumi Kadeshant ravchem poddlem.’

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.