Home

Itihasachem Dusrem Pustok Chapter 1 - Povitr Pustok Revised - 2010

1
Davidacho put Solomon aplê razvôttkent thir-ghôtt zal’lo. Sorvespor tacho Dev tachea sangata aslo. Tannem taka unch ubarlo.
2
So-lomon ak’khea Israela lagim, hozaran-che ani xemboranche fuddariam, niti-daram lagim, dôr-eka Israelachea fudda-ria lagim, ghoranneachea vhoddilam lagim uloilo.
3
Uprant Solomon ani ta-chê borabor soglli porza Gibeonant aslolea unch zagear gelim. Kiteak thoim Sorvesporachea mellaveacho tombu aslo. To Moizesan, Sorvesporachea sevokan oronneant kelolo.
4
Punn Davidan Sorvesporachi Arkpett Kiriath Jearim thaun apnnem toiar kel’lea zagear haddloli. Tichê pasot tannem Jerusaleant êk tombu bandlolo.
5
Be-zalel, Uricho put, Huracho natu hannem kel’li tambeachi vedi, tannem Sorves-porachê Arkpettê mukhar dovorli. Raza Solomonan ani ak’khê porjen Sorves-porachi budh ghetli.
6
Solomon, Sor-vespora mukhar tambeachê vedi-xim gelo. Ti mellaveachea tombu-xim asli ani ticher tannem êk hozar ulpailolim bolidanam bhettoilim.
7
Tê ratik Solomonak Sorvespor dixtti poddlo ani taka mhollem, ‘Mhojê koddchem tuka zai tem mag’.
8
Solo-monan Sorvesporak mhollem, ‘Tunvem mhojea bapai Davida sovem doia dakhoili. Ani tachea zagear mhaka raza keloi.
9
Sorvespora Deva, David mhojea bapaik kel’li bhasavnni atam xarti pavli, kiteak Tunvem mhaka prithumevelea dhul’li itlea loka voir raza kela.
10
Hê porjek fuddariponn diunk mhaka zannvai ani xanneponn di, kiteak edê vhodd porjek cholounk konnachean zait?’
11
Sorvesporan Solomonak mhollem, ‘Tujea kallzant tunvem itlench maglem-i ani nhoi girestkai, nhoi mhonn doulot, nhoi mhonn man, nhoi mhonn tujea dusmanancho prann, nhoi mhonn êk lamb auk, punn hanvem tuka raza kela tê porjê voir, odhikar cholounk, tunvem tuka zannvai ani xanneponn magleim,
12
hea khatir zannvai ani xanneponn tuka favo kelam. Hanv tuka girestkai, doulot ani man ditolom. Tujê adim khoincheach razak hanvem ti diunk na ani tujê pattlean ietoleank hanv ti diunchona.’
13
Tedna Solomon Gibeonantlea unch zagea velea Mellaveachea Tombunt thaun Jerusaleak ailo ani Israela voir razvôttki cholounk laglo.
14
Solomonan ron’gadde ani ghoddes-var ektthaim kele. Tachê lagim êk hozar charxim ron’gadde ani bara hozar gho-ddesvar asle. Tannem te ron’gaddean-chea xaramnim ani raza-xim Jerusaleant dovorle.
15
Solomon razan Jerusaleant bhangar ani rupem fatram vori kelem. Toxench Xefalant aslolea, rumb-ddichea zhaddam porim devdharachem lankudd kelem.
16
Solomonache ghodde Ejiptant ani Kue thaun hadd-lole tanchi kimôt farik korun razachea veapareamnim te vikte ghetlole.
17
Te Ejipt desant gele ani rupeachea soixim nanneank ron’gadde ani êk ghoddo deddxem nanneank vikto ghetlo. Soglle Hitit ani Sirienkar raza aplê kuveti pormannem te ghodde vikte ghetale.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.