Home

Makaeusachem Poilem Pustok Chapter 1 - Povitr Pustok Revised - 2010

1
Masedonientlea Filipacho put, Alexandr; Masedonient thaun ieun Persia ani Medes desacho raza Darius haka haroilo ani to thoim raza zalo. Hea zoita udexim Alexandran aplem Gris raj anink vhodd kelem.
2
To zaitim zhuzam zhogoddlo. Mozbut kottan bhitôr aslolim xaram tannem aplim kelim ani dexi razank marun uddoile.
3
Sonvsa-racheô ximô utron sonvsarachê nima-nnê dhodder pavta mhunnosor zaitim raxttram tannem luttlim. Punn he jin’xim, jedna tannem sonvsaracher zoit vhelem, tedna tachea gorvak xim’-mer uronk na.
4
Ek khoddegant zhuzari fouz toiar keli ani prantancher, raxttrancher ani razancher aplo odhikar choloilo. Tim sogllim tachê razvôttkê khala ailim.
5
To anturnar poddlo, aplo mornnacho vêll pavlo mhonn taka somzolem.
6
Tedna, tannem sogllea aplea mukheleank, vis-vaxeank ektthaim kele. Te soglle tachea bhurgeponnar thaun tache sangat ko-run asle. Morchê poilim aplê razvôtt-kecho êk-êk vantto tankam soglleank vanttun dilo.
7
Bara vorsam razvôttki choloilea uprant, Alexandr melo.
8
9
10
Tea disamnim tanchi êk patki kombri upzoli ani hi kombri mhollear Antiok Epifan, Antiok razacho put; ekdam taka Romak koidi korun vhel’lo. Grik razvôtt-kechea ekxem-sat’tisavea (137) vorsa to gadier choddlo.
11
Hea somoiar Israelant xastr-somurt sanddlole thodde zann up-zole ani zaiteank tãnnim fuslailim oxem mhonnun: ‘Chol-ia, amchea sezarchea onbhavarthiam kodde êk korar korum-ia, kiteak tanchê sorxilim ami koddsorleanv tethun thaun amcher khub vignam aileant.’
12
Hi suchna tankam mandli
13
ani lokam modle hurben bhòrlole kãi zann razak mellunk gele. Onbhavarthian-cheô chali-riti pallunk razan tankam rojia dili.
14
Ani onbhavarthianchê chali pormannem tãnnim Jerusaleant êk khe-llam-rông bandlo,
15
sunotiche dag ka-ddun uddoile ani, khuxen vaittache cha-kor zaun, onbhavarthianchê sot’tê khal ravunk tãnnim povitr korar sôddun dilo.
16
Antiokus razan aplem raj sthaplea uprant, tannem Ejiptacher hol’lo kelo kiteak Sirient razvôtt choloitalo toslich razvôtt Ejiptantui vistarunk tachea mo-nant zalem.
17
Êk vhodd fouz gheun mhonngê roth ani hoti, ron’gadde ani êk mozbut fouz gheun vochun, tannem Ejiptacher hol’lo kelo.
18
Jedna akromon korpi desant bhitôr sorle, tedna Ejipta-chea Tolemi razan pollapôll kaddli. Tachea sobar zhuzareank mornnak fuddo korcho poddlo.
19
Antiokusan, Ejiptant, kottamnim bhitôr aslolim xaram jikhun ghetlim ani to dês tannem luttlo.
20
143 vorsa, Ejipt dês aplea tabeant kelea uprant, Antiokus apli vhodd zhuzari fouz gheun Israelant bhitôr sorlo ani Jerusaleant pavlo
21
Aplea murkponnan to Dev-Mondirant bhitôr sorlo ani tantuntli bhangarachi vedi, diuli zollovpachem pedd, soglea vos-tum soit gheun gelo.
22
Toxench unddo bhettoitale tem mez, kopam, bhanga-rachi kail, podd’dde ani mukutt lagim kele. Dev-Mondirachea vonttink bhan-garacho lep kaddlolo aslo, tem legun bhangar tannem khorpun kaddlem. Bhangar-rupea sangata, Dev-Mondira-cheo duddvancheô pettô, jeô kherit kuddamnim samballun dovorloleô asleô, teô-i tannem aplea desant pavoi-leô. Ani hem sogllem gheun to aplea maim-desant portolo. Tannem khun kele ani to vhodda murkhponnan uloilo.
23
24
25
Taka lagon ak’kho Israel dês dukhan buddlo.
26
Rajkornni ani fuddari dukhan suskarle, Tornnatte dadle toxeô tornnatteô bailô boll nasloleô zaleô. Ostoreanchi suropai bavun geli.
27
Dôr-ekê hoklen mornnachem gaion kelem, ani dôr-êk nhouro tichea kuddant bosun dukham gollounk laglo.
28
Ak’kho dês aplea vangddiam sangata thortorunk laglo ani Jakobachem ak’khem ghoranem lojen bhorlem.
29
Don vorsam uprant, Raza Antio-kusan, aplo êk mukhel vosuldar Juda prantachea dôr-eka xarant pattoilo. To apli bollixt fouz gheun Jerusaleant pavlo.
30
Tedna tanche mukhel odhikari porjê kodden uloun tankam xanti bhasaili. Porjen tacher visvas tthevlo punn okosmat tãnnim xaracher akromon korunk suru kelem. Kitleanch nagrikan-che jiv kaddle.
31
Lutt-mar suru keli, xarak uzo ghatlo, ghoram-imaroti ani durgam môddun uddoilim.
32
Mukhe-leamnim ani tanchea soinikamnim bailank ani bhurgeank koidi kelim ani tanchim gorvam-vasram gheun gele.
33
Tãnnim Davidachem xar durgam bandun mozbut kelem. Charui vattamnim unch durgam ani mozbut gopur bandun,
34
thoim tãnnim des-ghatki lokank haddun dovorle.
35
Toxich dusri lutt-mar, ji tãnnim Jerusaleant haddloli ti-i tãnnim tea kottamnim bhôrun dovorli. Tem kott mhollear xarantlea lokacher akant ubo korta toslem zaun gelem
36
Hê jin’xim Dev-Mondiracher zaito vaitt porinnam’ zaunk laglo. Sogllê Israel porjen him vaitt follam chakchim poddlim:
37
Mondira bhonvtonnim niropradi mon’xanche jiv kaddle. ani povitr zago boxttailo.
38
Jerusaleantlea lokan bhirantin pollapôll kaddli, ani Jerusalem, videxi lokachi vosti zaun gelem. Khas xarant jieun ailolea lokak Jerusalem êk pordês zalo. Tea lokak thoincho bollan bhair sorunk lailo.
39
Dev-Mondir ritem ani eksurem zalem. Tantunt zavpi porbanche dis, dukhache dis zale. Povitr Son’varachi ninda zaunk lagli. Ticho onod-man keddnneam-moskoreancher poddlo.
40
Adim, jitli tichi mhoima asli, titlich atam tinnem loz bhôgchi poddli. Ani tichem vhoddponn khol dukhant buddlem.
41
Magir razan aplê ak’khê razvôttken êk kaido bhair kaddlo.
42
Ap-apleô riti sôddun
43
sogllim êk porza zaunchim mhonn razan ak’khea aplea rajeant êk porgôttnni jahir keli. Sogllea onbhavar-thiamnim hi porgôttnni mandun ghetli; zaitea Israelitamnim tancho dhorm mandun ghetlo, kuddea devank iodn bhettoile ani Son’var boxttailo.
44
Ra-zan, Jerusaleak ani toxech Judeiachea dusrea-i xaramnim likhit nirôp diun aplea dutank pattoile; ani sogllea lokan videxi chali pallunk suru korcheô.
45
Hea fuddem porjen, hom’-orponnam, iodn, pei-orponnam Dev-Mondirant bhe-ttounchim nhoi mhonn adnia ghatli. Ani Son’var ani porbeche dis pallche nhoi.
46
Dev-Mondir ani tantunt aslo-leô povitr vostu boxttauncheô mhu-nnonui tannem porgôtt kelem.
47
Ku-ddea devam khatir vedi, unch sthanam ani mondiram ubarat ani tancher dukor ani osleô mhelleô mon’zati hulpaiat.
48
Aplea putanchi sunôt korchi nhoi mhunnon porjê modem chal asli, ticherui tannem bondi ghatli. Ani, dhorma babtint jitlea mhelleponnan porjen jieunk zata, title tãnnim jieunche mhonn tankam sotea dili.
49
Hê porim porza somurt visortoli ani soglle nem’ bo-doltoli.
50
Ani zo konn hea hukumacher add veta, taka mornnachi khast favo zatoli mhonn sangun porjek bhenk-ddaili.
51
Razan, sogllê aplê porjek ho kaido nhoich jahir kelo, punn porza to khoreponnim vevharant ghalta zalear polleunk aple odhikari nemle. Tech porim Judeiantlea dôr-eka xarant vedincher kuddea devanchi puja korchi mhonn porjek hukum’ ghatlo.
52
Zaite Judev hea kaideank apli man bhagaunk toiar zale. Tãnnim aplea vaitt kortubam-nim aplea desachi zomin boxttaili.
53
Ani taka lagon je konn niz-bhavarthi Israelkar asle, te hea mon’xanche boli zaunche nhoi mhunnon lipun dis kaddunk lagle.
54
Kislev mhoineachea pondravea disa ekxem-ponchêchallisavea (145) vorsa vedicher nisonttonacho kanttallo ubar-lo. Judachea bhonvtonnchea xaramnim vedi bandleô.
55
Ghoranchea daram-xim ani rosteancher dhump bhettoilo.
56
Somurtichim pustokam sampoddtat titlim-i te pinztale ani ujeant ghaltale;
57
konna-i lagim Somurtichea pusto-kachi proti asli zalear ani to Somurt pallta mhonn gomlem zalear, razachê porgôtt-nnê pormannem taka mornnachem formonn poddtalem.
58
Onek mhoine, kaide moddtôlea Israelit lokank xikxa diunk lagle.
59
Mhoineachea ponchvi-savea disa, tãnnim hom’ orponnachê vedicher bandlolea unch sthanancher iodn bhettoile.
60
Hea kaidea porma-nnem jea avoiamnim aplea bhurgeanchi sunôt kel’li, tea avoiank jivexim marlim.
61
Tanchê borabor tanchea kuttum-bachea vangddeank ani sunôt korunk adar ditoleank jivexim marle. Ani tanchea bhurgeank jivexim marlim.
62
Tori Israelant zaitim zannam thir ravlim, ani mellem jevonn jevina zaunk tim ghôtt ravlim.
63
Oslem mellem jevonn jevun boxttounchê svater ani povitr korar boxttaunchê svater, tim morunk kobul aslim ani tankam jivexim marlim.
64
Israelacher khôr krôdh denvlo.

Golden Verse

1Korintkarank 7:38

Mhonnttôch aplê ankvar hoklê lagim logn zata to borem korta; ani logn zaina to odik borem korta.