Home

Razachem Dusrem Pustok Chapter 1 - Povitr Pustok Revised - 2010

1
Ahabachea mornna uprant, Moab Israela add upraslo.
2
Samarient aplea unchlea kuddantlea bolkanvant thaun sokla poddun Ahazia piddent poddlo; dekhun tannem aplea dutank oso nirôp diun dhaddle, ‘vochat ani hanv piddentlo boro zatolo vô na hea vixim, Baal-Zubub, Ekronachea de-vachem mot gheiat.’
3
Punn Sorves-porachea dutan, Tishbitechea Elijak mhollem, ‘Utth! Voch ani Samariechea razachea dutank vatter addai. Tankam sang, Israelant Dev na mhonnun tumi Baal-Zebub, Ekronachea devachem mot gheunk vetat?
4
Sorvespor oxem mhonntta: Tum nhidlai tê khatti velo utthcho na; tum dubavaviret mortolo. ’ Ani Elija gelo.
5
Dut raza-xim porot aile, tannem tankam mhollem, ‘Tumi kiteak porot aileat?’
6
Tãnnim zap diun mhollem, ‘êk monis amkam mellunk ailo ani tannem mhollem Sorvespor oxem mhonntta: Tumkam dhaddleat tea raza-xim vochat ani taka oxem sangat: Israelant Dev na mhonnun tumi Baal-Zebub, Ekronachea devachem mot gheunk vetat? Hea khatir, tum nhidlai tê khatti velo utthcho na; tum dubavaviret mortolo. ’
7
Tannem mhollem, ‘Tumkam mellun oxem sogllem sanglam to monis koso distalo?’
8
Tãnnim zap diun mhollem, ‘to lhonvenchi kobai nheslolo ani komrak chambddeacho potto bandlolo.’ Tedna Raza udgarlo: ‘Ho Tishbitacho Elija.’
9
Tannem pon’nas soinikanchea odhikariak, tachea pon’nas mon’xam soit Elija-xim dhaddlo; Elija eka dongrachê tengxer boslolo tankam mell’llo; odhikari tachea mhoreant gelo ani mhollem, ‘Devachea mon’xa, tum sokla denv oxem raza tuka sangta.’
10
Elijan odhikariak zap dili, ‘Hanv Devacho monis zalear, sorgar thaun uzo poddun tuzo ani tujea pon’nas soini-kancho bhosm zaum di.’ Ani sorgar thaun uzo poddlo ani tacho ani ta-chea pon’nas mon’xancho bhosm zalo.
11
Razan atam dusrea odhikariak tachea pon’nas mon’xam soit Elija-xim dhaddlo; to-i tosoch tachê-xim gelo ani mhollem, ‘Devachea mon’xa, tunvem atanchea atam sokla denvunk, tuka razacho hukum’ asa.’
12
Elijan tankam zap dili, ‘Hanv Devacho monis zalear, sorgar thaun uzo poddun tuzo ani tujea pon’nas soinikancho bhosm zaum di.’ Ani sorgar thaun viz poddlem ani tacho ani tachea pon’nas mon’xancho bhosm zalo.
13
Novean, tisrea odhikariak anik pon’nas mon’xam soit, razan Elija-xim dhaddlo. Ho tisro odhikari Elija mhoreant ieun tachê fuddeant dimbier poddlo ani tannem prarthon korun mhollem: ‘Devachea mon’xa, mhozo ani hea tujea pon’nas chakrancho jiv tujea dolleam mukhar molacho zaum.
14
Sor-gar thaun uzo poddun dogam odhika-riancho ani tanchea pon’nas’ soinikam borabor bhosm zalo, punn hê pavtt mhozo jiv tujea dolleam mukhar molacho zaum!’
15
Sorvesporachea dutan Elijak mhollem, ‘tachea vangdda sokla denv ani taka bhienaka.’ To utthlo ani tan-chea sangatan raza-xim gelo
16
Ani taka mhollem, ‘Sorvespor oxem mhonntta, Tunvem Baal-Zebub hea Ekronachea devachem mot gheunk dutank dhaddle dekhun, tum nhidla tê khatti vhelo utth-cho na; tum dubavaviret mortolo. ’
17
Ani, Elijan ucharlolea Sorves-porachea utra pormannem to melo. Taka put naslo dekhun tacho bhav Jeho-ram’, Judachea Raza Jehoshapatachea putak Jehoramachea dusrea vorsa raza kelo.
18
Ahaziacho her itihas ani dusre udeog, Israelachea Razanchea itihasik pustokant boroun dovorleat nhoi?

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.