Home

Razachem Poilem Pustok Chapter 9 - Povitr Pustok Revised - 2010

1
Solomonan Sorvesporachem mondir, rajmahal ani apnnem iev-jilolem tem sogllem bandun sompoilea uprant,
2
Dibeonant dixtti poddlolo tê porim Sorvespor Solomonak dusrê pavtti dixtti poddlo.
3
Sorvesporan taka mhollem: ‘Hanvem tujim magnnim ani Tunvem mhojê mukhar kelolim prartho-nam aikoleant. Tunvem bandlolea hea mondirant Mhojem Nanv sodankal urunk, hanvem tem sonvskarlam. Mhoji nodor ani mhojem mon sodankal thoim astolem.
4
Tujê voten, David tuzo bapui chol’lo toso, xud’dh monan ani proma-nnikponnan mhojê mukhar cholxi zalear ani hanvem tuka dil’li adnia samballun, mhoje nem’-kaide pallxi zalear,
5
Israe-lachea xinvasonar bosunk tujê sons-tintlo konnuch unno poddcho na’ oxem mhonnun tujea bapai Davidak bhasavnni kel’li tea pormannem, Israela voir tuji razvôttki, Hanv sodankal thir kortolom.
6
Punn tunvem ani tujê pillgen Mhaka patt voll’li zalear ani Hanvem tumkam dileat teô adnia ani kaide pallchê svater, tumi dusrea devam-xim vochun tanchi seva korunk tankam bhozxat zalear,
7
tedna Hanvem dil’lea desantli Hanv Israel porjek bhair uddoitolom ani Mhojea Nanvam khatir Hanvem sonvskarlolem hem mondir, Mhojê nodrêvelem Hanv pois kortolom ani Israel dês sogllea raxttram mukhar kenddniancho mhal zatolo.
8
Hea ghorachem ghortarnn zatolem ani ieto-veto lôk ojap zaun ani fut-futun mhonnttolo, Sorvesporan hea desak ani hea ghorak oxem kiteak kelem zait?
9
Ani tim oso zobab ditolim: kiteak aplea purvozank Ejiptantlim bhair kaddlolea Sorvespora tanchea Devak tãnnim sôddlo ani tãnnim dusrea devank vengoile, tankam nomoskar kelo ani tanchi chakri keli; haka lagun Sorves-poran tancher hem noxtt haddlem. ’
10
Sorvesporachem mondir, rajmahal heô donui vostu bandunk laglolea vis vorsam uprant, Solomon razan Hira-mak Galileiachea prantant vis xaram dilim. Atam
11
Tirachea raza Hiraman, Solomonak zai titlem devdarachem lankudd, juniperachem lankudd ani bhangar dil’lem.
12
Punn jedna Solo-monan dilole ganv polleunk, Hiram Tira thaun ailo tedna te taka mandle nant.
13
Tannem mhollem: ‘He kosle ganv tunvem mhaka dileat bhava mhojea?’ Ani aiz porian tankam ‘kabul-des’ mhonttat.
14
Oxem astam-i Hiraman Solomonak ekxem vis bhangarache kik’kar dhaddle.
15
Solomon Razan bondit kamgarank vaprunk Sorvesporachem mondir, rajmahal, Milo, Jerusaleachem durig, Hazzor, Megido, Gezer
16
(Ejiptacho raza Faraohn Gezeracher hol’lo korun tannem aplea tabeant ghetlolem. Taka uzo ghal’lo ani thoim ravpi sogllea Kanaanitank marun uddoilole. Uprant tannem ho ganv Solomonachê ghor-karnik mhonngê aplê dhuvek dotik dilolo.
17
Ani Solomonan tem novean bandun kaddlolem) sokoilem Bet-Horon.
18
Balat, Judachea oronneantlem Tamar, bandun kaddlim.
19
Tea bhair Solomo-nan aplem saman, aple ron’gadde ani aplea goddesvarank dovrunk xaram bandlim. Toxench Jerusaleant, Lebano-nant ani aplea odhikara khal aslolea sogllea prantamnim apnnak khuxi tem tannem bandlem.
20
Israelit lokam modle nhoi aslole Amorit, Hittit, Perizzit, Hivit ani Jebusit pillgentle,
21
Israe-litamnim bhosm na kel’lean ozun desant aslole tankam Solomonan zodd vavrak laile. Ani aiz porian te toxench kortat.
22
Solomonan Israelitank zodd vavrak laile nant. Tankam tannem soinik, sevok, proxasok, odhikari ani tachea ron’gaddeanche ani ghoddesvoranche mukheli kele.
23
Solomonachea vavra-chi dekhrekh korunk painxim pon’nas mukhi odhikari asle. Tankam vavr kortolea loka voir zobabdari asli.
24
Faraohchi dhuv Davidachea xarant thaun apnnak bandlolea rajmahalant geli tedna Solomonan Millo bandun kaddlem.
25
Vorsak tin pautti Sorvespora khatir bandlolê vedir, Solomon hulpailolim bolidanam ani xanti khatir hom’ bhe-ttoitalo ani toxench Sorvespora mukhar dhump zolloitalo. Oxem tannem mondirachem kam’ sompoilem.
26
Solomon Razan loskori tarvancho tanddo bandlo. Edomachea prantant aslolea Tambddê doriachê kin’narer, Eliata lagsar Ezion-Geberant.
27
Hea tanddean Solomonachea sevokam borabor Hiraman doriachê golltik aslolea aplea sevokank dhaddle.
28
Te Ofir mhonnttat thoim gele ani thoim thaun tãnnim charxim vis kik’kar bhangar haddun, Solomonak dilem.

Golden Verse

Nahum 3:19

Tujea ghaiak vokhod na; tujea dukhapotik pekovnni na. Tuji khobor aikotat tim sogllim tuzo sotianas zalo mhonnun talliô pêtt’tat. Tôr tujê kotthôr nixtturaiecho ghans chakunk naslolo konn tori asot?